Skriftlig spørsmål fra Tobias Drevland Lund (R) til kommunal- og distriktsministeren

Dokument nr. 15:572 (2023-2024)
Innlevert: 01.12.2023
Sendt: 01.12.2023
Besvart: 11.12.2023 av kommunal- og distriktsminister Erling Sande

Tobias Drevland Lund (R)

Spørsmål

Tobias Drevland Lund (R): Hvilke konkrete tiltak gjør regjeringen for å motvirke det som fremkommer av NRK sin undersøkelse 30. november om at jøder oppgir at de opplever ubehagelige opplevelser og kvier seg for å bære synlige jødiske symboler?

Begrunnelse

I en undersøkelse NRK har gjort som ble omtalt 30. november kommer det frem sjokkerende tall om omfanget av antisemittisme i Norge. 7 AV 10 norske jøder svarer at de har opplevd ubehagelige opplevelser knytta til sin jødiske identitet. Nesten 9 av 10 av de som har pleid å bære synlige symboler på den jødiske bakgrunnen sin, svarer at de har blitt mer forsiktig med dette nå. NRK-saken understreker dessverre det som allerede er et kjent problem. I The European Commission against Racism and Intolerance (ECRI) sin sjette rapport om Norge publisert 23. februar 2021, kommer det frem at 11 pst. av jødene blant respondentene svarte at de direkte hadde blitt utsatt for trakassering. 64 pst. av jødene svarte at de unngikk å vise sin religiøse tilknytning offentlig i frykt for å møte negative sosiale sanksjoner. I lys av økt fokus på dette samfunnsproblemet hadde det vært nyttig å få svar fra statsråden hvilke konkrete tiltak som gjøres for å bekjempe antisemittisme og for å sikre at alle jøder skal føle seg trygge i Norge.
https://www.nrk.no/spesial/sporreundersokelse-blant-norske-joder-etter-7.-oktober-1.16644625

Erling Sande (Sp)

Svar

Erling Sande: Regjeringa tar den aukande antisemittismen på største alvor. Jødane er ein liten minoritet i Noreg. Dei er ekstra utsette når antisemittisme og hat breier om seg i samfunnet vårt og skal ikkje stå aleine. Eg har kontakt med representantar for dei jødiske miljøa i Oslo og Trondheim i denne vanskelege tida. Denne hausten har eg òg vore til stades på markeringa av krystallnatta ved synagogen i Oslo 9. november, og på Kontaktforum for nasjonale minoritetar, der representantar for den jødiske minoriteten deltok.
Regjeringa vil starte arbeidet med ein ny handlingsplan mot antisemittisme. Det vart kunngjort i pressemelding 4. november. Den skal leggjast fram i løpet av 2024 og vil bli utforma i kontakt med den jødiske minoriteten i Noreg og andre relevante aktørar.
Regjeringa følgjer òg aktivt opp Handlingsplan mot antisemittisme 2021-2023 – en videreføring, i kontakt med den jødiske minoriteten. Planen inneheld 12 tiltak innan mange ulike sektorar og dei aller fleste er løpande tiltak, som held fram. Det vil seie at sjølv om planperioden går ut ved årsskiftet, stoppar ikkje tiltaka mot antisemittisme opp. Handlingsplanen har vore evaluert i 2023. I evalueringa kjem det fram at tiltaka mot antisemittisme har effekt, at den jødiske minoriteten er nøgd med kontakten med styresmaktene i oppfølginga av planen og at det framleis er naudsynt å ha ein innsats mot antisemittisme.
For 2024 ligg det an til at tilskota til Det Mosaiske Trossamfund i Oslo og Det jødiske samfunnet i Trondheim blir auka med til saman om lag 4 millionar kroner, jf. Prop 1 S (2023 – 2024) for Kommunal- og distriktsdepartementet og budsjettavtalen som er inngått mellom SV og regjeringspartia (framlagt 3. desember 2023). Målet for tilskota er «å bidra til å motverke antisemittisme, støtte opp om synleg jødisk kultur, identitet og samfunnsliv i Noreg og synleggjere jødisk kultur og identitet overfor skuleungdom».
Avslutningsvis vil eg nytte høvet til å streke under at regjeringa tar all rasisme, hets, hatefulle ytringar og diskriminering på alvor. 21. november la regjeringa fram ein handlingsplan mot rasisme og diskriminering, med mål å førebyggje og nedkjempe rasisme og etnisk diskriminering i det norske samfunnet.