Innstilling frå familie- og kulturkomiteen om Endringar i statsbudsjettet 2021 under Barne- og familiedepartementet

Dette dokument

Tilhøyrer sak

Alt om

Gå til alle tema
Søk

Innhald

Innhald

Til Stortinget

1. Samandrag

1.1 Innleiing

I proposisjonen legg Barne- og familiedepartementet (BFD) fram endringsforslag til statsbudsjettet for 2021.

1.2 Endringsforslag

Kap. 840 Tiltak mot vald og overgrep

Post 70 Tilskot til valdsførebyggjande tiltak m.m., kan nyttast under post 21 og kap. 858 post 1

Løyvinga dekkjer mellom anna utgifter til etablering av eit nasjonalt samisk kompetansesenter for barnevern, familievern og krisesentertilbod. Den samla løyvinga til senteret er 10 mill. kroner i 2021 fordelt på ulike postar, sjå omtale under kap. 842 post 1 og kap. 854 post 61. Etableringa er forsinka, mellom anna fordi det tek tid å rekruttere kvalifisert personale. BFD føreslår å redusere løyvinga på kap. 840 post 70 med 0,5 mill. kroner.

Kap. 841 Samliv og konfliktløysing

Post 21 Spesielle driftsutgifter, meklingsgodtgjersle, overslagsløyving

Prognosen for bruk av meklarar utanom familievernet er høgare enn lagt til grunn i gjeldande budsjett. BFD føreslår derfor å auke løyvinga under kap. 841 post 21 med 1,1 mill. kroner.

Post 22 Opplæring, forsking, utvikling m.m.

Løyvinga dekkjer tiltak knytte til samliv og konfliktløysing. Det er venta lågare utgifter enn løyvinga på posten. Årsaka er i hovudsak at koronapandemien har ført til lågare utgifter til Domstoladministrasjonens arbeid med å heve kompetansen ved domstolane i foreldretvistar etter barnelova. BFD føreslår derfor å redusere løyvinga under kap. 841 post 22 med 1 mill. kroner.

Post 23 Refusjon av utgifter til DNA-analysar, overslagsløyving

Prognosen for talet på DNA-analysar til fastsetjing av farskap er lågare enn lagt til grunn i gjeldande budsjett. BFD føreslår derfor å redusere løyvinga under kap. 841 post 23 med 0,4 mill. kroner.

Post 70 Tilskot til samlivstiltak, kan nyttast under kap. 842 post 1 og kap. 858 post 1

Løyvinga dekkjer mellom anna utgifter til tilskotsordninga til samlivskurs for fyrstegongsforeldre. Ordninga blei etablert i 2020. Grunna virusutbrotet har det vore krevjande å gjennomføre fysiske kurs. BFD føreslår derfor å redusere løyvinga på kap. 841 post 70 med 4 mill. kroner.

Kap. 842 Familievern

Post 1 Driftsutgifter, kan nyttast under post 70

Løyvinga dekkjer mellom anna utgifter til etablering av eit nasjonalt samisk kompetansesenter for barnevern, familievern og krisesentertilbod. Etableringa av senteret er forsinka, sjå nærare omtale under kap. 840 post 70. BFD føreslår å redusere løyvinga på kap. 842 post 1 med 2,3 mill. kroner.

Kap. 843 Adopsjonsstønad

Post 70 Tilskot til foreldre som adopterer barn frå utlandet, overslagsløyving

Prognosen for talet på utanlandsadopsjonar er lågare enn lagt til grunn i gjeldande budsjett. BFD føreslår derfor å redusere løyvinga under kap. 843 post 70 med 1,7 mill. kroner.

Kap. 844 Kontantstøtte

Post 70 Tilskot, overslagsløyving

Talet på mottakarar av kontantstøtte har til no i år vore lågare enn tidlegare lagt til grunn. Utgiftene i 2021 blir no rekna til 1 440 mill. kroner. BFD føreslår derfor å redusere løyvinga under kap. 844 post 70 med 50 mill. kroner.

Kap. 845 Barnetrygd

Post 70 Tilskot, overslagsløyving

Talet på mottakarar av barnetrygd har til no i år vore lågare enn tidlegare lagt til grunn. Utgiftene i 2021 blir no rekna til 17 360 mill. kroner. BFD føreslår derfor å redusere løyvinga under kap. 845 post 70 med 100 mill. kroner.

Kap. 846 Familie- og oppveksttiltak

Post 21 Spesielle driftsutgifter, kan overførast, kan nyttast under post 61, post 62 og post 71

Arbeidet med utvikling av den tekniske løysinga for fritidskortet er forsinka, og Bufdir reknar derfor eit mindreforbruk i 2021 på 30 mill. kroner. Regjeringa sitt forslag i Prop. 1 S Tillegg 1 (2021–2022) inneber at arbeidet med utvikling av teknisk løysing blir avslutta i 2021.

