Frank Edvard Sve (FrP): Kan samferdselsministeren leggje fram ei oversikt over søknadane om nedsatt fartsgrense på strekninga Mjøsbrua til Oslo for 2024, som syner kva løyver som er gjevne og kva forutsetningar som er lagt til grunn for skilting av nedsatt fartsgrense ved ulike vegarbeid/tiltak?
Begrunnelse
I fleire spørsmål til samferdselsministeren har eg teke opp problema med midlertidig skilting på E6 i området nord for Oslo og opp dalen.
Statsråden har svart at det er entreprenørene som utfører arbeid som skal søke om slikt midlertidig skilting for nedsatt fartsgrense, og at det er strenge reglar for dette.
Derimot ser eg gong etter gong feil ved slik skilting, skilt som står i hytt og pine utan logikk, mangel på både oppheving av nedsatt fartsgrenser, og nedsatt fartsgrenser for vegarbeide som fortsatt står der i helg og høgtider der det IKKJE er anleggsarbeid.
Feil skilting av fartsgrensene fører til farlege situasjonar, samt at dette er svært vanskeleg å kunne forholde seg til for bilistane.
I tillegg har eg registrert at politiet har gjennomført fartskontrollar i slike områder, og eg er slett ikkje sikker på at dette er lovleg med bakgrunn i disse uryddige skiltingsgrunnlaga.