Begrunnelse

Sparebankutvalet ser ut til å leggje til grunn at EBA si uttale om at norske eigenkapitalprov må få betre evne til å absorbere tap for å kvalifisere som rein kjernekapital, inneber at det må gjerast endringar på ein bestemd måte i eigenkapitalprovet. EBA skriv derimot sjølv at:

“it remains the local authority responsibility to assess the best way to implement it within their national regulatory framework, giving due consideration to proportionality principles as deemed appropriate”.

Dette kjem fram av eit brev EBA sendte til den europeiske sparebankforeininga i førre veke. Det er vanskeleg å tolke dette brevet annleis enn at Noreg har stor fridom til å gjere eigne tolkingar av regelverket med grunngjeving i proporsjonalitetsprinsippet. EBA har berre peika på at kapitalstrukturen i norske sparebankar er kompleks, men overlèt til nasjonale styresmakter å avgjere korleis regelverket blir tilpassa. Det tilseier at Noreg står fritt til å kommunisere til EBA korleis ein vil ivareta den norske sparebankmodellen med utgangspunkt i proporsjonalitetsprinsippet. Den norske sparebankmodellen er særeigen og derfor sjølvsagt også gyldig med grunngjeving i proporsjonalitet.