Til Stortinget

1. Sammendrag

1.1 Formål

I denne proposisjonen legg Regjeringa fram forslag om visse endringar i løyvingar i forsvarsbudsjettet for 2005. Siktemålet er å skape samsvar mellom løyvingane under dei einskilde kapitla og postane og dei endringane i budsjettføresetnadene som har skjedd sidan forsvarsbudsjettet for 2005 vart utarbeidd.

Gitt den komplekse samansetjinga av kapittel med svært variable storleikar, er omgrupperingsproposisjonen eit naudsynt verktøy for å sikre god økonomistyring i forsvarssektoren. Tiltak for å møte endringar i føresetnadene som oppstår i gjennomføringsåret, kan såleis verte handsama samla og formalisert på rett måte.

Omgrupperingsproposisjonen formaliserer lønnskompensasjonen for 2005, innsparing i samla utgiftsramme, tilpassing av løyvinga i samsvar med endringar i føresetnadene og oppdatering og formalisering av tekniske endringar mellom kapitla. Totalt sett utgjer omgrupperinga ein reduksjon i løyvinga til Forsvarsdepartementet på 82,6 mill. kroner.

Proposisjonen sikrar vidare at endringane i budsjettføresetnadene også vert handsama i tråd med dei overordna omstillingsmåla Stortinget har lagt for utviklinga i forsvarssektoren. Justeringane i denne proposisjonen ivaretek dette slik at justeringane som her vert skisserte, tilrettelegg for ei vidare utvikling mot oppnåing av omstillingsmåla for perioden 2002-2005.

1.2 Tilleggsløyvingar

Kompensasjon for auka meirverdiavgift i Luftforsvaret

På bakgrunn av innføring av meirverdiavgift på kjøp av tenester frå AVINOR, foreslår Regjeringa ei tilleggsløyving på 17,4 mill. kroner over forsvarsbudsjettet for å kompensere for auka utgifter for Luftforsvaret.

1.3 Grunnlaget for omgrupperinga

1.3.1 Økonomisk grunnlag

Grunnlaget for omgrupperinga er vedtatt budsjett for 2005, dei seinare endringane gjort av Stortinget, fullmakter gitt av Stortinget til Finansdepartementet som ikkje kjem fram som løyvingsendringar under dei einskilde departementa og midlar ført over frå 2004. Det er òg tatt omsyn til forsvarssektoren sin del av lønskompensasjonen for 2005 (119,9 mill. kroner).

Tabell 1.1 Faktisk løyving på utgiftssida, før omgruppering 2005, kjem fram slik (i 1 000 kroner):

Tabell 1.2 Disponibel løyving på inntektssida før omgruppering 2005 kjem fram slik (i 1 000 kroner):

1.3.2 Inntekter i 2005

I høve til vedtatt budsjett for 2005 er det ei mindreinntekt på 100 mill. kroner som er foreslått trekt frå utgiftssida.

Det vert vist til Forsvarsdepartementet si generelle meirinntektsfullmakt (jf. St.prp. nr. 1 (2004-2005), vedtak II Meirinntektsfullmakt). Det er forventa meirinntekter som skuldast tilsvarande utgift i 2005. Meirinntektene vil bli tatt omsyn til ved årets overføringsforslag til Finansdepartementet.

Tabell 1.3 Løyvingsbehov på utgiftssida i samband med omgrupperingsproposisjonen vert slik (i 1 000 kroner):

Tabell 1.4 Løyvingsbehovet på inntektssida i samband med omgrupperingsproposisjonen vert slik (i 1000 kroner):

Departementet foreslår på denne bakgrunn, under forslag til vedtak, at utgiftsramma vert redusert med 82,6 mill. kroner og at inntektsramma vert redusert med 100 mill. kroner.

1.3.3 Utgifter

Tala i tabellane nedanfor syner netto endringar på dei ulike postane. Utgiftstabellen er inklusiv fordeling av mindreinntekter.

