Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:1988 (2018-2019) Innlevert: 28.06.2019 Sendt: 28.06.2019 Besvart: 08.07.2019 av samferdselsminister Jon Georg Dale
Sverre Myrli (A): Hvordan ivaretas i dag postlovens intensjoner om innbyggere/kunders klageadgang i saker som gjelder endring av postkasseplassering, hva er Nkoms rolle og hva er Forbrukerrådets rolle i disse sakene, hva er status i arbeidet med brukerklagenemnd, og er statsråden tilfreds med hvordan innbyggernes klageadgang i dag er?
Jon Georg Dale: Forbrukarrådet handsamer saker som gjeld posttenester i forbrukarforhold, det vil seie når kunden klagar på ei postteneste det er betalt pengar for. I 2018 fikk Forbrukerrådet 67 spørsmål om posttenester, både saker som kravde enkel rettleiing på telefon og meir kompliserte saker. I og med at klager over plassering av postkassar ikkje gjeld betaling for ei teneste, fell dette utanfor verkeområdet til Forbrukarrådet. Sjølv om Nasjonal kommunikasjonsmyndigheit og Samferdselsdepartementet ikkje har heimlar for å handsame klager om postkasseplassering, får dei innimellom brev om slike saker. Forvaltninga si rolle er da avgrensa til å informere klagaren om regelverket og å syte for at anten eigaren av postkassa tek kontakt med Posten eller at Posten tek kontakt med eigaren. Dei fleste sakene finn si løysing etter at Posten og eigaren av postkassa har snakka saman. Det låge talet på forbrukarklager på postområdet viser at ein nok bør ta ein fot i bakken og vurdere om det er naudsynt med ei eiga nemnd for postklager, eller om ordninga med at Forbrukerrådet handsamar forbrukarklager og at postmyndigheitene gir råd om postkasseplassering bør bli permanent. Ei eiga klagenemnd for postsaker vil uansett berre gi rådgjevande føresegner i sakar om plassering av postkassar. Inntil vidare lever eg godt med at dei klagane som er, finn si løysing på annan måte.