Begrunnelse

I 2016 vart det bestemt i ny nasjonal CBRNE-strategi at Kriseutvalet for atomberedskap skal utvida dei seks dimensjonerande senarioa som ligg til grunn for den norske atomberedskapen med eit nytt senario som omfattar «bruk av kjernevåpen nær eller på norsk territorium», kalla det 7. senarioet.
I invitasjonen til deltaking i arbeidsgruppa for å greia ut senarioet, står det at arbeidsgruppa sitt hovudprodukt skal vera offentleg (ugradert). Kriseutvalet for atomberedskap skal allereie mellom anna ha produsert analysar om «bruk av kjernevåpen nær eller på norsk territorium – Beskrivelse av scenario», «Mulige konsekvenser og tiltak ved bruk av kjernevåpen mot Norge i forbindelse med situasjonen i Ukraina, jf. scenario 7» og konsekvensreduserande tiltak for det 7. senarioet.
I stortingsmelding 5 (2023-2024) står det derimot at «Med bakgrunn i den endrede sikkerhetspolitiske situasjonen, arbeides det med å vurdere et sjuende scenario, som handler om bruk av atomvåpen på eller i nærheten av norsk territorium. Det skal vurderes tiltak for å møte et slikt scenario».