Til Stortinget

Sammendrag

Olje- og energidepartementet (OED) foreslår i proposisjonen endringar i statsbudsjettet 2014.

Med bakgrunn i avviklinga av Konsesjonsavgiftsfondet blir det i proposisjonen foreslått at Konsesjonsavgiftsfondets vedtekter blir oppheva når endringane i industrikonsesjonslova og vassdragsreguleringslova fremja i Prop. 4 L (2014–2015) trer i kraft.

Som ein del av den årlege behandlinga av statsbudsjettet gir Stortinget fullmakter til Kongen i statsråd og Olje- og energidepartementet knytte til petroleumsverksemda, jf. Prop. 1 S og Innst. 9 S (2013–2014).

I proposisjonen gjer Olje- og energidepartementet greie for bruk av enkelte av desse fullmaktene i 2014.

Endringar i statsbudsjettet 2014

Kap. 1810 Oljedirektoratet

Post 1 Driftsutgifter

Det blir foreslått å auke løyvinga med 4,2 mill. kroner, til 261,5 mill. kroner. Ein viser til motsvarande inntektsauke under kap. 4810, post 1 Gebyrinntekter.

Post 21 Spesielle driftsutgifter, kan overførast

Det blir foreslått å auke løyvinga med 60 mill. kroner, til 210,1 mill. kroner.

Ein viser til motsvarande inntektsauke under kap. 4810, post 2 Oppdrags- og samarbeidsinntekter.

Kap. 1815 Petoro AS

Post 73 Statleg deltaking i petroleumsverksemd på islandsk kontinentalsokkel, kan overførast

Den norske stat deltek gjennom Petoro Iceland AS med 25 prosent i tre utvinningsløyve på islandsk kontinentalsokkel.

Det blir foreslått ei fullmakt til å pådra staten forpliktingar utover gitt løyving på inntil 30 mill. kroner knytte til fortløpande forretningsverksemd innanfor gjeldande deltakingsvedtak, jf. forslag til romartalsvedtak II. Tilsvarande fullmakt er foreslått for 2015, jf. Prop. 1 S (2014–2015) for Olje- og energidepartementet.

Kap. 1820 Noregs vassdrags- og energidirektorat

Post 1 Driftsutgifter

På vegner av offentlege verksemder har Direktoratet for forvaltning og IKT (Difi) inngått avtale om leveranse av elektronisk ID (eID) frå private leverandørar.

Det blir foreslått å auke løyvinga med 25 000 kroner, til 493,625 mill. kroner.

Post 22 Flaum- og skredførebygging, kan overførast, kan nyttast under post 60 og 72

Flaumen som råka fleire kommunar på Vestlandet i slutten av oktober har ført til omfattande skadar og det har vore naudsynt å setje i verk tiltak straks for å rydde opp og avverje fare for ytterlegare skadar.

Det blir foreslått å auke løyvinga med 24 mill. kroner, til 265,3 mill. kroner.

Kap. 1840 CO2-handtering

Post 21 Spesielle driftsutgifter, kan overførast, kan nyttast under post 74

I samband med oppfølginga av Regjeringas strategi for det vidare arbeidet med CO2-handtering vil statsaksjeselskapet Gassco få i oppdrag å sjå på høve til transport av CO2 frå potensielle fangstprosjekt i Noreg, jf. kap. 1840, ny post 74 Transport av CO2.

Det blir foreslått å redusere løyvinga med 10 mill. kroner, til 5 mill. kroner. Ein viser til omtale og tilsvarande løyving under kap. 1840, ny post 74. Som følgje av usikkert kostnadsoverslag for ovannemnde arbeid blir det foreslått å tilføre posten stikkordet «kan nyttast under post 74».

Post 70 Gassnova SF, kan overførast, kan nyttast under post 73 og 74

Samla blir det foreslått å redusere løyvinga med 9,5 mill. kroner, til 144,8 mill. kroner. Gassnova disponerer hovuddelen av midlane til kartlegging av høve til fullskala demonstrasjon av CO2-handtering i Noreg. Det blir foreslått å tilføre posten stikkordet «kan nyttes under post 74» etter same forklaring som under post 21.

Post 71 Forskingstenester, TCM DA, kan overførast

Løyvinga til kjøp av forskingstenester dekkjer driftsutgifter ved teknologisenteret på Mongstad og nedbetaling av selskapets lån og kapitalkostnader.

Det blir foreslått å redusere løyvinga med 32 mill. kroner, til 1 732 mill. kroner.

Post 73 Fullskala CO2-handtering på Mongstad, kan overførast, kan nyttast under post 70

Det blir foreslått å redusere løyvinga med 27,5 mill. kroner, til 0,5 mill. kroner.

Post 74 (Ny) Transport av CO2, kan overførast

I tråd med Prop. 1 S (2014–2015) blir det lagt opp til å føre vidare arbeidet med å kartleggje høve til fullskala demonstrasjon av CO2-handtering i Noreg.

