Frank Edvard Sve (FrP): Kan kommunalministeren gjere greie for kva innstilling som går til kommunestyret si behandling frå saker i eit kommunalt føretak som skal behandlast endeleg i kommunestyret, og kan kommunedirektøren endre noko som helst på vedtaket/innstillinga frå styret i eit kommunalt føretak som går vidare via kommunen sin administrasjon til endeleg behandling i kommunestyret?
Begrunnelse
Kommunelova sin § 9 omhandlar kommunale og fylkeskommunale foretak.
Det har vorte ein debatt i Stranda kommune i Møre og Romsdal ikring mandat og kven som har innstillingsrett i saker frå eit kommunalt foretak i saker som skal til behandling i kommunestyret, i dette tilfellet gjeldande Stranda hamnevesen KF.
I § 9-16 gjelder forholdet til kommunens administrasjon, der det står sitat:
"Kommunedirektøren i kommunen eller fylkeskommunen har ikke instruksjons- eller omgjøringsrett overfor foretakets daglige leder.
Kommunedirektøren kan instruere styret og daglig leder om at et vedtak i foretaket ikke skal iverksettes før kommunestyret eller fylkestinget har behandlet saken.
Kommunedirektøren skal gis anledning til å uttale seg før styret treffer vedtak i saker som også skal behandles av kommunestyret eller fylkestinget. Uttalelsen skal legges fram for styret i foretaket når styret skal behandle saken. Styrets vedtak skal sendes til kommunestyret eller fylkestinget via kommunedirektøren."
Det står i lova at kommunedirektøren skal gis anledning til å UTTALE seg før styret treffer vedtak i saker som skal behandles av kommunestyret, og at ein slik uttale skal legges fram for styret i foretaket når styret behandler saken.
Ein slik uttale frå kommunedirektøren vil sjølvsagt følge saka vidare til kommunestyret.
Vidare står der at
"styrets vedtak skal sendes til kommunestyret via kommunedirektøren."
Debatten som har vore i Stranda kommunestyre ikring dette, er at nokon oppfattar det som om det er kommunedirektøren som skal innstille i saka vidare til kommunestyret i slike saker, og dermed kunne omgjere heile innstillinga frå styret i føretaket, noko det vanskeleg kan tolkast slik.
Dersom det skal gje noko meining i at kommunedirektøren har rett til ein uttale i saker som styret i det kommunale føretaket sender til behandling seinare i kommunestyret, vil det åpenbart vere tilrådinga frå styret sitt vedtak som går via administrasjonen i kommunen, til kommunestyret.
Enkelte har oppfatta lova ikring dette slik at kommunedirketøren kan omgjere styret sitt vedtak som innstiller til sak som skal vidare til kommunestyret, dette ville i så fall også gjelde årsbudsjett, årsrekneskap og andre omfattande saker frå det kommunale føretaket.