Dokument nr. 15:2430 (2020-2021) Innlevert: 08.06.2021 Sendt: 14.06.2021 Svart på: 21.06.2021 av klima- og miljøminister Sveinung Rotevatn
Nicholas Wilkinson (SV): SV har jobbet for å få Østmarka som nasjonalpark i flere år. Vi vil rose regjeringen som endelig ville støtte dette og vet det er et arbeid på gang. Jeg og SV er utålmodig for å få Østmarka som nasjonalpark.Når vil et forslag om Østmarka som nasjonalpark komme, og vil det komme før valget?
Sveinung Rotevatn: Eg vil takke representanten for spørsmålet og for ros til regjeringa for å ha sett i gang prosess for ny nasjonalpark i Østmarka. Verneplanprosessen følgjer normal saksgong i tråd med reglane i naturmangfaldlova, rundskriv og rutinar for vern. Dette er grundige og inkluderande prosessar som tek litt tid. Miljødirektoratet ga i februar 2020 Statsforvaltaren i Oslo og Viken i oppdrag å utarbeide høyringsforslag til nasjonalpark i Østmarka. Statsforvaltaren sende i oktober 2020 melding om formell oppstart av verneprosessen. I februar i 2021 leverte Norsk institutt for naturforsking sitt svar på oppdrag om naturfagleg utgreiing om verneverdiane i Østmarka. I tillegg er det sett ut oppdrag om utgreiingar om samfunnsøkonomiske effektar av vernet og brukarinteresser og inngrep i området. Statsforvaltaren utarbeider no konkrete forslag til reglar og avgrensing av vernet. Statsforvaltaren vil venteleg sende Miljødirektoratet verneforslaget til fagleg godkjenning innan utløpet av 2021, og saka skal deretter til departementet for avklaring før alminneleg høyring. Slik eg vurderer det vil regjeringa kunne treffe vedtak om eit eventuelt vern av Østmarka nasjonalpark tidlegast i siste del av 2022.