-
Dokument nr. 15:2473 (2023-2024)
Innlevert: 01.08.2024
Sendt: 01.08.2024
Besvart: 07.08.2024 av klima- og miljøminister Andreas Bjelland Eriksen
Jostedalsbreen nasjonalpark er oppretta for å ta vare på Europas største fastlands-isbre og sikre «..naturoppleving gjennom utøving av tradisjonelt friluftsliv som er lite avhengig av teknisk tilrettelegging».
Er statsråden samd i at å bygge eit gondolanlegg heilt inn til grensa til Jostedalsbreen Nasjonalpark i eit område utan reiselivsinfrastruktur frå før, for å frakte opptil 100 000 turistar pr. år opp til 1 500 meters høgd og inn i den sårbare høgfjellsnaturen, er i strid med føremålet med opprettinga av nasjonalparken?
-
Dokument nr. 15:2432 (2023-2024)
Innlevert: 27.06.2024
Sendt: 27.06.2024
Besvart: 04.07.2024 av fiskeri- og havminister Marianne Sivertsen Næss
Den siste tida har vi sett at fleire lakseeksportørar er tekne for eksport av produksjonsfisk til utlandet. Det utan at feilretting er gjennomført og utan dispensasjon frå Mattilsynet, som er klare brot på regelverket.
Kva gjer statsråden for å sikre at eksportforbodet mot produksjonsfisk vert handheva, og at brot på regelverket får konsekvensar for dei useriøse aktørane?
-
Dokument nr. 15:2428 (2023-2024)
Innlevert: 26.06.2024
Sendt: 27.06.2024
Besvart: 05.07.2024 av utenriksminister Espen Barth Eide
Meiner utanriksministeren det er greitt at det skjer omfattande transport av russisk fisk i regi av eit norsk reiarlag, attpåtil i skip med russisk mannskap, stemmer at det at det aktuelle reiarlaget har blitt «..oppfordret til å ikke drive selvsanksjonering utover det myndighetene har bestemt» og vil utanriksministeren vurdere å skjerpe sanksjonsregelverket for å hindre at denne praksisen held fram?
-
Dokument nr. 15:2414 (2023-2024)
Innlevert: 25.06.2024
Sendt: 26.06.2024
Besvart: 01.07.2024 av helse- og omsorgsminister Jan Christian Vestre
Er Helseministeren enig i at offentleglova må følgast også i helsevesenet, og korleis vil statsråden følge opp dei forholda Dagens Næringsliv har avdekka når det gjeld sluttavtaler i helsesektoren med teieklausular, for å sikre at offentleglova blir følgd og openheiten styrka?
-
Dokument nr. 15:2367 (2023-2024)
Innlevert: 21.06.2024
Sendt: 21.06.2024
Rette vedkommende: Klima- og miljøministeren
Besvart: 28.06.2024 av klima- og miljøminister Andreas Bjelland Eriksen
Kva gjer statsministeren for å sikre reelt og raskt innsyn og offentlegheit i regjeringa sine pågåande prosessar med å knyte Noreg tettare på EU sitt klima- og miljøarbeid, jamfør mellom anna at det nylig vart kjend at store mengder dokument om Noreg sine klimaforhandlingar med EU først vart journalført av Klima- og miljødepartementet eit halvt år etter at saka vart ferdig behandla, og at media blir nekta innsyn i korrespondanse mellom Finansdepartementet og EU om den såkalla karbontollen (CBAM)?
-
Dokument nr. 15:2350 (2023-2024)
Innlevert: 20.06.2024
Sendt: 20.06.2024
Besvart: 28.06.2024 av justis- og beredskapsminister Emilie Mehl
Vil justisministeren ta initiativ til å gjennomgå praksis og retningsliner for korleis menneskelege omsyn og skjønn blir vurdert i saker som gjeld opphaldsløyve for personar utan avklart identitet som har levd lenge i Noreg, slik at ein i større grad kan vektlegge butid, familierelasjonar og tilknyting til Noreg og finne ein praksis som gjer at folk slepp å leve eit heilt liv i uvisse om framtida, slik vi no seinast ser i ei aktuell sak i Bremanger kommune i Vestland?
-
Dokument nr. 15:2314 (2023-2024)
Innlevert: 16.06.2024
Sendt: 17.06.2024
Rette vedkommende: Klima- og miljøministeren
Besvart: 21.06.2024 av klima- og miljøminister Andreas Bjelland Eriksen
Vil det vere mulig for Noreg å delta i EU sitt sosiale klimafond frå starten av utan at vi utarbeider detaljerte nasjonale sosiale klimaplanar i tillegg til eksisterande klima- og energiplanar, og tar regjeringa sikte på å ferdigstille slike planar seinast innan juni 2025?
