Ingrid Fiskaa (SV): Har forsvarsministeren bestemt seg for kor mange stillingar knytt til vakthald, sikring og støttefunksjonar som skal vera på Andøya flystasjon etter sommaren, og viss svaret er nei, når vil forsvarsministeren bestemma seg?
Begrunnelse
Dei forsvarstilsette på Andøya flystasjon har framleis ikkje fått ei avklaring på kva funksjonar og stillingar som blir igjen frå sommaren av. Eg er gjort kjent med at personell no søker seg vekk, og at det er stor risiko for at det ikkje er tilsette igjen dersom avgjerda ikkje kjem før jul.
For at Forsvaret framleis skal kunna ha aktivitet på Andøya, inkludert mottak av allierte, og for å dekka Andøya Space sine behov, trengst det militært vakthald og sikring med teknisk støttepersonell og støttefunksjonar. No når personell har begynt å søka anna arbeid, vil Forsvaret mista denne kompetansen, og det vil bli vanskeleg å bygga opp kompetansen på nytt.
Dersom forsvarsministeren meiner at det ikkje trengst militært vakthald og sikring er det i så fall på tide at det blir gjort kjent for dei tilsette.