Tabell 1.5 Postfordeling utgifter (i 1 000 kroner)

1.3.4 Inntekter

Tabell 1.6 Postfordeling inntekter (i 1 000 kroner)

2. Hovudtrekk ved dei største utgifts- og inntektsendringane på postnivå

2.1 Utgifter

Den totale utgiftsramma er redusert med 82,6 mill. kroner. Driftsbudsjettet er totalt foreslått auka med 137,6 mill. kroner, mens investeringsbudsjettet er foreslått redusert med 220,2 mill. kroner.

Nedanfor er dei største og viktigaste endringane forklart på post/kapittelnivå.

2.1.1 Post 1 Driftsutgifter

Post 1 er foreslått auka med totalt 99,6 mill. kroner.

Post 1 er foreslått tilført 43 mill. kroner i samband med forsering av samarbeidet i Provincial Reconstruction Team (PRT) i Nord-Afghanistan, 60 mill. kroner i teknisk justering i samband med nye retningsliner for kva som skal posterast på respektive drift og investering i samband med gjennomføring av investeringsprosjekt, 33 mill. kroner for å halde transportflyet C-130 i operativ stand, 10 mill. kroner til restaurering av KNM ALTA og 2,5 mill. kroner til Forsvarets musikk. Vidare foreslår Regjeringa at posten vert tilført 17,4 mill. kroner i tilleggsløyving grunna kompensasjon for auka meirverdiavgift i Luftforsvaret. I tillegg er det gjort tekniske justeringar mot andre postar som samla gir ein auke på 9,5 mill. kroner.

Omdisponeringane frå posten gjeld 60 mill. kroner til finansiering av utgifter over post 50 Statens Pensjonskasse og 15,8 mill. kroner for å ivareta tilpassing av dei gamle bygningane ved Fredriksvern verft i Stavern til bruk for justissektoren.

Elles er det gjort omdisponeringar mellom kapittel/postar basert på analysar og vurderingar, inkludert prognosar. Ein vesentleg del av endringane mellom kapitla skuldast tekniske justeringar for å oppnå ei reindyrking av kap. 1725 Fellesinstitusjoner og utgifter under Forsvarsstaben , for å reflektere dei nye felles­avdelingane som er oppretta og underlagt Forsvarsstaben og ny organisering av Forsvarsstaben.

Følgjande vesentlege endringar er gjort på dei ein­skilde kapitla:

Kap. 1719 Fellesutgifter og tilskot til føretak under Forsvarsdepartementet

Kapitlet er foreslått redusert med 40,6 mill. kroner. Reduksjonen skuldast omdisponeringar frå kapitlet for å dekkje ymse meirbehov på andre kapittel og postar, som å tilpasse bygningane ved Fredriksvern verft i Stavern til bruk for justissektoren (15,8 mill. kroner). I tillegg er det gjort tekniske justeringar mot andre kapittel som samla gir ein reduksjon på 24,8 mill. kroner.

Kap. 1720 Felles leiing og kommandoapparat

Kapitlet vert foreslått redusert med 16 mill. kroner. Reduksjonen skuldast i hovudsak overføring av lønsmidlar i samband med vertslandsstøtte til NATO på Ørland (3 mill. kroner), finansiering av stillingar til regional støttefunksjon i Heimevernet (4 mill. kroner), og auka kostnader knytte til allierte treningssentra (32 mill. kroner).

Kapitlet vert foreslått tilført midlar i samband med naudsynt styrking av tenesta ved Joint Warfare Centre (JWC) (22 mill. kroner).

Kap. 1725 Fellesinstitusjonar og -utgifter under Forsvarsstaben

Kapitlet er foreslått auka med 500,3 mill. kroner. Auka skuldast i hovudsak tekniske justeringar for å oppnå ei reindyrking av kapitlet for å reflektere dei nye fellesavdelingane som er oppretta og underlagt Forsvarsstaben og ny organisering av Forsvarsstaben.