-
Dokument nr. 15:2262 (2023-2024)
Innlevert: 10.06.2024
Sendt: 10.06.2024
Besvart: 14.06.2024 av kommunal- og distriktsminister Erling Sande
Då kommunal- og distriktsministeren i februar 2024 ga det nederlandske selskapet Bontrup grønt lys til å sprenge ut fjellet Aksla i Bremanger i eit særmerkt og urørt natur- og kulturlandskapsområde av nasjonal verdi, i strid med alle faglege råd og til internasjonale protestar, var departementet då kjend med at selskapet sin reelle plan med prosjektet er å bygge eit storskala vasskraftverk med eit framtidig vassbasseng på 180 mill. m³, og i tilfelle ikkje – korleis ville det ha påverka måten saka vart handsama på i forvaltinga?
-
Dokument nr. 15:2223 (2023-2024)
Innlevert: 06.06.2024
Sendt: 06.06.2024
Besvart: 13.06.2024 av næringsminister Cecilie Myrseth
Kan næringsministeren gi ei oppdatert oversikt over utviklinga i tal nye gründerar, tal nye tidlegfasebedrifter med vekstpotensial, tal investeringar frå venturemiljø i norske selskap og tal søknader til Innovasjon Norge sine tidlegfasevirkemiddel frå 2015 fram til i dag, helst oppdatert med tal frå 1. kvartal 2024 samanlikna med 1. kvartal i åra før?
-
Dokument nr. 15:2189 (2023-2024)
Innlevert: 03.06.2024
Sendt: 03.06.2024
Besvart: 10.06.2024 av digitaliserings- og forvaltningsminister Karianne O. Tung
Meta, som eig dei sosiale nettverka Facebook, Messenger, Instagram og WhatsApp, har nylig opna eit KI-senter i Oslo. Sist veke varsla Meta at dei endrar reglane frå 26. juni slik at dei kan bruke alle foto du har lagt ut i Meta sine sosiale nettverk til å trene opp KI-modellar.
Meiner digitaliseringsministeren dette er akseptabelt av eit selskap som opererer i Noreg og har ein så dominerande plass i folk sin kvardag - og viss ikkje, vil statsråden straks ta opp saka med Meta og be dei respektere personvernet til norske brukarar?
-
Dokument nr. 15:2138 (2023-2024)
Innlevert: 28.05.2024
Sendt: 28.05.2024
Besvart: 03.06.2024 av fiskeri- og havminister Marianne Sivertsen Næss
Vil regjeringa innføre toll på russisk fisk på linje med EU, eller på annan måte stoppe praksisen med at store mengder russisk fisk først blir landa i Noreg og deretter også videreforedla i Noreg og dermed gir milliard-inntekter inn i den russiske krigsøkonomien som finansierer krigen i Ukraina?
-
Dokument nr. 15:2134 (2023-2024)
Innlevert: 27.05.2024
Sendt: 28.05.2024
Besvart: 07.06.2024 av helse- og omsorgsminister Jan Christian Vestre
Pasientar som treng rehabilitering i spesialisthelsetenesta melder no i aukande grad om at dei får avslag.
Har det skjedd ei omlegging eller innskjerping i dagens praksis for kven som får rehabilitering i spesialisthelsetenesta, og er talet på pasientar som får avslag aukande?
-
Dokument nr. 15:2127 (2023-2024)
Innlevert: 26.05.2024
Sendt: 27.05.2024
Rette vedkommende: Samferdselsministeren
Besvart: 03.06.2024 av samferdselsminister Jon-Ivar Nygård
Vil kommunal- og distriktsministeren følgje opp landsstyret i KS sitt vedtak 24. mai om snarast mulig å få på plass ei kompensasjonsordning for overgang til nullutslippsløysingar på hurtigbåtar og ferjer, og kan statsråden stadfeste at denne ordninga også vil omfatte Vestland fylkeskommune og evt. andre fylke som allereie er i gang med anbodsprosessar på nullutsleppsløysingar, ikkje berre anbodsprosessar som blir starta etter 1.1.2025?
-
Dokument nr. 15:2091 (2023-2024)
Innlevert: 22.05.2024
Sendt: 22.05.2024
Besvart: 03.06.2024 av helse- og omsorgsminister Jan Christian Vestre
Ein ny studie frå Sykehuset i Vestfold viser at kvart tiande spedbarn kan ha vitamin B12-mangel. Om mor får lystgass under fødsel, aukar risikoen for at babyen blir fødd med for lågt nivå av vitamin B12. Pr i dag er ikkje måling av vitamin B12-nivå inkludert i nasjonale retningslinjer for nyfødd-screening. Heller ikkje mor blir rutinemessig sjekka for B12-nivå.
Vil helseministeren ta initiativ til ein ny gjennomgang av rutinene for nyfødd-screening sett i lys av dei nye forskingsfunna om B12-vitamin frå Sykehuset i Vestfold?
