Liv Signe Navarsete (Sp): Kva vil samferdselsministeren gjere for å sikre best mogleg utnytting av steinmassane frå prosjektet Stad skipstunnel og korleis vil han sikre størst mogleg ringverknader gjennom å tilrettelegge for at lokalt næringsliv kan konkurrere om oppdrag i byggeprosessen?
Begrunnelse
Stortinget har gjort vedtak om at Stad skipstunnel skal byggast. Det er eit prosjekt som vil gje store steinmassar. Desse kan gje grunnlag for at andre prosjekt i regionen kan sjå dagens lys. Men det krev at styresmaktene legg til rette for det i samarbeid med lokale styresmakter og næringsliv. Vidare må ein legge til rette for at lokale entreprenørar og næringsliv elles kan konkurrere om oppdrag i samband med byggeprosessen. Men skal det skje må prosjektet planleggast for det frå starten, noko statsråden kan legge til rette for. Det er av stor lokal interesse å vite korleis regjeringa vil sikre at det vert størst mogleg ringverkander av det som vert ein nyskapande og spanande byggeprosess.