BFD føreslår derfor å redusere løyvinga under kap. 846 post 21 med 30 mill. kroner.

Post 61 Nasjonal tilskotsordning for å inkludere barn og unge, kan nyttast under post 71

Løyvinga blir mellom anna nytta til prøveprosjekt med nasjonal fritidskortordning der barn og unge skal få dekt utgifter knytte til fritidsaktivitetar. Det blir eit mindreforbruk i inneverande år på 50 mill. kroner fordi ikkje alle barn og unge i utprøvingskommunane har nytta seg av ordninga.

BFD føreslår derfor å redusere løyvinga under kap. 846 post 61 med 50 mill. kroner.

Post 70 Barne- og ungdomsorganisasjonar

Løyvinga dekkjer mellom anna tilskotet til Mangfald og inkludering til Landsrådet for Norges barne- og ungdomsorganisasjoner (LNU). På grunn av pandemien fekk ikkje LNU brukt opp alle midlane i 2020. Restmidlane blei overførte frå 2020 til 2021, og tilskotet til LNU i 2021 er derfor avkorta med tilsvarande sum.

BFD føreslår derfor å redusere løyvinga under kap. 846 post 70 med 1,2 mill. kroner.

Post 79 Tilskot til internasjonalt ungdomssamarbeid m.m., kan overførast

Løyvinga dekkjer mellom anna tilskotet til Barentssekretariatet i Kirkenes for å fremme ungdomssamarbeid i Barentsregionen. På grunn av pandemien fekk ikkje Barentssekretariatet brukt opp alle midlane i 2020. Restmidlane blei overførte frå 2020 til 2021, og tilskotet til Barentssekretariatet i 2021 er derfor avkorta med tilsvarande sum.

BFD føreslår derfor å redusere løyvinga under kap. 846 post 79 med 1,1 mill. kroner.

Kap. 854 Tiltak i barne- og ungdomsvernet

Post 21 Spesielle driftsutgifter, kan nyttast under post 71

Utgifter til nytt opplæringsprogram om minoritetar i kommunalt barnevern og vidareutdanningar retta mot tilsette i kommunalt barnevern er løyvd over kap. 854 post 72. Opplæringsprogrammet og fire av vidareutdanningane er gjennomførte som offentlege innkjøp. For å sikre korrekt postbruk føreslår BFD å auke kap. 854 post 21 med 16,8 mill. kroner mot ein tilsvarande reduksjon av kap. 854 post 72.

Post 61 Utvikling i kommunane

På grunn av forsenkingar med etableringa av nasjonalt samisk kompetansesenter for barnevern, familievern og krisesentertilbod vil det ikkje bli utbetalt tilskot til kommunane i 2021. BFD føreslår derfor å redusere løyvinga på posten med 0,5 mill. kroner.

Løyvinga på posten dekkjer òg drifta av ei chatteteneste som høyrer til Alarmtelefonen for barn og unge, som Kristiansand kommune har ansvar for å drive. I nysalderinga for 2020 blei det løyvd 150 000 kroner i tilskot til Alarmtelefonen for å dekkje utgifter til auka bemanning i juleferien til skulane. Ved ein feil blei ikkje tilskotet på 150 000 utbetalt til Alarmtelefonen før i 2021. For å dekkje meirutgiftene dette fører til på posten i 2021, føreslår BFD å auke løyvinga med 150 000 kroner mot ein tilsvarande reduksjon på kap. 858 post 1. Sjå omtale under kap. 858 post 1.

BFD føreslår samla å redusere posten med 350 000 kroner.

Post 72 Tilskot til forsking og kompetanseutvikling i barnevernet, kan overførast, kan nyttast under post 21

Utgifter til nytt opplæringsprogram om minoritetar i kommunalt barnevern og vidareutdanningar retta mot tilsette i kommunalt barnevern er gjennomførte som offentlege innkjøp. For å sikre korrekt postbruk føreslår BFD å redusere posten med 16,8 mill. kroner mot ein tilsvarande auke på kap. 854 post 21.

Kap. 855 Statleg forvalting av barnevernet

Post 1 Driftsutgifter, kan nyttast under post 22 og post 60

I statsbudsjettet for 2021 er det løyvd 25 mill. kroner til tverrfagleg utgreiing av barn som skal plasserast utanfor heimen, i eit samarbeid mellom barnevern og helse. Av dette er 15,2 mill. kroner løyvd over kap. 855 post 1. Arbeidet med å etablere tverrfaglege helsekartleggingsteam er i gang. Bufetats regionar har tilsett eller er i ferd med å tilsetje medarbeidarar som skal planleggje og gjennomføre kartlegginga.

