Begrunnelse

Eit sterkt lokalt sjølvstyre gjev grunnlag for god balanse i lokalsamfunnet. Forvaltningsstyrer og planutval i kommunane set premiss og rammer for arealforvaltninga lokalt. Samstundes registrerer ein ofte frå Fylkesmannen si side, ei overprøving av lokale vedtak som har god forankring på tvers av politiske parti.
NRK omtala i førre veke ei sak frå Sandvoll i Kvinnherad kommune, der Fylkesmannen hadde klaga inn vedtak i forvaltningsstyret i kommunen til departementet, og Fylkesmannen i Rogaland var utpeika som embete for endeleg handsaming av klagevedtaket. Tidlegare har ein og kunne lese tilsvarande sak frå Søreide i Høyanger kommune.
Verken Fylkesmannen i Vestland eller Fylkesmannen i Rogaland, tok seg arbeidet med å sette seg tilstrekkeleg inn i saka, som i stor grad er prega av skjønn knytt til vedtaka som er fatta av embetet.
Fylkesmannen kommenterte at det ikkje var grunnlag for synfaring.
Kvinnherad kommune sitt forvaltningsstyret har behandla saka to gongar, der likelydande vedtak om frådeling av areal til bustadbygging blei vedteke. Forvaltningsstyret har i si behandling peika på at området som er omsøkt, i særs liten grad er eigna som dyrkbar jord.
Skilnaden på dei nemnde sakene frå Sandvoll og Søreide, er at Fylkesmannen tok seg tid til å gjennomføre synfaring og gå i dialog med partane knytt til vedtak og søknad.
Det er særs uheldig at Fylkesmannen, utan dialog og synfaring tvert kan opptre på denne måten som Fylkesmann i Vestland har gjort, og seinare Fylkesmann i Rogaland i høve klagebehandlinga.
Regjeringa har tidlegare uttalt, frå dåverande kommunal- og moderniseringsminister Jan Tore Sanner –

«Kommunene kjenner de lokale forholdene best, og jeg har tillit til at de gjør gode vurderinger i lokale saker.»

På bakgrunn av denne uttalen, skulle ein tru at Regjeringa skulle legge til rette for eit sterkare lokalt sjølvstyre. Overprøvinga frå Fylkesmannen i denne saka, virkar som lite harmonisk i høve Regjeringa sine uttalar.