Alfred Jens Bjørlo (V): Statsministeren tilbakeviste på NRK Dagsrevyen 22/10 den massive kritikken mot regjeringas næringspolitikk ved å vise til at «Det skapes 5-6000 nye bedrifter i måneden. De går med godt overskudd». Er påstanden om 5-6 000 nye bedrifter pr måned som går med overskudd knytt til registrering av nye juridiske einingar fråtrekt einingar som opphører (netto vekst i tal nye juridiske einingar), er det eit tal på faktisk etablerte nye bedrifter med dokumentert økonomisk aktivitet og overskudd, eller eit tal på noko heilt anna?
Begrunnelse
For underteikna og Venstre er det svært uklart kva statsministeren og andre talspersonar for regjeringspartia siktar til når dei i sin kommunikasjon stadig snakkar om «5-6000 nye bedrifter hver måned» (Jmf. også til dømes trontaledebatten, der Ap-representant Tobias Hangaard Linge i møtereferatet frå 3. oktober er sitert på at: «Det går bedre for næringslivet med Arbeiderpartiet ved roret enn på svært mange år. Sannheten er at det etableres i snitt 6 000 nye foretak hver eneste måned»)
Er dette snakk om tal for registrerte juridiske einingar, eller om faktiske bedrifter med tilsette og aktivitet? I tilfelle sistnemnde, som er det reellt interessante, er det uklart korleis regjeringa har kome fram til dette talet og kva metodikk som er brukt. Det er også uklart om tala er fråtrekt dei selskapa som blir oppløyst, går konkurs eller lagt ned.
Særleg interessant er det kva dokumentasjon som finst på statsministeren sin påstand om at desse 5-6000 nye bedriftene går med overskot.
Det er også uklart om regjeringa ved si stadige insistering på at det blir etablert «5-6000 nye bedrifter hver måned» meiner å tilbakevise ulike analyser som dokumenterer lavare oppstartsaktivitet og grunderskap i Noreg enn i våre naboland; for eksempel Abelias Omstillingsbarometer og Global Entrepreneurship Monitor som viser at Noreg har relativt sett få nyetablerte bedrifter.
Professor Bram Timmermans ved NHH seier følgande om kva som er ein fornuftig definisjon av grunder og grunderskap i eit ferskt innlegg på LinkedIn:
«Basert på assosiasjoner som innovasjon, omstilling, verdiskaping og vekst, kan en mer presis beskrivelse være at gründerskap handler om «selskaper grunnlagt av én eller flere gründere for å utvikle et unikt produkt, en tjeneste eller et verdiforslag og bringe det ut på markedet. I denne prosessen søker gründeren(e) bak selskapet å effektivt utvikle og validere en skalerbar forretningsmodell. Bedriften etableres med ambisjoner om å vokse utover gründerne og gründerteamet.»
Timmermanns anslår at berre rundt ti prosent av alle nye juridiske einingar oppfyller desse krava. Det kunne vere nyttig å avklare om regjeringa har ei anna forståing av dette temaet enn Timmermans og andre fagfolk på grunderskap og bedriftsetablering.