Nokre av teama er forsinka med etableringa, særleg grunna utfordringar i tilgongen på helsepersonell. BFD føreslår derfor å redusere løyvinga til tverrfagleg helsekartlegging på kap. 855 post 1 med 2,5 mill. kroner i 2021.

Kap. 3855 Statleg forvalting av barnevernet

Post 1 Diverse inntekter

Løyvinga på posten er 3,1 mill. kroner. Inntektene på posten er i hovudsak tilfeldige inntekter, til dømes inntekter frå sal av driftsmiddel og kursinntekter. Sal av bilar har gitt meirinntekter på 3 mill. kroner i 2021. BFD føreslår å auke løyvinga på posten med 3 mill. kroner.

Post 2 Barnetrygd

Løyvinga på posten er om lag 4 mill. kroner. Inntektene på posten er barnetrygd for barn under omsorg av barnevernet. Talet på barn under omsorg er lågare enn lagt til grunn for inntektene. BFD føreslår derfor å redusere kap. 3855 post 2 med 0,7 mill. kroner.

Post 60 Kommunale eigendelar

Løyvinga på posten kjem frå kommunale eigendelar for tiltak i det statlege barnevernet. Aktiviteten i det statlege barnevernet har i 2021 vore lågare enn tidlegare lagt til grunn. Eit lågare tal på opphaldsdagar gir reduserte inntekter. BFD føreslår derfor å redusere kap. 3855 post 60 med 20 mill. kroner.

Kap. 856 Barnevernets omsorgssenter for einslege, mindreårige asylsøkjarar

Post 1 Driftsutgifter, kan nyttast under kap. 855 post 1

Løyvinga legg til rette for drift av 50 plassar. Talet på barn i sentera var lågt i fyrste halvdel av 2021. Dette har gitt lågare utgifter enn lagt til grunn for løyvinga. BFD føreslår derfor å redusere kap. 856 post 1 med 15 mill. kroner.

Kap. 3856 Barnevernets omsorgssenter for einslege, mindreårige asylsøkjarar

Post 4 Refusjon av ODA-godkjende utgifter

Innanlandske utgifter knytte til mottak av asylsøkjarar og flyktningar kan, ifølgje statistikkdirektivet til OECD/DAC, godkjennast som offisiell utviklingshjelp. Ifølgje retningslinjene frå OECD/DAC er det berre utgifter det fyrste året som kan godkjennast. Det er i gjeldande budsjett lagt til grunn at 100 pst. av barna i omsorgssentera har butid under eitt år i 2021. Oppdatert informasjon viser at nokre av barna vil ha butid over eitt år. Dei totale utgiftene har òg vore lågare enn lagt til grunn for berekning av løyvinga. BFD føreslår derfor å redusere kap. 3856 post 4 med 21,1 mill. kroner.

Kap. 858 Barne-, ungdoms- og familiedirektoratet og fellesfunksjonar i Barne-, ungdoms- og familieetaten

Post 1 Driftsutgifter

Løyvinga dekkjer mellom anna lønn og andre driftsutgifter i Barne-, ungdoms- og familiedirektoratet (Bufdir). BFD føreslår å redusere løyvinga på posten med 150 000 kroner mot ein tilsvarande auke på kap. 854 post 61. Sjå omtale under kap. 854 post 61.

Kap. 865 Forbrukarpolitiske tiltak

Post 71 Tilskot til Reisegarantifondet

Løyvinga på posten skal dekkje utgifter til reisegaranti etter konkurs dersom det viser seg at garantiane som pakkereisearrangørane har stilte er utilstrekkelege til å dekkje krava frå dei reisande. Ordninga vart oppretta som følgje av pandemien. Løyvinga på posten skal òg dekkje ei mellombels og avgrensa kompensasjonsordning. Kompensasjonsordninga skal dekkje krav frå reisande som ikkje blir omfatta av reisegarantiordninga fordi arrangørane gjekk konkurs etter at reisene vart avlyste eller avbestilte, men før dei reisande hadde fått attende sine innbetalte forskot.

På bakgrunn av oppdaterte overslag frå Reisegarantifondet føreslår BFD å redusere løyvinga på posten med 130 mill. kroner i 2021.

Kap. 881 Tilskot til trussamfunn m.m.

Post 75 Tilskot til private kyrkjebygg

Berre sju søknader fall inn under ordninga i 2021. Det blei tildelt om lag 2,2 mill. kroner i tilskot.

