Birgit Oline Kjerstad (SV): Kva gjer landbruksministeren for å fylgje med på situasjonen for landbruket med dei høge kraftprisane, og førebur ministeren ekstraordinære tiltak overfor landbruket for å bøte på skaden av dei ekstremt høge energiprisane og alt det fører med seg av kostnadsvekst for bonden?
Grunngiving
Straumrekninga er ei stor utfordring for mange. For bønder og mindre sjølvstendig næringsdrivande med store lån og stram likviditet kan det bli krevjande å få endane til å møtast om situasjonen med høge kraftprisar vert langvarig. I tillegg til høge el-priser fører dei høge gassprisane til rekordhøge kunstgjødselpriser, og høgare kostnader i næringsmiddelindustrien. Kostnader som presser allereie låge marginar i råvareproduksjonen og som kanskje ikkje er så lette å få dekt i sluttmarknaden.