Sveinung Rotevatn (V): Kva er det EØS-rettslege handlingsrommet for å tillate sprøyting av avlingar ved hjelp av droner, og korleis jobbar regjeringa med å endre regelverket på området?
Begrunnelse
Sprøyting av frukttre er tungt, tidkrevjande og dyrt arbeid. Særleg i bratt terreng, som det er mykje av i dei mest frodige fruktområda på Vestlandet, er sprøyting ved bruk av traktor både vanskeleg og tidvis farleg arbeid.
Bruk av store droner til denne typen arbeid blir meir og meir aktuelt, og er ein svært lovande teknologi med tanke på å effektivisere sprøytingsarbeidet. Det blir likevel sagt at dagens EØS-regelverk er til hinder for å ta ein slik teknologi i bruk, då det av sikkerheitssomsyn er svært strenge reglar for å spreie kjemikaliar frå lufta – det vere seg ved bruk av droner eller bemanna luftfartøy.
Spørsmålet er om det finst noko juridisk handlingsrom her som ikkje per dags dato utnytta i Noreg for å tillate dette, slik ein har gjort i Sveits, og om regjeringa har gitt sine innspel til den pågåande prosessen i EU med å revidere regelverket på dette området.