-
Dokument nr. 15:2073 (2023-2024)
Innlevert: 19.05.2024
Sendt: 21.05.2024
Besvart: 05.06.2024 av finansminister Trygve Slagsvold Vedum
Nye tal i RNB 2024 syner at regjeringa, stikk i strid med tidlegare progonosar og med regjeringa sin retorikk om «rekordhøge investeringar i næringslivet», ventar at investeringane i norske bedrifter på fastlandet vil gå ned med 2,6 % i 2024 og endå meir ned neste år.
Kan finansministeren gi eit oversyn over utviklinga i kvartalsvise sesongjusterte investeringar frå 1. kvartal 2022 til 1. kvartal 2024 i høve nasjonalregnskapet (SSB) for fastlandsnæringslivet - altså med petroleumssektoren og offentleg forvalting trekt frå?
-
Dokument nr. 15:2041 (2023-2024)
Innlevert: 14.05.2024
Sendt: 14.05.2024
Besvart: 24.05.2024 av kommunal- og distriktsminister Erling Sande
Regjeringa har tidlegare ikkje hatt oversikt over talet på tilsette i staten med fast arbeidsstad utanfor ordinær kontorstad eller kor mange staduavhengige stillingar i staten som har vorte utlyst, jmf. svar på mitt skriftlege spørsmål Dokument nr. 15:2031 (2022-2023).
Kan kommunal- og distriktsministeren no gjere greie for omfang og rutiner for bruk av og røynslene med desentralisert arbeid i staten, ut frå dei statlege verksemdene sine årsrapportar for 2023, der dei var pålagt å gjere greie for dette?
-
Dokument nr. 15:2029 (2023-2024)
Innlevert: 11.05.2024
Sendt: 13.05.2024
Besvart: 23.05.2024 av helse- og omsorgsminister Jan Christian Vestre
Nordfjord Sjukehus er av Ap og Sp i regjering, med noverande statsminister som helseminister, blinka ut som ein nasjonal modell for «Framtidas Lokalsjukehus». Eitt sentralt element i modellen er ein skadepoliklinikk som behandlar pasientar med mindre alvorlege skadar og kirurgiske lidingar som kan avklarast og eventuelt behandlast lokalt.
Er helseministeren samd i at skadepoliklinikken er eit sentralt element i den nasjonale modellen for «Framtidas Lokalsjukehus» for å sikre eit fullgodt akuttilbod for befolkninga i Nordfjord?
-
Dokument nr. 15:1981 (2023-2024)
Innlevert: 06.05.2024
Sendt: 06.05.2024
Besvart: 14.05.2024 av næringsminister Cecilie Myrseth
Kommunane tilknytt UNESCO Vestnorsk fjordlandskap og Lofotrådet har utarbeidd forslag til løysingar for utprøving av besøksbidrag i verdsarvfjordane og Lofoten. I desember 2021 ba dei Næringsdepartementet om å få starte pilottesting, forankra i Nasjonal Reiselivsstrategi 2030 og Hurdalsplattformen.
Vil næringsministeren sørge for at UNESCO Vestnorsk fjordlandskap og Lofotrådet får eit snarleg dialogmøte med NFD i forkant av departementet sitt varsla lovforslag som skal ut på høyring over sommaren, slik dei no har bedt om?
-
Dokument nr. 15:1975 (2023-2024)
Innlevert: 04.05.2024
Sendt: 06.05.2024
Besvart: 14.05.2024 av næringsminister Cecilie Myrseth
Norge har nylig inngått eit strategisk industripartnerskap med EU. Innanfor dette rammeverket har Noreg svært gode føresetnader for å ta ein leiande posisjon i berekraftig utvinning av kritiske råmateriale, herunder også prosessering.
Kva konkrete tiltak vil regjeringa setje inn for å sørge for at Noreg kan ta ei leiande rolle i utviklinga av berekraftige råmateriale i Europa, sett i lys av at EU-land som Tyskland, Frankrike, Italia og Irland allereie har sett av midlar i milliardklassen til ei slik satsing?
-
Dokument nr. 15:1940 (2023-2024)
Innlevert: 30.04.2024
Sendt: 02.05.2024
Besvart: 10.05.2024 av helse- og omsorgsminister Jan Christian Vestre
Angående oppfølging av nasjonal melding om fødselsomsorg og tilgjengeligheten til Luna-tilbudet ved Bærum sykehus:
Kan statsråden redegjøre for konkrete tiltak regjeringen vil iverksette for å sikre at enheter som Luna ved Bærum sykehus har tilstrekkelige ressurser til å imøtekomme den økende etterspørselen etter deres tjenester, og hvordan vil statsråden følge opp på bekymringene rundt mangel på tilgjengelighet og kapasitet ved slike spesialiserte enheter, som Luna, i lys av målet om en mer tilgjengelig fødselsomsorg?