Helga Rullestad (A):
Jeg vil gjerne
få stille barne- og familieministeren følgende spørsmål:
En eventuell kontantstøtteordning vil
sannsynligvis medføre at mange kvinner går ut av aktivt yrkesliv.
Har barne- og familieministeren en
oversikt over hva dette vil bety for et meget etterlengtet løft i
eldreomsorgen?
Statsråd Valgerd Svarstad Haugland:
Eg må seia eg er glad for den store interessa for kontantstøtte som
spørsmåla i spørjetimen i dag viser for saka. Eg har lyst til å streka
under at vi vil fremma kontantstøtta som eiga sak for Stortinget så raskt
som mogleg, og då kan ein ta opp ein del av dei utfordringane vi står
framfor, når vi ynskjer å gjennomføra det. Men vi må ha litt meir tid på
oss for å meisla ut alle detaljane i ei slik støtteordning.
Kontantstøtta vil i fyrste omgang vera
eit tilbod til om lag 120.000 foreldre. Vi veit ikkje i dag kor mange av
desse som vil sjå på denne støtta som eit alternativ som gjer det ynskjeleg
og mogleg å vera meir heime med småborna sine, og vi veit endå mindre om kor
i arbeidslivet vi finn desse i dag. Å tru at eldreomsorga vert råka
særskilt - ja, det er faktisk tatt ut av lause lufta. Vi har framleis om
lag 95.000 arbeidslause og 88.000 som ynskjer meir arbeid enn det dei har i
dag, og berre ein brøkdel av desse har små born. Så ledige hender for
satsing på eldreomsorga eksisterer faktisk. For mange vil kontantstøtta kan
henda nett gjera det mogleg å kombinera ein deltidsjobb på sjukeheim med
omsorg for borna heime framfor eit alternativ med fleire arbeidstimar,
lengre arbeidsreise og plass i barnehage. Det går faktisk an å tenke sånn
òg.
I tillegg veit vi at mange i
omsorgsyrke i dag arbeider deltid i heilt andre yrke enn det dei er utdanna
for. Vi kan derfor sjå på andre tiltak enn dei som finst i
familiepolitikken, for å få meir arbeidskraft til denne sektoren. Kor mykje
kontantstøtta vil verka inn på tilbodet av arbeidskraft, er nett eit av dei
spørsmåla vi vil sjå på i ei evaluering av ordninga etter at vi har
gjennomført kontantstøtta og analysert den vidare. Vi vil òg vera opptatt
av kven som nyttar ordninga - er det mor eller far, er det dei med god
økonomi eller dei som har det trongt, er det dei med lite utdanning eller
dei med god utdanning? Men ingen av desse spørsmåla kan eg svara fullgodt på
i dag, for dette må evaluerast etter at ordninga har vorte sett ut i livet.
Det viktigaste for denne regjeringa
med kontantstøtte er at den gir større valfridom for alle når det gjeld
omsorg for borna. Den gir òg større rettferd mellom familiane. No vil den
offentlege støtta til barneomsorg gå til alle familiar med små born, ikkje
berre til dei som både ynskjer og samtidig kan få ein plass i barnehage.
Helga Rullestad (A):
Jeg takker for
svaret.
Når Regjeringa nå går inn for et helt
nytt prinsipp, nemlig å få betalt for ikke å benytte seg av et velferdsgode,
kan det i neste omgang bety at det kan komme forslag der det samme
prinsippet blir brukt i eldreomsorgen, sånn at pårørende f.eks får
kontantstøtte for å ta seg av sine pleietrengende eldre. Konsekvensen av
dette blir etter min vurdering en utvanning av velferdsstaten og en
privatisering av velferdsgodene våre.
Statsråd Valgerd Svarstad Haugland:
Ja, eg vonar faktisk at denne regjeringa vil koma med fleire gode, nye saker
og gjerne prinsipp òg. Det er ofte det som skjer når vi får nye regjeringar
på plass - men det er no ikkje alle som klarer det, då.
Eg synest debatten her er ganske
interessant. Representanten nemner at ein får betalt for ikkje å bruka eit
offentleg tilbod, og så spør ho om ein no skal få betalt for å ta seg av
sine eldre. Eg trudde faktisk representanten visste at vi har noko som
heiter omsorgslønn her i Noreg, der ein god del menneske får delvis
betaling, iallfall, for å ta omsorg for sine eldre fordi dei ynskjer at dei
eldre skal få lov til å bu heime. Og det synest eg faktisk er ei god
ordning. Men når eg seier det, er ikkje det eit teikn på at vi ynskjer å
trappa ned eldreomsorga og privatisera den meir enn i dag. Men eg synest
det er flott om familiemedlemer ynskjer å bruka tid på sine eigne. Eg
synest vi skal vera med og støtta dei dersom dei vel det sjølve. Ein skal
ikkje frå staten si side verta pådytta desse oppgåvene, men det er
frivillig, eit tilbod om omsorgslønn eller kontantstøtte.
Så er det ein ting til, om eg har tid
...
Presidenten: Da er tiden omme. Jeg
regner med at statsråden vil få anledning til å komme tilbake.
Statsråd Valgerd Svarstad Haugland:
Eg trur òg det.
Helga Rullestad (A):
Jeg må si jeg
virkelig er bekymret hvis det er den nye kursen til sentrumsregjeringen at
vi skal gå inn for ordninger som privatiserer vårt samfunn, og at vi legger
opp til private løsninger. Det synes jeg er bekymringsfullt.
Statsråd Valgerd Svarstad Haugland:
Ja, då må eg melda at representanten Rullestad burde vore bekymra for lenge
sidan, for omsorgslønn har vi hatt i Noreg i mange år - eg kan tenka meg at
den kommunen Rullestad kjem frå, òg gir omsorgslønn til ein del av
innbyggarane sine. Det er ikkje noka ny retning her, det er snakk om å gi
noko betaling for ein kjempeinnsats som folk gjer for familiemedlemer eller
andre nære, og det synest eg jammen vi skal gi vidare òg. Det er ikkje
snakk om noka opptrapping, denne regjeringa ynskjer jo òg at staten skal
vera med og løyva 50 % av utgiftene som kommunane har til omsorgsløn. Vi
veit at det vert gjort mange tusen årsverk frivillig rundt omkring i
kommunane fordi nokon ynskjer å ta seg av sine eldre sjølve. Det synest eg
er flott, og då må vi òg gi kompensasjon. Men frå denne regjeringa si side
er det ikkje snakk om meir privatisering korkje av eldreomsorga eller
skulevesenet osv., som somme har trekt fram. Eg trur faktisk at vi langt på
veg er samde med den regjeringa som har gått av, når det gjeld kven som har
ansvaret for eldreomsorga, og kven som har ansvaret for skulane, men å gi ei
yting til dei som gjer ein innsats, synest eg denne velferdsstaten har råd
til.