Skriftleg spørsmål fra Tage Pettersen (H) til barne- og familieministeren

Dokument nr. 15:1017 (2023-2024)
Innlevert: 24.01.2024
Sendt: 24.01.2024
Svart på: 31.01.2024 av barne- og familieminister Kjersti Toppe

Tage Pettersen (H)

Spørsmål

Tage Pettersen (H): Kan statsråden redegjøre for barnevernets praksis med å betale for utenlandsturer til opprinnelsesland (Det bes også om tall på hvor mange turer til opprinnelsesland barnevernet betaler for årlig, og kostnaden dette har for staten)?

Grunngiving

NRK har nylig publisert en sak om en 14 år gammel jente som ble sendt til Irak av familien sin. Der ble hun giftet bort og ble gravid, bare 14 år gammel.
Fra saken kommer det frem at barnevernet bidro økonomisk med 20 000 kr til jentas Irak-tur.
I rapporten «Det var ikke bare ferie» (2020) fra ekspertgruppe om unge som etterlates i utlandet mot sin vilje, kom det frem at også andre barnevernstjenester har betalt for å sende barn til foreldrenes hjemland.

Kjersti Toppe (Sp)

Svar

Kjersti Toppe: I grunngivinga viser representanten til at NRK nyleg publiserte ei sak om ei 14 år gammal jente som vart send til Irak og at barnevernet bidrog økonomisk. Det vises også til rapporten «Det var ikke bare ferie» om unge som blir etterlaten i utlandet mot sin vilje,
Det finnast ingen nasjonal statistikk som klargjer tematikken som blir etterspurd, og vi har heller ikkje forsking som gir svar på dette. På nasjonalt nivå har vi derfor ikkje oversikt over om midlar nyttast til utenlandsreiser når barnevernstenestene finn det riktig å gi økonomisk hjelp. Her som ellers gjeld det imidlertid at barnevernstenesta si beslutning skal vere forsvarleg og til barnets beste. Det kan derfor vere naturleg at kommunestyret vurderar om det er grunn til å ta opp problemstillinga i si årlege gjennomgang av barnevernstenesta i kommunen. Den einskilde tenesta har sjølvsagt oversikt over kva økonomisk hjelp er nytta til.
Den konkrete saka frå NRK som representanten viser til, ligg fleire år tilbake i tid. Det har skjedd viktige endringar sidan, også i lovverket. I 2016 ratifiserte Noreg Haagkonvensjonen av 1996. Som følgje av ratifiseringa vart barnevernslova endra til også å gjelde for barn som har vanleg bustad i Noreg, men som er i utlandet. Sentralstyresmakta for konvensjonen hjelper i saker som gjeld barnevern utanfor konvensjonssamarbeidet, og rettleier barnevernstenesta i saker om barn i utlandet.
Det statlege kompetanseteamet mot negativ sosial kontroll og æresrelatert vold rettleier barnevernstenestene og andre i saker som gjeld ufrivillig opphald i utlandet. Viktig er også Bufdir sine Retningslinjer til barnevernstjenestene om barn som etterlates i utlandet, som er utarbeidd i samråd med relevante sektorar. I Bufdir sin podkast Buffer finn ein “Går det galt i sommer?” om ufrivillige utanlandsopphald. Bufdir kommuniserer også direkte med barn og unge gjennom ung.no
Å førebyggje ufrivillige utanlandsopphald er eitt av fem innsatsområde i handlingsplanen
Frihet fra negativ sosial kontroll og æresrelatert vold (2021-2024). I representanten sin grunngjeving blir det vist til rapporten «Det var ikke bare ferie» frå 2020. Denne omtaler ei rekkje problemfelt og årsaker til at barn blir sende til opphavslandet. Rapporten inngjekk i kunnskapsgrunnlaget for arbeidet med handlingsplanen. Å auke kompetansen i barnevernstenestene og å styrkje informasjonen om rettar, hjelpetilbod og handlingsalternativ til utsette personar er viktige tiltak saman med informasjonskampanjar retta mot foreldre. Men erfaringar frå enkeltsaker viser at det er utfordrande å hjelpe barn som blir etterlatne i utlandet. Det er derfor viktig å arbeide førebyggjande og å auke kompetansen om tematikken i hjelpetenestene. Det årlege beredskapsbrevet regjeringa sender før sommarferien til alle kommunar, fylkeskommunar og statsforvaltarar, har gjort at fleire tenester har vorte merksame på problemet. Dette inngår også i det førebyggjande arbeidet.
Barnets beste er det grunnleggjande omsynet i alt arbeidet til barnevernet. Å gi hjelp til reiser til land der barn kan bli utsette for tvang og vald, er ikkje i tråd med barnets beste. Eg føreset at barnevernstenestene følgjer lova.