Begrunnelse

Bruk av strekningsmåling av fart har blitt jamnt vanlegare, særleg på strekningar som er utsett for trafikkulukker. Dette kan ha fordelar med tanke på å unngå overskridingar og gjere sjåførar meir medvitne rundt eiga fart.
Samstundes som det er viktig at folk held fartsgrensene, er det også viktig at folk under normale vêr- og føreforhold ikkje køyrer vesentleg saktare enn gjeldande fartsgrenser, slik at trafikkflyten ikkje vert forstyrra.
Ved opplysningsskilt om strekningsmåling står det ofte ikkje opplyst kva fartsgrensa er, sjølv om denne er avvikande frå den generelle fartsgrensa på landeveg (80 km/t). Og dersom den står opplyst, er det med eit lite og vanskeleg lesbart underskilt. Fartsgrensa er normalt ikkje opplyst om mellom kontrollpunkta heller. Dette kan føre til at mange køyrer saktare enn det som faktisk er fartsgrensa for å vere på den sikre sida, noko som igjen er forstyrrande for trafikkflyten.