Interpellasjon fra representanten Bjørn Lødemel til miljø- og utviklingsministeren:
«Eit samrøystes storting vedtok nytt rovviltforlik 17. juni 2011. Forliket frå 2004 hadde som målsetjing å ta omsyn både til beitenæringa og til rovdyra, såkalla delt målsetjing. Denne sameksistensen har ikkje fungert, og konfliktane har vore aukande. Det har òg vore aukande mistillit til forvaltninga, og det er mange som meiner at det er ein av hovudgrunnane til at rovviltforliket frå 2004 har feila. No er det svært viktig at det nye forliket blir gjennomført på ein slik måte at det både skaper respekt for dei som bur og oppheld seg i rovviltbelasta område, og at det tek vare på Noreg sine plikter når det gjeld rovdyr. Det er avgjerande at regjeringa følgjer opp dei signala og forventningane som Stortinget har til det nye rovviltforliket, og rettar på dei manglane som var ved forliket frå 2004.
Korleis vil statsråden gjennomføre rovviltforliket i praktisk politikk?»