Presidenten: Under debatten har Morten Høglund sett fram eit forslag på vegner av Framstegspartiet og Høgre.

Komiteen hadde tilrådd:

I

På svalbardbudsjettet for 2008 bevilges under:

Kap.	Post	Formål		Kroner		Kroner
		Utgifter
1		Svalbard kyrkje
	1	Driftsutgifter		3 600 000
2		Tilskot til kulturelle formål m.m.
	70	Tilskot til velferdsarbeid på Svalbard		960 000
3		Tilskot til Longyearbyen lokalstyre
	70	Tilskot til Longyearbyen lokalstyre		88 800 000
5		Sysselmannen (jf. kap. 3005)
	1	Driftsutgifter		26 250 000
6		Sysselmannens transportteneste (jf. kap. 3006)
	1	Driftsutgifter		67 600 000
7		Tilfeldige utgifter
	1	Driftsutgifter		4 100 000
9		Kulturminnetiltak
	1	Driftsutgifter		2 100 000
11		Bergmeisteren (jf. kap. 3011)
	1	Driftsutgifter		1 310 000
17		Refusjon til Norsk Polarinstitutt
	50	Refusjon		2 800 000
18		Fyr og radiofyr
	1	Driftsutgifter		3 450 000
19		Statens bygningar på Bjørnøya og Hopen
	1	Driftsutgifter		5 950 000
20		Statens bygningar i Longyearbyen (jf. kap. 3020)
	1	Driftsutgifter		11 100 000
	45	Større utstyrsinnkjøp og vedlikehald, kan overførast		600 000
22		Likningsforvaltninga for Svalbard
	1	Driftsutgifter		2 627 000
		Totale utgifter				221 247 000
		Inntekter
3005		Sysselmannen (jf. kap. 5)
	1	Diverse inntekter		250 000
3006		Sysselmannens transportteneste (jf. kap. 6)
	1	Leigeinntekter		1 100 000
3020		Statens bygningar i Longyearbyen (jf. kap. 20)
	1	Inntekter		2 820 000
3030		Skattar og avgifter
	70	Skattar m.m.		69 000 000
	71	Utførselsavgift		3 500 000
	72	Utmålsgebyr, årsavgift		1 090 000
3035		Tilskot frå statsbudsjettet
	70	Tilskot		143 487 000
		Totale inntekter				221 247 000

II Formues- og inntektsskatt til Svalbard for inntektsåret 2008

§ 1 Bruksområde for vedtaket

Dette vedtaket gjeld forskotsutskriving og endeleg utskriving av skatt på formue og inntekt for inntektsåret 2008 etter føresegnene i lov av 29. november i 1996 nr. 68 om skatt til Svalbard.

Skattepliktige som nemnde i skattebetalingslova § 1, jf. § 2, og svalbardskattelova § 5-1 første ledd, skal betale forskot på formues- og inntektsskatt til Svalbard for inntektsåret 2008. Ved utrekninga og innbetalinga gjeld føresegnene i dette vedtaket og i skattebetalingslova.

§ 2 Skatt på formue

Skatt på formue blir utrekna etter desse satsane:

• a) Personleg skattepliktig og dødsbu:

  Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten og kommunane (maksimumssats)

• b) Selskap og samanslutning som nemnd i skattelova § 2-36 andre ledd, og som ikkje er fritekne etter skattelova kapittel 2:

  Det blir nytta same satsar og grensebeløp som Stortinget har vedteke skal gjelde på det norske fastlandet for formuesskatt til staten.

§ 3 Skatt på inntekt

Skatt på inntekt blir utrekna etter desse satsane:

• a) Inntekt som blir skattlagt ved lønnstrekk etter svalbardskattelova § 3-2: Låg sats: 8 pst. Høg sats: 22 pst.

• b) Anna inntekt: 16 pst.

Personlege skattytarar skal ha eit frådrag i alminneleg inntekt som omfattas av b) på 20 000 kroner

§ 4 Avrundingsreglar

Ved utrekning av skatt ved likning skal stipulert formue avrundast nedover til næraste heile 1 000 kroner, og inntekt avrundast nedover til næraste heile 100 kroner.

Ved utrekning av skatt ved lønnstrekk skal inntekta avrundast nedover til næraste heile krone.

§ 5 Normalrentesatsen for rimeleg lån i arbeidsforhold

Normalrentesatsen som nemnd i skattelova § 5-12 fjerde ledd, jf. svalbardskattelova §§ 3-1 og 3-2, skal vere den same som Stortinget har vedteke skal gjelde på det norske fastlandet.

III Bestillingsfullmakt

Stortinget samtykkjer i at Justisdepartementet i 2008 kan bestille varer for inntil 3 mill. kroner ut over den totale løyvinga som er gitt under kap. 5 post 1 på svalbardbudsjettet.

IV Merinntektsfullmakter

Stortinget samtykkjer i at Justisdepartementet i 2008 kan overskride løyvinga under

• kap. 5 post 1, tilsvarande det inntektsførte beløpet under kap. 3005 post 2

• kap. 6 post 1, tilsvarande det inntektsførte beløpet under kap. 3006 post 2.

V Avgift av kol som blir utført frå Svalbard for budsjetterminen 2008

For budsjetterminen 2008 skal det svarast avgift til statskassen av kol som blir utført frå Svalbard, etter følgjande satsar:

• 1,0 pst. av verdien for dei første 100 000 tonna,

• 0,9 pst. av verdien for dei neste 200 000 tonna,

• 0,8 pst. av verdien for dei neste 300 000 tonna,

• 0,7 pst. av verdien for dei neste 400 000 tonna,

• 0,6 pst. av verdien for dei neste 500 000 tonna,

• 0,5 pst. av verdien for dei neste 600 000 tonna,

• 0,4 pst. av verdien for dei neste 700 000 tonna,

• 0,3 pst. av verdien for dei neste 800 000 tonna,

• 0,2 pst. av verdien for dei neste 900 000 tonna,

• 0,1 pst. av verdien for dei neste 1 000 000 tonna.

Presidenten: Til § 3 under II ligg det føre eit alternativt forslag frå Framstegspartiet og Høgre. Forslaget lyder:

«Stortinget slutter seg til Regjeringens forslag til vedtak om formues- og inntektsskatt til Svalbard for inntektsåret 2008 med følgende endringer:

§ 3 skal lyde:

§ 3 Skatt på inntekt

Skatt på inntekt blir utrekna etter desse satsane:

• a) Inntekt som blir skattlagt ved lønnstrekk etter svalbardskattelova § 3-2: 8 pst.

• b) Anna inntekt: 10 pst.

Personlege skattytarar skal ha eit frådrag i alminneleg inntekt som vert omfatta av b) på 20 000 kroner.»

Det blir først votert over komiteens tilråding med unnatak av II § 3. Deretter blir det votert alternativt mellom tilrådinga frå komiteen og forslaget frå Framstegspartiet og Høgre til II § 3.

Votering:1. Tilrådinga frå komiteen – med unnatak av II § 3 – vart samrøystes vedteken.2. Ved alternativ votering mellom tilrådinga frå komiteen til II § 3 og forslaget frå Framstegspartiet og Høgre vart tilrådinga vedteken med 66 mot 34 røyster.(Voteringsutskrift kl. 15.43.37)