Liv Signe Navarsete (Sp): Er det identifisert behov ut over det som er beskrive i KVU Evenes i samband med lagring, montering og transport av eksplosivar for å dekke nasjonale og allierte behov ved Evenes flystasjon?
Begrunnelse
Senterpartiet viser til Stortingets spørjetime 29.01. Forsvarsministeren forsikra Stortinget at lagring, montering og transport av eksplosivar knytt til MPA-verksemd kjem til å verte ivareteke i tråd med reglar og lovverk, og tryggleikstandaren som skal vert sett. Senterpartiet viser til at KVU Evenes legg til grunn gjenbruk av eksisterande fasilitetar til lagring av våpen og ammunisjon. Dette vart også stadfesta i spørsmål frå Finanskomiteen/APs fraksjon av 23.05.2017, kor regjeringa svarar:
«I konseptvalgutredningen for Evenes flystasjon legges det til grunn gjenbruk av eksisterende EBA på Evenes til eksplosivlagring. Dette medfører ikke merkostnader til drift sett i forhold til grunnlaget for stortingsbehandlingen.»
Senterpartiet er kjend med at eit ammunisjonsutval har arbeidd med problemstillinga knytt til lagring, transport, og montering av eksplosivar til MPA systemet. Forsvarsministeren informerte Stortinget 29.01:
«(...) jeg kan forsikre om at dette kommer til å bli ivaretatt i henhold til regler og lovverk, og sikkerhetsstandarden som skal settes.»
Senterpartiet merkar seg at ministeren informerar Stortinget at dette behovet ikkje enda er teke hånd om, men kjem til å verte det.