Begrunnelse

I samband med kampflybasen på Ørlandet har ei gruppe bønder og Forsvarsbygg i over eitt år forhandla om kontraktar for erstatning av bustader på landbrukseigedomar. Fire familiar blei 28.11.18 tvinga til å akseptere eit tilbod frå Forsvarsbygg kor fleire spørsmål knytt til kontrakten manglar svar. Forsvarsbygg har også dei siste to vekene har lagt inn nye føresetnader i avtalen, som har store negative praktiske og økonomiske konsekvensar for dei berørte. Fleire har ikkje fått oversendt ei endeleg kontrakt frå staten. Forsvarsbygg har saman med grunneigarane sine advokatar jobba med å utforme kontrakten i over eitt år. For to veker sidan sette Forsvarsbygg fristen for å akseptere kontrakten til 28.11. kl. 15.00. Men Forsvarsbygg har i løpet av disse to vekene ikke svara ut viktige spørsmål, og for fleire av familiane er det framleis uklårt kva som ligg i kontrakten. Difor ba dei berørte den 28.11. om å få utsett fristen med 48 timer – men dette blei blankt avslått av Forsvarsbygg.
I følgje dei berørte har Forsvarsbygg sin framgangsmåte skapt fortviling og usikkerheit. Dei opplever at dei er trua til å akseptere ei avtale dei ikkje veit kva vil medføre. Trugsmålet består i at familiane ville mista moglegheita til innløysning viss dei ikkje hadde akseptert avtalen. Uten å få endeleg avklara innhaldet i kontraktane, måtte dei den 28.11. akseptere tilbodet.
Det har lenge vore kommunisert at alle kan disponere bustaden i to år etter innløysning, dette ligg mellom anna i møtereferat frå 18.mai 2016 (med merknader fra FB av 24. mai 2016) der det var semje om to års disposisjonsrett, utan særlege atterhald. No nyleg, etter at Forsvarsbygg har gitt ein kort frist for signering for fire grunneigarar, avgjer Forsvarsbygg ensidig at fristen skal vere maks eitt år for andre bustader.