Endringar i statsbudsjettet 2018 under Finansdepartementet og Kommunal- og moderniseringsdepartementet (Lønsregulering for arbeidstakarar i det statlege tariffområdet 2018 mv.)
Prop. 96 S (2017-2018), Innst. 407 S (2017-2018)
Vedtak 934
I statsbudsjettet for 2018 blir det gjort følgjande endringar:
Kap. |
Post |
Formål |
Kroner |
2315 |
1 |
Lønsregulering for arbeidstakarar i det statlege tariffområdet Driftsutgifter, blir løyvd med |
1 825 000 000 |
502 |
21 |
Lønsoppgjeret i staten, tariffavtalte avsettingar. Spesielle driftsutgifter, kan overførast, kan nyttast under kap. 502, post 70, blir løyvd med |
1 000 000 |
70 |
Tilskot til kompetanseutvikling mv., kan overførast, kan nyttast under kap. 502, post 21, blir løyvd med |
16 500 000 |
|
71 |
Tilskot til midlar til opplæring og utvikling av tillitsvalde (OU-midlar), blir auka med frå 185 400 000 kroner til 190 600 000 kroner |
5 200 000 |
Vedtak 935
Stortinget samtykkjer i at det med verknad frå 1. mai 2018 blir gjort regulering av lønene mv. for arbeidstakarar i det statlege tariffområdet som er medlemmer av LO Stat, Unio og YS Stat i samsvar med Riksmeklaren si møtebok av 24. mai 2018 i vedlegg 1.
Vedtak 936
Stortinget samtykkjer i at det med verknad frå 1. mai 2018 blir gjort regulering av lønene mv. for arbeidstakarar i det statlege tariffområdet som er medlemmer av Akademikerne i samsvar med Riksmeklaren si møtebok av 24. mai 2018 i vedlegg 2.
Vedtak 937
For embets- og statstilsette som ikkje er medlem av organisasjonar som nemnde i romartal II og III og difor ikkje får løns- og arbeidsvilkåra sine fastsette i hovudtariffavtalen, skal same løns- og arbeidsvilkår som etter romartal II gjelde. Embets- og statstilsette som er tekne ut av hovudtariffavtalen, får løns- og arbeidsvilkår sine fastsette administrativt i eigen kontrakt.
Vedtak 938
Stortinget samtykkjer i at Kongen på vegne av staten kan bringe tvistar i samband med tariffoppgjeret i staten i 2018 inn for Rikslønsnemnda i samsvar med lov 18. juli 1958 nr. 2 om offentlige tjenestetvister § 31 andre ledd.
Vedtak 939
Stortinget samtykkjer i at Finansdepartementet får fullmakt til å fordele løyvinga under kap. 2315 Lønsregulering for arbeidstakarar i det statlege tariffområdet, post 01 Driftsutgifter, på dei postane på statsbudsjettet som har lønsløyving.