Lise-May Sæle (H): Vestland fylkeskommune med Ap i spissen har innført ein komplisert inntaksmodell for vidaregåande opplæring som er justert 5 gonger av hovudutval for opplæring og består av over 50 unntak fordelt på 8 inntaksområde. Modellen er gjort vanskeleg for elevane som skal søkje skule, begrensar i stor grad alle valmoglegheiter og tal elevar som får førstevalet sitt har gått ned.
Meiner kunnskapsministeren at dette er ei god behandling av elevane i Vestland og kva vil statsråden gjere for elevar som eleven frå Kvinnherad?
Begrunnelse
Vi kan i dag i Kvinnheringen lese at ein elev er fortvila fordi Ap i Vestland fylke har laga ein inntaksmodell som gjer at ho ikkje kan søkje seg til den vidaregåande skulen ho har lyst til å gå på. Det såkalla "nærskuleprinsippet", innført av Ap, har fått store konsekvensar for elevane i Vestland. Eleven snakkar for mange elevar i Vestland som blir forhindra av nærskulemodellen til å følgje sine draumar og ambisjonar og korleis den grip inn i deira val av vidaregåande skule. Modellen gjer det umogleg å søkje noko anna enn nærskulen i sitt inntaksområde, fordi ein har lagt på 100 poeng på karaktersnitta til dei som er i same inntaksområde. Løysinga til Ap på dette har vore å lage 50 unntak frå modellen på enkelte linjer og postnummer, noko som fører til at modellen no er ekstremt vanskeleg å forstå seg på.
Firda vidaregåande skule har tidlegare fått utdelt Dronning Sonja sin skulepris og vore kjent i ei årrekke for godt skulemiljø og rekruttering frå heile fylket då ein hadde fritt skuleval i tidlegare Sogn og Fjordane. Rektoren uttalte til Firda Tidend 10.mars 2023 at:
"Eg håpar vi blir kvitt ordninga med nærskulepoeng for studie òg. Vi har i alle fall ikkje hatt noko glede av ho."
Sak i Kvinnheringen:
https://www.kvinnheringen.no/solfrid-15-har-gode-karakterar-men-har-likevel-ikkje-sjans-til-a-fa-plass-pa-den-vidaregaande-skulen-der-ho-helst-vil-ga/s/5-27-425024