Kapitlet er m.a. tilført 370 mill. kroner i samband med at ansvar for drift av Forsvarets kompetansesentra for logistikk og kommando-, kontroll- og informasjonssystem (FKL og FK KKIS), er overført til kap. 1725 (jf. Innst. S. nr. 234 (2003-2004), jf. St.prp. nr. 42 (2003-2004)), 22 mill. kroner er overført frå forsvarsgreinene til Forsvarets sanitet til sentral drift av tannlegetenester, 56 mill. kroner i samband med at kapitlet overtar kostnader for elevar på hovudstudiet ved Forsvarets skolesenter og 5 mill. kroner i samband med flytting av midlar til drift av Forsvarets arkivadministrasjon. 123 mill. kroner er tilført frå andre kapittel i samband med finansiering av auka ammunisjons- og drivstofflager (dette ved gevinstrealisering grunna pålagt reduksjon av administrative utgifter på dei andre kapitla), 89 mill. kroner i samband med sentralisering av IT-driftskostnader og 45 mill. kroner i samband med sentralisering av rabatterte vernepliktsreiser. Det er òg gjort tekniske justeringar mot andre kapittel som samla gir ein auke på 5 mill. kroner.

Omdisponeringane frå posten gjeld finansiering av stillingar ført over til kap. 1740 Forsvarets logistikk­organisasjon (24 mill. kroner), 22 mill. kroner er overført til kap. 1720 grunna meirbehov ved Joint Warfare Centre (JWC) og 5 mill. kroner er overført til kap. 1795 grunna meirbehov i samband med musikk og museumsverksemd. 11 mill. kroner er overført til kap. 1790 Kystvakta grunna høgare drivstoffutgifter enn forventa, 93 mill. kroner er overført kap. 1740 grunna meirbehov i samband med sikring av ammunisjon og våpenlager og 60 mill. kroner er omdisponert i samband med finansieringa av meirutgifter til Statens Pensjonskasse.

Kap. 1731 Hæren

Kapitlet er foreslått redusert med 468,6 mill. kroner. Reduksjonen skuldast i hovudsak tekniske flyttingar til kap. 1725 for å reindyrke kapitlet og for å reflektere dei nye fellesavdelingane som er oppretta og underlagt Forsvarsstaben og ny organisering av Forsvarsstaben.

Kapitlet er m.a. redusert i samband med oppretting av Forsvarets kompetansesentra (FKL og FK KKIS) (335 mill. kroner), drift av tannlegetenestene som er overført til Forsvarets sanitet (11 mill. kroner), kostnader for elevar på hovudstudiet ved Forsvarets skolesenter (23 mill. kroner), oppretting av Forsvarets arkivadministrasjon (1 mill. kroner) og at Forsvarets sanitet overtar ansvaret for Ridderrennet (1,5 mill. kroner). Vidare er kapitlet redusert med 47 mill. kroner i samband med sentralisering av IT-driftskostnader, 24 mill. kroner i samband med sentralisering av rabatterte vernepliktsreiser, 24 mill. kroner grunna reduksjon av administrative utgifter og 23 mill. kroner i samband med finansiering av stillingar overtatt av kap. 1740 Forsvarets logistikkorganisasjon. I tillegg er det gjort tekniske justeringar mot andre kap. som samla gir ein reduksjon på 4 mill. kroner.

Kapitlet er tilført midlar i samband med finansiering av stillingar til regional støttefunksjon (25 mill. kroner).

Kap. 1732 Sjøforsvaret

Kapitlet er foreslått redusert med 77,9 mill. kroner. Reduksjonen skuldast i hovudsak tekniske flyttingar til kap. 1725 for å reindyrke kapitlet og å reflektere dei nye fellesavdelingane som er oppretta og underlagt Forsvarsstaben og ny organisering av Forsvarsstaben. Kapitlet er m.a. redusert i samband med oppretting av Forsvarets kompetansesentra (FKL og FK KKIS) (19 mill. kroner), drift av tannlegetenestene som er overført til Forsvarets sanitet (6 mill. kroner), kostnader for elevar på hovudstudiet ved Forsvarets skolesenter (16 mill. kroner), og oppretting av Forsvarets arkivadministrasjon (3 mill. kroner). Vidare er kapitlet redusert med 3 mill. kroner i samband med sentralisering av IT-driftskostnadar, 11 mill. kroner i samband med sentralisering av rabatterte vernepliktsreiser og 20 mill. kroner grunna reduksjon av administrative utgifter.