Utgiftene for studiane er førebels usikre, men første fasen av Gasscos arbeid med idéstudiar blir anslått til 10 mill. kroner. Regjeringa vil komme nærare tilbake til status og vidare planar i revidert budsjett 2015.

Det blir foreslått ei løyving på 10 mill. kroner. Ein viser til tilsvarande utgiftsreduksjon under kap. 1840, post 21 Spesielle driftsutgifter. Arbeidet vil starte opp i 2014, og vil gå føre seg inn i 2015. Det blir derfor foreslått at posten blir tilføydd stikkordet «kan overførast».

Kap. 2440/5440 Statens direkte økonomiske engasjement i petroleumsverksemda

Løyvinga under kap. 2440, post 30 Investeringar blir foreslått redusert med 1 000 mill. kroner, til 37 000 mill. kroner. Reduksjonen skuldast hovudsakleg forskyving av prosjekt og investeringar på fleire felt.

SDØEs berekna driftsresultat er redusert med 7 200 mill. kroner, til 118 900 mill. kroner.

Overslaget for netto kontantstraum frå SDØE er redusert frå 116 900 mill. kroner til 109 900 mill. kroner, ein reduksjon på 7 000 mill. kroner frå gjeldande budsjett for 2014.

Kap. 2490 NVE Anlegg

Post 24 Driftsresultat

Endringane i underpostar fører ikkje til endring i NVE Anlegg sitt berekna driftsresultat.

Kap. 4800 Olje- og energidepartementet

Post 70 Garantiprovisjon, Gassco

Det blir foreslått å auke løyvinga med 0,2 mill. kroner, til 1,4 mill. kroner.

Kap. 4810 Oljedirektoratet

Post 1 Gebyrinntekter

Det blir foreslått å auke løyvinga med 4,2 mill. kroner, til 19,2 mill. kroner.

Post 2 Oppdrags- og samarbeidsinntekter

Det blir foreslått å auke løyvinga med 60 mill. kroner, til 131,4 mill. kroner.

Post 4 Sal av undersøkingsmateriale

Det blir foreslått å auke løyvinga med 37 mill. kroner, til 73 mill. kroner. Meirverdiavgift blir inntektsført under kap. 5521.

Kap. 4840 CO2-handtering

Post 80 Renter, TCM DA

Det blir foreslått å redusere løyvinga med 5 mill. kroner, til 84 mill. kroner.

Post 86 Avdrag, TCM DA

Det blir foreslått å redusere løyvinga med 12 mill. kroner, til 1 099 mill. kroner.

Kap. 5582 Sektoravgifter under Olje- og energidepartementet

Post 70 Bidrag til kulturminnevern

Det blir foreslått å auke løyvinga med 3,2 mill. kroner, til 5,6 mill. kroner.

Kap. 5685 Aksjar i Statoil ASA

Post 85 Utbytte

Statoil ASA vil i 2014 utbetale utbytte for heile 2013 og for to kvartal i 2014. Den norske stat eig i dag 2 136 393 559 aksjar i selskapet.

Det blir foreslått å auke løyvinga på post 85 med 7 691 mill. kroner, til 22 646 mill. kroner.

Komiteens merknader

Komiteen, medlemmene fra Arbeiderpartiet, Åsmund Aukrust, Eva Kristin Hansen, Per Rune Henriksen, Anna Ljunggren og Terje Aasland, fra Høyre, Nikolai Astrup, Tina Bru, Odd Henriksen og Eirik Milde, fra Fremskrittspartiet, Jan-Henrik Fredriksen og Oskar J. Grimstad, fra Kristelig Folkeparti, Rigmor Andersen Eide, fra Senterpartiet, Marit Arnstad, fra Venstre, lederen Ola Elvestuen, fra Sosialistisk Venstreparti, Ingunn Gjerstad, og fra Miljøpartiet De Grønne, Rasmus Hansson, viser til de foreslåtte endringene i statsbudsjettet for 2014 for Olje- og energidepartementet, og til forslag om at Konsesjonsavgiftsfondets vedtekter blir opphevet når endringene i industrikonsesjonsloven og vassdragsreguleringsloven trer i kraft.

Komiteens tilråding

Komiteen har for øvrig ingen merknader, viser til proposisjonen og rår Stortinget til å gjøre slikt

vedtak:

I

I statsbudsjettet for 2014 blir det gjort følgjande endringar:

II

Stortinget samtykkjer i at Olje- og energidepartementet i 2014 kan pådra seg forpliktingar utover gitt løyving innanfor følgjande beløp:

III

Stortinget samtykkjer i at Konsesjonsavgiftsfondets vedtekter, vedtekne av Stortinget 31. januar 1975, blir oppheva når endringane i industrikonsesjonslova og vassdragsreguleringslova fremja i Prop. 4 L (2014–2015) trer i kraft.

Oslo, i energi- og miljøkomiteen, den 2. desember 2014