Kap. 800 Barne- og familiedepartementet

Post 21 Spesielle driftsutgifter

BFD føreslår å redusere løyvinga på posten med 148 000 kroner, mot tilsvarande auke på kap. 325, post 21 under Kulturdepartementet, som følgje av endringa i departementsstrukturen som tok til å gjelde frå mai 2019.

Kap. 841 Samliv og konfliktløysing

Post 23 Refusjon av utgifter til DNA-analysar, overslagsløyving

Prognosen for talet på DNA-analysar til fastsetjing av farskap er lågare enn lagt til grunn i gjeldande budsjett. BFD føreslår derfor å redusere løyvinga under kap. 841, post 23 med 1,1 mill. kroner.

Kap. 843 Adopsjonsstønad

Post 70 Tilskot til foreldre som adopterer barn frå utlandet, overslagsløyving

Prognosen for talet på utanlandsadopsjonar er lågare enn lagt til grunn i gjeldande budsjett. BFD føreslår derfor å redusere løyvinga under kap. 843, post 70 med 0,9 mill. kroner.

Kap. 845 Barnetrygd

Post 70 Tilskot, overslagsløyving

Utbetalingane til barnetrygd har til no i år vore noko lågare enn tidlegare lagt til grunn. Utgiftene i 2019 blir no rekna til 15 750 mill. kroner. BFD føreslår derfor å redusere løyvinga under kap. 845, post 70 med 40 mill. kroner.

Kap. 854 Tiltak i barne- og ungdomsvernet

Post 21 Spesielle driftsutgifter, kan nyttast under post 71

Det er sett av 15 mill. kroner på posten til eit prøveprosjekt med hurtigbusetjing av einslege, mindreårige asylsøkjarar. Prosjektet er forseinka, og berre ein liten del av løyvinga blir nytta i 2019. BFD føreslår å redusere løyvinga under kap. 854, post 21 med 14,6 mill. kroner.

Post 22 Barnesakkunnig kommisjon

Det har komme inn færre rapportar til Barnesakkunnig kommisjon i 2019 enn tidlegare lagt til grunn. BFD føreslår derfor å redusere løyvinga på kap. 854, post 22 med 1 mill. kroner.

Post 45 Større utstyrsanskaffingar og vedlikehald, kan overførast

Løyvinga på posten blir nytta til Bufdir sitt arbeid med digitaliseringstiltak.

For å sikre korrekt postbruk føreslår BFD å redusere kap. 854, post 45 med 6,2 mill. kroner, mot ein tilsvarande auke på kap. 858, post 1.

Kap. 3855 Statleg forvalting av barnevernet

Post 60 Kommunale eigendelar

Aktivitetsveksten i det statlege barnevernet har i 2019 vore lågare enn tidlegare lagt til grunn. Eit lågare tal på opphaldsdagar gir reduserte inntekter.

BFD føreslår å redusere kap. 3855, post 60 med 47 mill. kroner.

Kap. 856 Barnevernets omsorgssenter for einslege, mindreårige asylsøkjarar

Post 1 Driftsutgifter

Det blei sett i gang ein prosess med å redusere talet på plassar i omsorgssentera til 50 plassar i 2018. Utgifter til omstillinga i 2019 er lågare enn tidlegare lagt til grunn.

BFD føreslår å redusere kap. 856, post 1 med 4 mill. kroner.

Kap. 3856 Barnevernets omsorgssenter for einslege, mindreårige asylsøkjarar

Post 4 Refusjon av ODA-godkjende utgifter

Ifølgje retningslinjene frå OECD/DAC er det berre utgifter det fyrste året som kan godkjennast. Det er i gjeldande budsjett lagt til grunn at 100 pst. av barna i omsorgssentera har butid under eitt år i 2019. Oppdatert informasjon viser at denne delen no er på 96 pst.

BFD føreslår å redusere kap. 3856, post 4 med 4,4 mill. kroner.

Kap. 858 Barne-, ungdoms- og familiedirektoratet

Post 1 Driftsutgifter, kan nyttast under kap. 855, post 1

Grunna auka bruk av interne ressursar i Bufdir i samband med prosjektet DigiBarnevern føreslår BFD å auke posten med 6,2 mill. kroner mot ein tilsvarande reduksjon på kap. 854, post 45.

Kap. 880 Den norske kyrkja

Post 70 Rammetilskot til Den norske kyrkja

Då Den norske kyrkja vart etablert som eige rettssubjekt 1. januar 2017, blei det fastsett ein opningsbalanse med fiktive pensjonsmiddel på 1,7 mrd. kroner som svara til dei framtidige pensjonsforpliktingane. Avkastninga på kyrkja sine pensjonsmiddel har ikkje vore så høg som Statens pensjonskasse sitt krav til renteavkastning. Dette avviket må kyrkja dekkje gjennom solvenspremien.

