Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:2386 (2017-2018) Innlevert: 28.09.2018 Sendt: 01.10.2018 Besvart: 08.10.2018 av forsvarsminister Frank Bakke-Jensen
Willfred Nordlund (Sp): Kan statsråden gjere greie for kor mange HV-områdar som leggjast ned i 2018, 2019 og 2020 fordelt på kvart Heimevernsdistrikt?
Frank Bakke-Jensen: Stortinget vedtok i samband med handsaminga av langtidsplanen for forsvarssektoren at Heimevernet (HV) skal førast vidare med 11 distrikt, ref. Innst. 62 S (2016–2017). Vidare vart det vedteke i samband med handsaminga av landmaktsutgreiinga at HV skal ha områdestruktur og innsatsstyrker på til saman 40 000 soldatar, ref. Innst. 50 S (2017–2018) til Prop. 2 S (2017–2018). Når det gjeld HV-område, er dette innanfor forsvarssjefens myndigheit å tilpasse ut frå operative omsyn. Forsvaret opplyser at det i 2018 ikkje er lagt ned nokon HV-område. I 2019 er det planlagt å leggje ned 21 områder. Desse er fordelt på følgande distrikt:•HV 02 tre område•HV 08 åtte område•HV 09 tre område•HV 11 eit område•HV 12 seks områdeDen komplette operative organisasjonsplanen (KOP) for 2020 er ikkje klar. Det finst derfor ingen planar om å legge ned område i 2020 i dag.Strukturendringane gjerast for å tilpasse områda til ein styrkestruktur på 40 000 soldatar, og sikre best mogeleg utnytting av styrkane ut frå operative og taktiske omsyn. I tillegg til objektsikring, er blant anna omsyn til HV-distriktas totale oppgaveportefølje, som alliert mottak, overvaking og kontroll og styrkevern lagt til grunn for tilpassinga av HV-områda. Eg har full tillit til forsvarssjefens vurderingar når det gjeld tilpassinga av Heimevernet og kva som samla sett gjev det beste forsvaret av Noreg.