Skriftlig spørsmål fra Fredric Holen Bjørdal (A) til olje- og energiministeren

Dokument nr. 15:1470 (2019-2020)
Innlevert: 29.04.2020
Sendt: 30.04.2020
Rette vedkommende: Finansministeren
Besvart: 16.05.2020 av finansminister Jan Tore Sanner

Fredric Holen Bjørdal (A)

Spørsmål

Fredric Holen Bjørdal (A): Med forslag om direkte utgiftsføring av alle prosjekt med sanksjonering i 2020 og 2021 (før 31. desember 2021, forslagets punkt 2):
Kva for investeringsbeløp i 2020, 2021, 2022, 2023, 2024 og 2025 vil dette ha effekt for og kor sannsynleg er det at eit slikt forslag kan medføre at investeringar blir framskunda?

Begrunnelse

Viser til forslag frå Norsk Olje og Gass: https://www.norskoljeoggass.no/contentassets/3273416fb77a4e05966b5aa630a9b18b/skatteforslag.pdf. Ein reknar med at prosjekt med sanksjonering/PUD/PAD i 2020 og 2021 og som ikkje per i dag er sanksjonert eller hatt PUD/PAD vil innebere investeringar i 2020 og 2021, men med normalt investeringsforløp, også medføre store investeringar og moglege direktefrådrag i 2022, 2023, 2024 og 2025 osv. Rystad Energy angir 4 prosjekt med antatt "approval" i 2020 og 2021 (Balder, Eldfisk, Grane D og F), med samla investering i 2020/2021 på om lag 500 millionar dollar, men med samla investeringar i åra deretter på 5500 millionar dollar. Tilsvarande har prosjekt med antatt "approval" i 2022 og 2023, som eventuelt kan framskundast, no antatt investeringar på 150 millionar dollar i 2020 og 2021, men antatte investeringar på 15000 millionar dollar i åra deretter.

Jan Tore Sanner (H)

Svar

Jan Tore Sanner: Det vert i spørsmålet vist til punkt 2 i forslaget frå Norsk olje og gass, «Direkte utgiftsføring (inkl. friinntekt) av investeringer etter nye beslutninger som sanksjoneres før 31.12.21». Det ville vere krevjande å avgrense kva prosjekt og investeringar som ville vere omfatta av Norogs punkt 2. Dette er ikkje ei avgrensing som regjeringa har vidareført i forslaget til midlertidige skatteendringar i Prop. 113 L (2019-2020). Departementet har ikkje fordeling av kva investeringar som ville verte inkludert ved ei slik avgrensing.
For åra 2020 og 2021 er alle investeringar omfatta av punkt 1 i næringas forslag. Regjeringas forslag vil også inkludere alle pådregne investeringar desse to åra. Regjeringas forslag inkluderer dessutan PUD og PAD mv. som selskapa innleverer før 2022 og som vert godkjende av Olje- og energidepartementet før 2023, for investeringar som vert pådregne innan utløpet av inntektsåret 2024.
Regjeringas forslag om midlertidige skatteendringar vil tilføre petroleumsselskapa likviditet, og berekna lønsemd etter skatt av investeringane kan auke, avhengig av kva avkastingskrav petroleumsselskapa nyttar, jf. omtale i Prop. 113 L (2019-2020).