Interpellasjon fra representanten Olav Akselsen til fiskeriministeren:
"Fleire ulukker i seinare tid, mellom anna det tragiske "Rocknes"-forliset, syner kor viktig det er å ha eit godt og velfungerande oljevern langs heile kysten. Ved havari er det avgjerande for naturen og dyrelivet at oljevernet fungerer slik at miljøskadane vert minst moglege. Auken i oljetrafikken frå Russland forsterkar problemet ytterlegare. Det må til kvar tid vera tilstrekkeleg med utstyr tilgjengeleg, og utstyret må takast i bruk tidsnok når ulukka er eit faktum.
Kva vil statsråden gjera for å sikra at styresmaktene har nok tilgjengeleg utstyr og god nok beredskap og kontroll, slik at det er eit operativt oljevern langs heile kysten?"