Kap. 1733 Luftforsvaret

Kapitlet er foreslått redusert med 70,7 mill. kroner. Reduksjonen skuldast i hovudsak tekniske flyttingar til kap. 1725 for å reindyrke kapitlet for å reflektere dei nye fellesavdelingane som er oppretta og underlagt Forsvarsstaben og ny organisering av Forsvarsstaben.

Kapitlet er m.a. redusert vedrørande oppretting av Forsvarets kompetansesentra (FKL og FK KKIS) (15 mill. kroner), drift av tannlegetenestene som er overført til Forsvarets sanitet (4 mill. kroner), kostnader for elevar på hovudstudiet ved Forsvarets skolesenter (16 mill. kroner) og oppretting av Forsvarets arkivadministrasjon (1 mill. kroner). Vidare er kapitlet redusert med 22 mill. kroner i samband med sentralisering av IT-driftskostnader, 9 mill. kroner i samband med sentralisering av rabatterte vernepliktsreiser, 27 mill. kroner grunna reduksjon av administrative utgifter og 13 mill. kroner i samband med finansiering av stillingar til regional støttefunksjon på andre kap.. I tillegg er det gjort tekniske justeringar mot andre kap. som samla gir ein reduksjon på 14 mill. kroner.

Kapitlet er tilført 33 mill. kroner i samband med naudsynt vedlikehald av transportflyet C-130 for å halde det i operativ stand og 17,4 mill. kroner grunna innføring av meirverdiavgift på tenester frå AVINOR.

Kap. 1734 Heimevernet

Kapitlet er foreslått redusert med 35,2 mill. kroner. Reduksjonen skuldast tekniske flyttingar til kap. 1725 for å reindyrke kapitlet for å reflektere dei nye fellesavdelingane som er oppretta og underlagt Forsvarsstaben og ny organisering av Forsvarsstaben.

Kapitlet er m.a. redusert i samband med oppretting av Forsvarets kompetansesentra (FKL og FK KKIS) (0,8 mill. kroner), drift av tannlegetenestene som er overført til Forsvarets sanitet (1,5 mill. kroner) og oppretting av Forsvarets arkivadministrasjon (0,5 mill. kroner). Vidare er kapitlet redusert i samband med reduksjon av administrative kostnader (6 mill. kroner) og med 1,4 mill. kroner i samband med sentralisering av rabatterte vernepliktsreiser. I tillegg er det gjort tekniske justeringar mot andre kap. som samla gir ein reduksjon på 25 mill. kroner.

Kap. 1740 Forsvarets logistikkorganisasjon

Kapitlet er foreslått auka med 182 mill. kroner. Auken skuldast finansiering av stillingar overtatt av Forsvarets logistikkorganisasjon (24 mill. kroner), auka kostnader i hovudsak knytt til allierte treningssentra (45 mill. kroner) og meirbehov i samband med sikring av ammunisjon og våpenlager (93 mill. kroner). Vidare er kapitlet tilført midlar i samband med teknisk justering etter tidlegare omorganiseringar mellom Forsvarets logistikkorganisasjon og kompetansesentra (24 mill. kroner). I tillegg er det gjort tekniske justeringar mot andre kap. som samla gir ein auke på 50 mill. kroner.

Omdisponeringane frå kapitlet gjeld i hovudsak reduksjon av administrative kostnader (37 mill. kroner) og sentralisering av IT-driftskostnader (17 mill. kroner).

Kap. 1760 Nyskaffing av materiell og nye bygg og anlegg

Kapitlet er foreslått auka med 60 mill. kroner som skuldast eit meirbehov grunna justerte retningsliner for budsjettering og rekneskapsføring mellom postane 45 og 1 på kap. 1760.

Kap. 1790 Kystvakta

Kapitlet er foreslått auka med 4 mill. kroner. Auken skuldast i hovudsak høgare drivstoffutgifter (11 mill. kroner) og høgare leigekostnader for KV Harstad (2 mill. kroner) enn budsjettert. I tillegg er det gjort tekniske justeringar mot andre kap. som samla gir ein reduksjon på 9 mill. kroner.

Kap. 1791 Redningshelikoptertenesta

Kapitlet er foreslått auka med 3,5 mill. kroner som skuldast høgare driftskostnader enn budsjettert.

