Hadia Tajik (A): Kva konkret har statsråden gjort for å sørge for at fylkeskommunar som Rogaland ikkje skal måtte garantere for summar tilsvarande nesten 600 % av sitt driftsbudsjett, for å sikre gjennomføring av statlege samferdsleprosjekt?
Grunngiving
Fylkeskommunane har stilt garantiar for over 154 milliardar kroner for norske riksvegar, skriv NRK 5. september.
Det kan i verste fall ha ein stor økonomisk konsekvens for driftsbudsja deira.
Rogaland fylkeskommune har tidlegare vedtatt over 31,8 milliardar kroner i garantiar, og er no bedt om å vedta ytterlegare garanti for E39-prosjektet mellom Ålgård og Lyngdal. Første strekk utgjer 850 millioner kroner, og totalt blir summen 11 milliarder.
Dei 31 milliardane Rogaland fylkeskommune har garantert for utgjer 440 % av driftsbudsjettet. Dersom fylket skal vedta ytterlegare garanti på 11 milliardar, vil totalsummen utgjere nesten 600 % av driftsbudsjettet. Til samanlikning er taket nådd for kommunar dersom garantiane går over 10 % av driftsbudsjettet.
Etter den nye garantiforskrifta vil det leggast meir vekt på fylket sin eigen vurdering av gjeldsgraden. Rådmannen si vurdering vil altså vere av stor betyding, og dermed kan Rogaland fylkeskommune måtte seie nei til garanti for E39-prosjektet, fordi summen blir uforsvarleg høg.
Eg viser vidare til regjeringa si plattform frå Granavolden 17.01.2019, utdrag: Regjeringa vil:
«Innføre statlig delgaranti for bompengelån til riksveiprosjekter i fylker som er nær grensen for hvor mye garantier de kan stille, der ordningen gir en reell risikodeling mellom stat og fylke.»