Bård Hoksrud (FrP) [11:44:24]: «Stortinget har uttrykt ønske om krav til sikring av barn i skolebuss, og departementets oppfølging er etterlyst i spørsmål fra undertegnede senest i august i år. Statsråden meddelte da at «departementet er sterkt opptatt av sikker busstransport av skolebarn», og at vurderinger pågikk. Sist uke var det igjen flere uhell med skoleskyss, heldigvis uten personskade.

Vil statsråden nå sørge for at sikring av barn i skolebuss blir gjennomført, slik at ikke denne vinteren resulterer i skader som krav til sikring kunne hindret?»

Statsråd Liv Signe Navarsete [11:45:02]: Trafikktryggleik knytt til transport av skuleelevar i buss har fleire gonger vore til handsaming i Stortinget, og Regjeringa har m.a. vorte oppmoda om å vurdere om det er mogleg å innføre påbod om sitjeplass for barn under skuleskyss i buss.

SINTEF la fram rapporten «Sikkerhet knyttet til transport av skolebarn med buss» i slutten av mai 2008. Rapporten viser at skuleelevar i liten grad vert skadde som passasjerar i buss, og at skadane som oppstår, er lite alvorlege. SINTEF viser til at ut frå ulukker registrerte til politiet i perioden 2002–2006 kan ein anslå at to barn i grunnskulealder har vorte alvorleg skadde under transport med skulebuss i løpet av denne perioden. Ulukkestala viser at dei alvorlege skadane for denne trafikantgruppa skjer i situasjonar der skuleelevane anten er på veg inn i eller ut av bussen, eller dersom dei går eller syklar til og frå skulen. Kartlegging av tilbodet til fylkeskommunane viser at fleire av fylkeskommunane arbeider aktivt med trafikktryggleik og skuleskyss m.a. ved å stille krav om sitjeplass til skuleelevane, krav om maksimalalder og gjennomsnittsalder ved bussparken eller gjennom eige skyssreglement for sjåførar og elevar.

Rapporten frå SINTEF viser at det er eit omfattande og komplisert arbeid som må gjerast for å innføre særlege tiltak for denne trafikantgruppa, både med omsyn til økonomi og praktiske og juridiske løysingar. På bakgrunn av funn i rapporten frå SINTEF vil det verte gjennomført naudsynte vurderingar i samarbeid med m.a. Kommunal- og regionaldepartementet og bussnæringa for å få fram forslag til tiltak som kan vere føremålstenlege. Eg vil understreke at Regjeringa er oppteken av at alle skulebarn, uavhengig av kva for fylke dei veks opp i, skal kunne ferdast så trygt som råd er til skulen. Eg vil kome tilbake til Stortinget med ei eiga sak om dette når det er teke endeleg stilling til føremålstenlege tiltak for denne trafikantgruppa, utover dei allmenne krava til sikring som følgjer av gjeldande regelverk.

Eg vil òg understreke at det i dag er fullt mogleg for fylkeskommunane å stille krav til alder på materiell som skal brukast i skuleskyss. Som heimel har alle bussar i klasse 2 og 3 registrerte etter 1. oktober 1999 pålegg om tilgjengelege setebelte. Om fylkeskommunane set slike krav i anbodsutlysinga, vil ein gradvis få ei naturleg utskifting til bussar med setebelte.

Bård Hoksrud (FrP) [11:47:35]: Takk for svaret – det var for så vidt litt som forventet.

Jeg skulle gjerne sett at statsråden hadde vært enda tydeligere. Jeg opplever det slik at statsråden egentlig sier at SINTEF-rapporten tilsier at man kanskje ikke bør ta de store grepene. Jeg synes det er litt spesielt siden vi fra 1. januar 2008 innførte krav om sikring av barn under tre år i buss, der man er veldig klar både om seter og om godkjent sikkerhetsutstyr, mens det samme kravet ikke er innført for vanlige grupper med barn som kjører skolebuss.

Jeg synes at 589 skadde i trafikken med skolebuss er et høyt tall. Jeg håper at statsråden er enig i det, og at hun snarest kommer tilbake med en beslutning, slik at vi får vite hva Regjeringen egentlig mener. Problemet til fylkespolitikerne er at de ikke har økonomisk rom for å kunne innføre dette, selv om alle, i hvert fall alle jeg snakker med, sier at dette er noe fylkeskommunene gjerne vil innføre.

Statsråd Liv Signe Navarsete [11:48:42]: No er det slik at fleire fylkeskommunar har innført slike krav. Det med økonomisk rom handlar i fylkeskommunane, som i staten, om å prioritere, og det er fylkeskommunane sitt ansvar. Viss fylkeskommunane tek ansvaret sitt og prioriterer dette, vil dette måtte verte prioritert på kostnad av andre tiltak. Det vil òg gjelde i staten.

Dersom Regjeringa skal prioritere ei full sikring med setebelte til alle, snakkar me om ein kostnad på 700–800 mill. kr. Då må me òg vurdere om gevinsten i trafikktryggleiksarbeidet er størst ved å bruke dei pengane her, eller om han er større ved å bruke pengane til andre trafikktryggleikstiltak. I den verda som eg er i, der me må prioritere mellom ulike tiltak, er det òg ein del av dette biletet som me er nøydde til å sjå på, og som me må kome tilbake til Stortinget med.

Bård Hoksrud (FrP) [11:49:45]: Det er jo nettopp derfor Fremskrittspartiet ønsker at man skal sørge for at ekstrakostnaden skal finansieres av Stortinget, fordi vi vet at det er mange fylkeskommuner som sliter med økonomien. Dette er ikke en lovpålagt oppgave, mens stort sett alle de andre oppgavene fylkeskommunene har, er lovpålagte, og det er ofte denne typen oppgaver som taper mot de lovpålagte oppgavene.

Jeg er bekymret når jeg ser konklusjonen og sammendraget i SINTEF-rapporten. Når jeg hører hva statsråden sier nå, er jeg også bekymret for hvorvidt staten og det politiske flertallet vil gå inn og sikre trygg og forsvarlig transport av barn i skolebuss. Veldig mange foreldre er bekymret og mener at det er en uholdbar situasjon slik det er nå, med mange barn som står på skolebussen. Vi kan prise oss lykkelig for at det heldigvis så langt ikke har skjedd de store ulykkene.

Jeg håper at statsråden kommer tilbake. I disse førjulstider er det vel slik at man kan få lov til å ha noen juleønsker. Ett juleønske er at statsråden kjapt kommer tilbake, slik at man kan få løst denne problematikken og sikre at alle barn i Norge får en trygg og sikker skoletransport.

Statsråd Liv Signe Navarsete [11:50:57]: I denne søte juletid er det heilt klart lov å ha slike fromme og gode ynske, og som heilt sikkert mange vil dele med representanten Hoksrud.

Så kan ikkje eg stå her som julenisse, men eg skal love at me skal handtere denne saka på ein ryddig og god måte og kome tilbake til Stortinget med ei sak. Det er fleire trinn her. Det eine handlar om å sikre alle sitjeplass, det andre handlar om at alle bussar skal ha montert setebelte. Det at alle skal ha ein sitjeplass, må i alle fall vere fyrste trinn som me må få på plass, for det at ungar skal stå i buss, ser eg òg på som ei særdeles lite heldig løysing.