BFD føreslår at staten medverkar til å dekkje desse utgiftene for 2017–2019, på bakgrunn av tidspunktet for etablering av rettssubjektet og den korte levetida til rettssubjektet. Frå og med statsbudsjettet for 2020 må Den norske kyrkja sjølv dekkje eventuell solvenspremie til SPK.

På denne bakgrunn føreslår BFD å auke løyvinga på kap. 880, post 70 med 70 mill. kroner i 2019.

Kap. 882 Kyrkjebygg og gravplassar

Post 61 Tilskot til freda og verneverdige kyrkjebygg, kan overførast

For å sikre korrekt postbruk føreslår BFD å auke løyvinga på kap. 882, post 61 med 13,8 mill. kroner mot ein tilsvarande reduksjon på kap. 882, post 70, jf. omtale under post 70.

Post 70 Tilskot til sentrale tiltak for kyrkjebygg og gravplassar

Som følgje av meirutgiftene Riksantikvaren har som tilskotsforvaltar i 2019, føreslår BFD å redusere kap. 882, post 70 med 0,4 mill. kroner mot ein tilsvarande auke på kap. 1429, post 1 under Klima- og miljødepartementet.

Spørsmålet om eit bevaringsprogram for kyrkjebygg, jf. Innst. 14 S (2018–2019), vil departementet komme tilbake til i samanheng med oppfølginga av meldinga til Stortinget om Opplysningsvesenets fond, jf. Meld. St. 29 (2018–2019).

Riksantikvaren tildeler tilskot til einskilde kyrkjebygg, mellom anna til brann- og klimasikring, etter søknad. Midlane vil i hovudsak komme til utbetaling til dei aktuelle kommunane i 2020. For å sikre korrekt postbruk og ta omsyn til tidspunkt for utbetaling føreslår BFD å redusere løyvinga på kap. 882, post 70 med 13,8 mill. kroner mot ein tilsvarande auke på kap. 882, post 61, jf. omtale under post 61.

Nye anslag for behovet for midlar til krigsgravtenesta i 2019 tilseier at ein større del av desse midlane blir fordelte til kap. 327, post 70. BFD føreslår derfor å redusere kap. 882, post 70 med 0,4 mill. kroner mot ein tilsvarande auke på kap. 327, post 70 under Kulturdepartementet.

Samla føreslår BFD å redusere kap. 882, post 70 med 14,6 mill. kroner.

Kap. 2530 Foreldrepengar

Post 70 Foreldrepengar ved fødsel, overslagsløyving

Auken i utgiftene til foreldrepengar ved fødsel i 2019 kjem av at fleire foreldre enn tidlegare er venta å få foreldrepengar i 2019. BFD føreslår derfor å auke løyvinga under kap. 2530, post 70 med 380 mill. kroner.

Post 71 Eingongsstønad ved fødsel og adopsjon, overslagsløyving

Utbetalingane til eingongsstønad ved fødsel og adopsjon har til no i år vore noko lågare enn tidlegare lagt til grunn. BFD føreslår derfor å redusere løyvinga under kap. 2530, post 71 med 50 mill. kroner.

Post 73 Foreldrepengar ved adopsjon, overslagsløyving

Utbetalingane av foreldrepengar ved adopsjon har til no i år vore noko lågare enn tidlegare lagt til grunn. BFD føreslår derfor å redusere løyvinga under kap. 2530, post 73 med 7 mill. kroner.

Kap. 854 Tiltak i barne- og ungdomsvernet

Komiteens medlem fra Senterpartiet viser til Barnesakkyndig kommisjons årsmelding for 2018. Det går fram i denne rapporten at saksinngangen har vært fallende. Fra Barnesakkyndig kommisjons årsrapport for 2018, s. 5, siteres følgende:

«Det er særlig barnevernstjenesten som ser ut til å benytte sakkyndige i mindre grad enn for noen år siden. Det er uklart hva dette skyldes. Det er også uklart om alle rapporter sendes inn som forutsatt. Det medfører at kommisjonen ønsker å intensivere sitt informasjonsarbeid mot barneverntjenestene, de sakkyndige og øvrige oppdragsgivere ytterligere i året som kommer.»

Dette medlem vil understreke at kommisjonen gjør et viktig arbeid med å vurdere avgitte rapporter av sakkyndige i barnevernssaker. Kommisjonen er et viktig objektivt ledd i kvalitetssikringen av sakkyndiges rapporter. Det er positivt at kommisjonen på eget initiativ ønsker å intensivere informasjonsarbeidet rettet mot barnevernstjenestene, jf. årsmelding 2018. I lys av de mange alvorlige rapportene og sakene vi er blitt kjent med i barnevernet, mener dette medlem at det bør være en prioritert oppgave at flere rapporter kvalitetssikres. Videre bør det undersøkes nærmere hvorfor kommisjonen får inn færre rapporter til vurdering enn tidligere.