Skriftlig spørsmål fra Liv Signe Navarsete (Sp) til fiskeri- og sjømatministeren

Dokument nr. 15:2616 (2020-2021)
Innlevert: 27.06.2021
Sendt: 28.06.2021
Besvart: 05.07.2021 av fiskeri- og sjømatminister Odd Emil Ingebrigtsen

Liv Signe Navarsete (Sp)

Spørsmål

Liv Signe Navarsete (Sp): Kan fiskeriministeren stadfeste at det ikkje vil bli føreteke sentralisering av oppgåver og tilsette frå Fiskeridirektoratet sitt regionkontor i Måløy og at regionkontoret vil bli oppretthalde som i dag?

Begrunnelse

Fiskeridirektøren har sett i gong eit arbeid for å vurdere framtidig organisering av Fiskeridirektoratet. Sist ein hadde slik prosess i 2015 foreslo fiskeridirektøren å legge ned regionkontoret i Måløy og flytte det til Bergen, det vil seie til same by som hovudkontoret ligg. Flyttinga vart heldigvis ikkje realisert, men det var ein hard kamp. No vekkjer den nye omorganiseringa av Fiskeridirektoratet ny uro for framtida til regionkontoret i Måløy.

Odd Emil Ingebrigtsen (H)

Svar

Odd Emil Ingebrigtsen: Det er riktig at Fiskeridirektoratet har sett i gong eit arbeid for å vurdere framtidig organisering av verksemda si. Arbeidet er forankra i eit oppdrag gitt av Nærings- og fiskeridepartementet i tildelingsbrevet for 2021. Eg siterer:

"Fiskerikontrollutvalget mente i NOU 2019:21 at mangel på velfungerende digitale verktøyer og en lite hensiktsmessig organisering av direktoratets kontrollarbeid var to sentrale hindre for en effektiv ressurskontroll. Utvalget mente at "de digitale løsningene er så viktige for fremtidens fiskeriforvaltning og ressurskontroll at myndighetene må se på organiseringen av dette fagområdet" (s. 20). Med bakgrunn i erfaring blant annet fra Skatteetaten mente utvalget videre at en funksjonsdelt organisering vil legge bedre til rette for faglig styrking av kontrollarbeidet.
I lys av utvalgets betraktninger bes direktoratet sette i gang en prosess for å vurdere fremtidig organisering. Vurderingen må også ta hensyn til målet i den statlige lokaliseringspolitikken om å medvirke til god fordeling av statlige arbeidsplasser, som bidrar til å utvikle robuste arbeidsmarkeder i alle deler av landet, når man vurderer organisering av ulike funksjoner og oppgaver. Fiskeridirektoratet bes spesifikt om å vurdere om det er stedsuavhengige funksjoner som i dag er lokalisert til hovedkontoret som eventuelt kan utøves andre steder i Norge. Samtidig skal det legges vekt på kostnadseffektivitet og effektiv oppgaveløsning. Det vises forøvrig til Retningslinjer for lokalisering av statlege arbeidsplassar og statleg tenesteproduksjon."

Fiskeridirektoratet har for tida spørsmålet til utgreiing. Ei arbeidsgruppe leda av tidlegare politidirektør Ingelin Killengren vil leggje fram rapporten sin for leiinga til direktoratet tidleg på hausten 2021. Forslaga frå gruppa vil deretter bli drøfta og endeleg avgjerd om ny organisering vil først bli tatt mot slutten av året. Som det kjem fram av tildelingsbrevet, er det gitt klare føringar om å ta omsyn til den statlege lokaliseringspolitikken i arbeidet, og eg legg til grunn at direktoratet vil gjere gode vurderingar som blanserer ulike omsyn.
Frå departementet si side er det altså gjeve føringar om desentralisering av funksjonar, ikkje det motsette. Vi ser no at det er stor aksept for å jobbe digitalt og uavhengig av stad, og det gjev høve til å tenkje nytt omkring desentralisering. Det er difor ikkje grunn til at denne prosessen skal føre til mindre aktivitet på regionkontora til Fiskeridirektoratet.