Spørsmål
Liv Signe Navarsete (Sp): Avinor si tilråding om å oppretthalde fire flyplassar i Sogn og Fjordane er godt motteke. Men varsla kutt i det regionale flyplassnettet på 100-150 mill. kr årleg gir likevel grunn til uro for framtidig flytilbod. Statsråden sin partikollega, Frank Willy Djuvik, varsla 21. mai i år til NRK Sogn og Fjordane bru mellom Anda og Lote finansiert med flyplassavløysingsmidlar for å leggje ned flyplassen på Sandane.
Arbeider statsråden med å få på plass ei ordning for flyplassavløysingsmidlar, og eventuelt når kjem den?