Astrid Aarhus Byrknes (KrF): Kvifor er det ikkje fleire HV ungdomsgrupper enn i berre 3 av 11 HV distrikt, og vil forsvarsministeren bidra til å setje dette på dagsorden?
Grunngiving
HV ungdomsgruppe er ein ypperleg plass for ungdom som er nysgjerrige på forsvaret.
Mange ungdomar er usikre på om dei passar inn i forsvaret, eller om dei i det heile tatt ser at fyrstegongstenesta er rett for dei, og dermed ikkje søkjer seg inn i fyrstegongstenesta.
HV ungdomsgruppene slik eg forstår det, viser kva forsvaret er, byggjer karakter og tar bort usikkerheit. HV ungdomsgrupper burde vore ein moglegheit i alle distriketne. Framover treng vi «alle mann og kvinner på dekk» for nasjonen og for vår tryggleik og beredskap, og forsvaret treng mykje ressurser i form av det aller viktigaste: mennesker. Forsvaret treng personell som vil stå i arbeid i lengre periodar og ha dette som yrke. Vi treng ungdom som blir kjent med forsvaret, blir motivert til å vere der, og desse HV ungdomsgruppene kan bidra til nettopp dette.