Terje Kollbotn (R): Kva initiativ vil samferdsleministeren ta for å trappe opp ras- og flaumsikring av riksvegane, styrke beredskapsordningane når riksvegar blir stengde, og kva vil samferdsleministeren gjere for å syte for at det kjem erstatning til lokalsamfunna og verksemdene for dei store tapa dei blir påførde av stengte riksvegar?
Grunngiving
Etter nyttår har innbyggjarane i store deler av landet på nytt opplevd uvær, ras og rasfare, store temperatursvingningar, storm og flaum - og raudt farevarsel. Dei ustabile værtilhøva og klimaendringane skapar og store samferdsleutfordringar. Utrygge og stengte vegar er både ei stor belastning for innbyggjarane og samfunnet som blir ramma. Det er eit stort behov for både å trappe opp ras- og flaumsikring , styrke beredskapen når vegar blir stengde og styrke forsikrings- og erstatningsordningar når verksemder og lokalsamfunn lir store tap på grunn av stengte vegar.