Kap. 1792 Norske styrkar i utlandet

Kapitlet er foreslått auka med 46,7 mill. kroner som i hovudsak gjeld forsering av samarbeidet i Provincial Reconstruction Team (PRT) i Nord-Afghanistan for å søkje å styre unna klimatiske problem (43 mill. kroner). Utgiftene var opprinneleg planlagde for 2006. I tillegg er det gjort tekniske justeringar mot andre kap. som samla gir ein auke på 4 mill. kroner.

Kap. 1795 Kulturelle og allmennyttige formål

Kapitlet er foreslått auka med 11,5 mill. kroner. Auken skuldast eit meirbehov i samband med restaurering av KNM ALTA (10 mill. kroner) og styrking av Forsvarets musikk (7,5 mill. kroner). I tillegg er det gjort tekniske justeringar mot andre kap. som samla gir ein auke på 6 mill. kroner.

2.1.2 Post 43 Til disposisjon for Forsvars­departementet

Posten er foreslått redusert med 20 mill. kroner. Løyvinga representerer ein reserve for Forsvarsdepartementet som er foreslått nytta til å dekkje ymse meirbehov på andre kap. og postar, mellom anna midlar til restaurering av KNM ALTA og styrking av Forsvarets musikk (jf. endringane i post 1).

2.1.3 Post 45 Store nyskaffingar

Posten er foreslått redusert med 291 mill. kroner. Reduksjonen gjeld m.a. 43 mill. kroner til kap. 1792 i samband med forsering av samarbeidet i Provincial Reconstruction Team (PRT) i Nord-Afghanistan. Utgiftene var opprinneleg planlagde for 2006, og beløpet vil såleis bli søkt omgruppert tilbake til post 45 hausten 2006. Vidare skuldast 60 mill. kroner tekniske justeringar grunna justerte retningsliner for kva som skal posterast på høvesvis drift og investering og 33 mill. kroner til vedlikehald av transportflyet C-130 for å halde det i operativ stand. Regjeringa foreslår vidare å overføre 155 mill. kroner til investeringar i eigedomar, bygg og anlegg (EBA) (kap. 1710, post 47). Bakgrunnen er eit behov for best mogeleg å periodisere investeringsporteføljene på høvesvis materiell- og eigedoms- og bygg- og anleggssida (EBA). Periodiseringa er planlagd å bli utlikna i løpet av 2006 og 2007. Beløpet vil bli nytta på EBA-investeringsområdet til omstillingskritiske investeringsprosjekt, driftseffektiviserande tiltak og fornying av nedslite og lite tidsmessig EBA.

2.1.4 Post 47 Nye bygg og anlegg

Posten er foreslått auka med 170,8 mill. kroner. Regjeringa foreslår å auke løyvinga til investeringar i eigedomar, bygg og anlegg (EBA) med 155 mill. kroner i 2005. Bakgrunnen er eit behov for best mogeleg å periodisere investeringsporteføljene på høvesvis materiell- og eigedoms- og bygg- og anleggssida (EBA). Periodiseringa er planlagd å bli utlikna i løpet av 2006 og 2007. Beløpet vil bli nytta på EBA-investeringsområdet til omstillingskritiske investeringsprosjekt, driftseffektiviserande tiltak og fornying av nedslite og lite tidsmessig EBA.

Vidare skuldast auken tilpassing av dei gamle bygningane ved Fredriksvern verft i Stavern til bruk for justissektoren (15,8 mill kroner).

2.1.5 Post 50 Overføring til Statens Pensjonskasse

Posten er foreslått auka med 60 mill. kroner i samband med finansieringa av meirutgifter til Statens Pensjonskasse.

2.1.6 Post 60 Overføring til kommunar

Posten er foreslått redusert med 1,3 mill. kroner i samband med eit mindrebehov på posten.

2.1.7 Post 70 Renter låneordning

Posten er foreslått redusert med 0,8 mill. kroner i samband med eit mindrebehov for rentestønad til Befalets låneordning.

2.2 Inntekter

Det er registrert mindreinntekter på 100 mill. kroner.

