Frank Edvard Sve (FrP): Kan samferdselministeren forklare kvifor Statens vegvesen har nedprioritert planlegging og prosjektering av E-39/E-136 frå Breivika til Ørskogfjellet og kvar har planleggingsmidlane til E-136 blitt av?
Grunngiving
I muntleg spørjetime den 12/4 hadde eg eit spørsmål til samferdselsministeren kvifor Statens vegvesen ikkje hadde prioritert planlegging og prosjektering av E-39-E-136 frå Breivika til Ørskogfjellet.
Direktøren i Statens vegvesen viser til at ein ynskjer å ta dette vegsystemet heilt ut av NTP med bakgrunn i manglande planlegging, og at ein derfor ikkje vil ha dette i NTP.
Dagens samferdselsminister er ansvarleg for dagens Statens vegvesen, og det er derfor reelt å stille spørsmålet til samferdselsministeren ang. kvifor Statens vegvesen har brukt heile 100 mill. kr på planlegging av Møreaksen, eit prosjekt som folket og næringslivet i store delar av Møre og Romsdal IKKJE vil ha.
Derimot vil alle både fylkestinget, kommunane, NHO, LO og alt av næringsliv i heile fylket at E-136 frå Ålesund til Bjorli blir planlagt og realisert og har prioritert denne exportvegen som nr 1 i svært lang tid, tydelegvis til inga nytte.
Statens vegvesen beviser det eg har hevda lenge, at statens vegvesen har bevist nedprioritert og trenert planlegging og prosjektering av E-136 frå Ålesund til Bjorli.
Statens vegvesen har opptredd som ein "stat i staten" og turar på med sitt heilt i utakt med befolkninga og næringslivet i Møre og Romsdal.
Folk og næringslivet i Møre og Romsdal er i sjokk etter at Statens vegvesen forelsår å ta denne exportvegen og "dødsvegen" heilt ut av NTP. Dette er fylkes mest trafikkerte veg og desidert fylkets viktigaste veg.
Når Nye veier as tok over ansvaret for E-136 frå Vestnes til Bjorli, tok dei over eit vegområde der svært lite planlegging og prosjektering var gjennomført, samt at det som var gjennomført spesielt på Brustugelia var så mangelfullt at arbeidet må gjerast på nytt.
Statens vegvesen har med andre ord flytta det meste av planleggingsressursane over til Møreaksen heilt i strid med det alle nivå i fylket har prioritert i svært lang tid. Statens vegvesen har ikkje brydd seg med kva fylkestinget, kommunane, NHO, LO og alt av næringsliv i fylket har prioritert på topp som nr 1, men på eiga hand prioritert slik dei i Statens vegvesen på Molde har funnet for godt.
Det blir derfor for enkelt av samferdselsministeren å peike på tidligare regjeringar og planlegging, samferdselsministeren har brukt 100 mill. kr på Møreaksen, og nedprioritert E-136.