BFD føreslår på denne bakgrunn å redusere posten med 3,1 mill. kroner.

Kap. 882 Kyrkjebygg og gravplassar

Post 60 Rentekompensasjon – kyrkjebygg, kan overførast

Løyvinga på posten skal dekkje beløp tilsvarande renteutgiftene for dei investeringskostnadene som det er gitt tilsegn om kompensasjon for i perioden 2005–2019. Oppdatert overslag for rentenivået i ordninga viser at utbetalinga av rentekompensasjon for 2021 vil bli på om lag 10 mill. kroner.

BFD føreslår derfor å redusere løyvinga med 10 mill. kroner.

Kap. 2530 Foreldrepengar

Post 70 Foreldrepengar ved fødsel, overslagsløyving

Utgiftene til foreldrepengar ved fødsel i 2021 blir no rekna til 21 330 mill. kroner. Dette er 440 mill. kroner høgare enn gjeldande budsjett. Auken skuldast i hovudsak at fleire foreldre enn tidlegare er venta å få foreldrepengar i 2021, mellom anna på grunn av høgare fødselstal. BFD føreslår derfor å auke løyvinga under kap. 2530 post 70 med 440 mill. kroner.

Post 72 Feriepengar av foreldrepengar, overslagsløyving

Utbetalingane til feriepengar av foreldrepengar har til no i år vore noko lågare enn tidlegare lagt til grunn. Utgiftene i 2021 blir no rekna til 535 mill. kroner. BFD føreslår derfor å redusere løyvinga under kap. 2530 post 71 med 20 mill. kroner.

Post 73 Foreldrepengar ved adopsjon, overslagsløyving

Talet på mottakarar av foreldrepengar ved adopsjon har til no i år vore noko lågare enn tidlegare lagt til grunn. Utgiftene i 2021 blir no rekna til 30 mill. kroner. BFD føreslår derfor å redusere løyvinga under kap. 2530 post 73 med 7 mill. kroner.

2. Merknader frå komiteen

Komiteen, medlemene frå Arbeidarpartiet, Åse Kristin Ask Bakke, Marte Eide Klovning og Tobias Hangaard Linge, frå Høgre, Turid Kristensen og Tage Pettersen, frå Senterpartiet, Margrethe Haarr og Åslaug Sem-Jacobsen, frå Framstegspartiet, Silje Hjemdal,frå Sosialistisk Venstreparti, Kathy Lie, og frå Venstre, leiaren Grunde Almeland, sluttar seg til forslaget frå regjeringa.

Kap. 841 Samliv og konfliktløysing

Post 70 Tilskot til samlivstiltak, kan nyttast under kap. 842 post 1 og kap. 858 post 1

Komiteens medlemmer fra Høyre og Venstre merker seg at posten reduseres fordi virusutbruddet har gjort det vanskelig å gjennomføre fysiske kurs. Disse medlemmer vil imidlertid advare mot regjeringens anbefaling om å avvikle ordningen «Tilskudd til samlivskurs for førstegangsforeldre» i 2022.

Kap 846 Familie- og oppveksttiltak

Post 21 Spesielle driftsutgifter, kan overførast, kan nyttast under post 61, post 62 og post 71

Komiteens medlemmer fra Høyre, Fremskrittspartiet og Venstre merker seg at posten reduseres med bakgrunn i at utviklingen av den tekniske løsningen for fritidskortet er forsinket. Disse medlemmer vil imidlertid advare mot regjeringens anbefaling om å legge ned ordningen med fritidskortet i 2022.

3. Tilråding frå komiteen

Tilrådinga frå komiteen blir fremja av ein samla komité.

Komiteen har elles ingen merknader, viser til proposisjonen og rår Stortinget til å gjere følgjande

vedtak:

I statsbudsjettet for 2021 blir det gjort følgjande endringar:

Kap.

Post

Formål

Kroner

Utgifter

840

Tiltak mot vald og overgrep

70

Tilskot til valdsførebyggjande tiltak m.m., kan nyttast under post 21 og kap. 858, post 1, blir redusert med

450 000

frå kr 131 063 000 til kr 130 613 000

841

Samliv og konfliktløysing

21

Spesielle driftsutgifter, meklingsgodtgjersle, overslagsløyving, blir auka med

1 100 000

frå kr 11 995 000 til kr 13 095 000

22

Opplæring, forsking, utvikling m.m., blir redusert med

1 000 000

frå kr 10 999 000 til kr 9 999 000

23

Refusjon av utgifter til DNA-analysar, overslagsløyving, blir redusert med

412 000

frå kr 5 325 000 til kr 4 913 000

70

Tilskot til samlivstiltak, kan nyttast under kap. 842, post 1 og kap. 858, post 1, blir redusert med

