Skriftlig spørsmål fra Dagfinn Henrik Olsen (FrP) til arbeids- og inkluderingsministeren

Dokument nr. 15:1150 (2021-2022)
Innlevert: 04.02.2022
Sendt: 07.02.2022
Besvart: 11.02.2022 av arbeids- og inkluderingsminister Hadia Tajik

Dagfinn Henrik Olsen (FrP)

Spørsmål

Dagfinn Henrik Olsen (FrP): NAV trenger sterke signaler om viktigheten av å få folk tilbake i jobb og at det må tilrettelegges for at så skjer.
Vil statsråden ta grep som sørger for at NAV utøver en praksis som er lik for alle og har som mål at folk skal raskt ut i jobb igjen?

Begrunnelse

I forbindelse med Korona pandemien har mange mennesker opplevd å bli permittert og mange har også blitt oppsagt. Mange av de som har opplevd å bli oppsagt har hatt jobber hvor det kreves en del kurs for å kunne opprettholde yrket samt at de faktisk er i jobb for å kunne være operative, dette gjelder blant annet flygere.
Nå som samfunnet gradvis går tilbake mot en normal situasjon er det blitt behov for å ansette personell som har stått utenfor sitt ordinære yrke lenge, en yrkesgrupper herunder flygere trenger kursing for å kan gå tilbake til yrket.
I noen tilfeller innvilger NAV dekning av kurs mens i andre tilfeller avslås. Det ser ut som om det mangler klare signaler om at det må jobbes målrettet for å oppdatere folk slik at de kan gå tilbake i jobb. Det er viktig at vi har ordninger som reduserer antallet som står utenfor arbeidslivet, og dersom det er mangel på slike ordninger så må disse raskt etableres.

Hadia Tajik (A)

Svar

Hadia Tajik: Talet på heilt ledige og permitterte har gått kraftig ned det siste året og utgjorde i januar i år 2,4 prosent av arbeidsstyrken. Med regjeringa sine auka løyvingar til både tiltaksplassar og Arbeids- og velferdsetaten i 2022, er prognosane gode for at denne nedgangen vil halde fram.
Min jobb er å sørgje for gode rammevilkår for NAV slik at fleire kan komme i arbeid. Men det er det einskilde NAV-kontor som avgjer korleis løyvinga til arbeidsmarknadstiltak blir brukt i sitt eige fylke. Det skjer på bakgrunn av politiske prioriteringar der dei ledige sin alder, arbeidsevne, innvandrarbakgrunn og kor lenge ein har vore ledig er førande for bruken av mellom anna ulike kurs. Avgjerda om bruken av tiltaksplassar og opplæring skjer lokalt i NAV ut frå ei individuell vurdering av behovet for støtte og ut frå behovet for arbeidskraft.
Ledige som har hatt jobbar som krev kurs for å vedlikehalde sin kompetanse for å komme tilbake i same yrke, kan søkje om opplæringstiltak i NAV. Når det mellom anna gjeld kurs til å fornye det flysertifikatetet som pilotar treng i arbeidet sitt, sende Arbeids- og velferdsdirektoratet i 2021 ut informasjon til etaten for å sikre lik handsaming av søknader i desse sakene. Her blei det understreka at det aktuelle sertifiseringskurset kan bli innvilga som eit arbeidsmarknadskurs. Ein føresetnad for å få kurset er at det blir vurdert som naudsynt for å komme tilbake i arbeid, og at søknaden kan prioriterast opp mot opplæringsbehovet til andre ledige som er registrerte i NAV. I januar i år var det registrert 79 ledige og fire permitterte flygarar i NAV.
Arbeidsmarknadskurs er i hovudsak retta mot arbeidssøkarar med manglande formelle kvalifikasjonar. Det inneber at det vil vere ledige som fell utanfor den prioriterte målgruppa for slike kurs. Blant ledige pilotar har dessutan mange vore permitterte. Desse vil det i hovudsak vere arbeidsgjevar sitt ansvar å tilby opplæring.
NAV sine arbeidsmarknadstiltak, mellom dei opplæringstiltaket, spelar ei sentral rolle i arbeidet med å redusere talet på dei som står utanfor arbeidslivet. I departementet sitt Tildelingsbrev til etaten for i år er det lagt særskild vekt på kvalifiserande tiltak, og på at fleire skal fullføre opplæring eller utdanning slik at dei kan få den kompetansen som er etterspurd av arbeidsgjevarar. Det er mellom annan lagt til rette for at det skal bli lettare for ledige og permitterte å ta opplæring på eiga hand i dagpengeperioden.