V

• V

  vanleg forkorting for Venstre (1884).

• valliste

  liste over kandidatane til eit politisk parti i ein valkrins (fylke) ved stortingsvalet .

• valnederlag

  valresultatet fører til ei endring av det politiske styrkeforholdet i Stortinget, og dette gjev grunnlag for ei ny regjering. Dette er ei vanleg årsak til regjeringsskifte.

• valordning

  reglar for val av personar som skal representera veljarane, til dømes i Stortinget.

• vararepresentant

  person som er vald til å møta for ein stortingsrepresentant når denne har lovleg fråvær.

• varsla saker

  ei liste over saker som regjeringa varslar at ho skal senda til Stortinget

• vedtak

  Stortinget avsluttar alltid sakshandsaminga med å gjera eit vedtak. Vedtaka går fram av referatet frå debatten og voteringane i salen.

• votering (røysting)

  Stortinget tek eit formelt standpunkt til alle saker det handsamar. Vanlegvis skjer det ved at stortingsrepresentantane i slutten av eit møte voterer over framlegga i innstillinga frå komiteen. Voteringsresultatet viser som oftast at det er fleirtal for eller imot framlegget, men i visse saker kan det òg vera samrøystes tilslutning til å godkjenna (støtta) eller ikkje godkjenna framlegget.