4 000 000

frå kr 28 424 000 til kr 24 424 000

842

Familievern

1

Driftsutgifter, kan nyttast under post 70, blir redusert med

2 300 000

frå kr 380 862 000 til kr 378 562 000

843

Adopsjonsstønad

70

Tilskot til foreldre som adopterer barn frå utlandet, overslagsløyving, blir redusert med

1 700 000

frå kr 8 200 000 til kr 6 500 000

844

Kontantstøtte

70

Tilskot, overslagsløyving, blir redusert med

50 000 000

frå kr 1 490 000 000 til kr 1 440 000 000

845

Barnetrygd

70

Tilskot, overslagsløyving, blir redusert med

100 000 000

frå kr 17 460 000 000 til kr 17 360 000 000

846

Familie- og oppveksttiltak

21

Spesielle driftsutgifter, kan overførast, kan nyttast under post 61, post 62 og post 71, blir redusert med

30 000 000

frå kr 60 227 000 til kr 30 227 000

61

Nasjonal tilskotsordning for å inkludere barn og unge, kan nyttast under post 71, blir redusert med

50 000 000

frå kr 581 597 000 til kr 531 597 000

70

Barne- og ungdomsorganisasjonar, blir redusert med

1 157 000

frå kr 166 243 000 til kr 165 086 000

79

Tilskot til internasjonalt ungdomssamarbeid m.m., kan overførast, blir redusert med

1 072 000

frå kr 11 115 000 til kr 10 043 000

854

Tiltak i barne- og ungdomsvernet

21

Spesielle driftsutgifter, kan nyttast under post 71, blir auka med

16 800 000

frå kr 81 298 000 til kr 98 098 000

61

Utvikling i kommunane, blir redusert med

350 000

frå kr 71 185 000 til kr 70 835 000

72

Tilskot til forsking og kompetanseutvikling i barnevernet, kan overførast, kan nyttast under post 21, blir redusert med

16 800 000

frå kr 114 817 000 til kr 98 017 000

855

Statleg forvalting av barnevernet

1

Driftsutgifter, kan nyttast under post 22 og post 60, blir redusert med

2 500 000

frå kr 4 070 372 000 til kr 4 067 872 000

856

Barnevernets omsorgssenter for einslege, mindreårige asylsøkjarar

1

Driftsutgifter, kan nyttast under kap. 855, post 1, blir redusert med

15 000 000

frå kr 121 820 000 til kr 106 820 000

858

Barne-, ungdoms- og familiedirektoratet og fellesfunksjonar i Barne-, ungdoms- og familieetaten

1

Driftsutgifter, blir redusert med

150 000

frå kr 604 035 000 til kr 603 885 000

865

Forbrukarpolitiske tiltak

71

Tilskot til Reisegarantifondet, blir redusert med

130 000 000

frå kr 182 000 000 til kr 52 000 000

881

Tilskot til trussamfunn m.m.

75

Tilskot til private kyrkjebygg, blir redusert med

3 142 000

frå kr 5 299 000 til kr 2 157 000

882

Kyrkjebygg og gravplassar

60

Rentekompensasjon – kyrkjebygg, kan overførast, blir redusert med

10 000 000

frå kr 20 000 000 til kr 10 000 000

2530

Foreldrepengar

70

Foreldrepengar ved fødsel, overslagsløyving, blir auka med

440 000 000

frå kr 20 890 000 000 til kr 21 330 000 000

72

Feriepengar av foreldrepengar, overslagsløyving, blir redusert med

20 000 000

frå kr 555 000 000 til kr 535 000 000

73

Foreldrepengar ved adopsjon, overslagsløyving, blir redusert med

7 000 000

frå kr 37 000 000 til kr 30 000 000

Inntekter

3855

Statleg forvalting av barnevernet

1

Diverse inntekter, blir auka med

3 000 000

frå kr 3 063 000 til kr 6 063 000

2

Barnetrygd, blir redusert med

700 000

frå kr 3 959 000 til kr 3 259 000

60

Kommunale eigendelar, blir redusert med

20 000 000

frå kr 1 439 381 000 til kr 1 419 381 000

3856

Barnevernets omsorgssenter for einslege, mindreårige asylsøkjarar

4

Refusjon av ODA-godkjende utgifter, blir redusert med

21 060 000

frå kr 116 005 000 til kr 94 945 000

Oslo, i familie- og kulturkomiteen, den 7. desember 2021

Grunde Almeland

leiar og ordførar