2.2.1 Post 1 Driftsinntekter

Endringar på posten er av teknisk karakter, og endrar ikkje det totale inntektsnivået. Følgjande vesentlege endringar er gjort på dei einskilde kapitla:

Kap. 4720 Felles leiing og kommandoapparat

Kapitlet er auka med 0,4 mill. kroner. Auken skuldast teknisk flytting av inntekter mellom kapitla.

Kap. 4725 Fellesinstitusjonar og utgifter under Forsvarsstaben

Kapitlet er redusert med 26,8 mill. kroner. Reduksjonen skuldast teknisk flytting av inntekter mellom kapitla.

Kap. 4731 Hæren

Kapitlet er redusert med 5,4 mill. kroner. Reduksjonen skuldast teknisk flytting av inntekter mellom kapitla.

Kap. 4732 Sjøforsvaret

Kapitlet er redusert med 1,5 mill. kroner. Reduksjonen skuldast teknisk flytting av inntekter mellom kapitla.

Kap. 4733 Luftforsvaret

Kapitlet er redusert med 0,7 mill. kroner. Reduksjonen skuldast teknisk flytting av inntekter mellom kapitla.

Kap. 4740 Forsvarets logistikkorganisasjon

Kapitlet er auka med 34 mill. kroner. Auken skuldast teknisk flytting av inntekter mellom kapitla.

2.2.2 Post 48 Fellesfinansierte bygg- og anleggsinntekter

Posten er foreslått redusert med 100 mill. kroner. Dette skuldast lågare framdrift i NATO-prosjekta enn det ein la til grunn ved utarbeidinga av 2005-budsjettet. Reduksjonen vert dekt gjennom nedtrekk på kap. 1760, post 48.

3. Bestillingsfullmakter

Regjeringa foreslår å endre bestillingsfullmaktene slik at Forsvarsdepartementet i 2005 kan gjere bestillingar utover dei gitte løyvingane. Den samla ramma for nye bestillingar og gammalt ansvar skal ikkje overstige følgjande beløp:

4. Komiteens merknader

Komiteen, medlemmene fra Arbeiderpartiet, Bendiks H. Arnesen, Thorbjørn Jagland og Signe Øye, fra Fremskrittspartiet, Per Roar Bredvold, Henning Skumsvoll og Per Ove Width, fra Høyre, lederen Jan Petersen, og fra Sosialistisk Venstreparti, Bjørn Jacobsen, er enig i at omgrupperingsproposisjonen er et nødvendig verktøy i økonomiforvaltningen. Komiteen har merket seg at departementet legger vekt på at dette vil gi muligheter for en samlet og riktig formalisering av endrede forutsetninger.

Komiteen vil imidlertid peke på at viktige endringer i budsjettforutsetningene må forelegges på et tidspunkt hvor konsekvensene er styrbare.

Komiteen har merket seg at budsjettendringene er omfattende, men at mange er av teknisk art.

Komiteen viser til vedlagt brev fra statsråden datert 12. desember 2005. I brevet vises det til en trykkfeil i tabellen over bestillingsfullmakter for kap. 1733 Luftforsvaret, på side 7 og 11 i St.prp. nr. 17 (2005-2006). Rettelsene er utført i denne innstillingen.

5. Komiteens tilråding

Komiteen har ellers ingen merknader, viser til proposisjonen og rår Stortinget til å gjøre slikt

vedtak:

I

I statsbudsjettet for 2005 blir det gjort følgjande endringar:

II

Bestillingsfullmakter

Stortinget samtykkjer i at Forsvarsdepartementet i 2005 kan gjere bestillingar utover dei gitte løyvingane. Den samla ramme for nye bestillingar og gammalt ansvar skal ikkje overstige følgjande beløp:

Vedlegg 1: Brev fra Forsvarsdepartementet v/statsråden til forsvarskomiteen, datert 12. desember 2005

ST.PRP. NR. 17 (2005-2006) - KORRIGERING

Det vises til St.prp. nr. 17 (2005-2006) om endringar i løyvingar o.a. i forsvarsbudsjettet for 2005. Det er en trykkfeil i tabellen over bestillingsfullmakter på side 7 og 11. Feilen gjelder bestillingsfullmaktene til kap. 1733 Luftforsvaret. Riktig tall er gjengitt i tabellen under:

Oslo, i forsvarskomiteen, den 12. desember 2005