John I Alvheim (Frp): Jeg skal få stille den ærede sosialminister følgende spørsmål:

Departementet har fordelt 21 mill. kroner til metadonprosjekt i Oslo-regionen.

Når vil dette prosjektet starte opp, og hvor mange klienter vil prosjektet omfatte?

Statsråd Magnhild Meltveit Kleppa: Midlane til metadonassistert behandling er nær tredobla frå 1997 til 1998. Dette rekk ikkje til å imøtekoma alle signaliserte behov, men det er meint å gje eit landsdekkjande tilbod. Reelt stiller departementet nær 26 mill. kr i 1998 til disposisjon for etablering av Senter for metadonassistert rehabilitering ved Ullevål sykehus i Oslo. Det er i denne samanheng grunn til å minna om at hovudansvaret for hjelpetilboda for rusmiddelmisbrukarar i medhald av sosialtenestelova ligg hjå kommunen, og at desse midlane er ekstraordinære i tillegg til rammetilskotet.

Det tidlegare Metadonprosjektet i Oslo, MiO, og metadontiltaket ved Ullevål vil vera kjernen i dette senteret. Det gjev alt i dag tilbod til nær 100 klientar. Det er no opp til Oslo kommune å sikra ei rask utviding av tilbodet m.a ved å tilsetja nødvendig personale og syta for lokale. Leiar for Senter for metadonassistert rehabilitering i Oslo er alt tilsett. Eg har merka meg at han i Aftenpostens kveldsnummer den 23. mars uttalte at senteret neste år bør koma opp i full kapasitet på 350 klientar.

Den forskningsmessige evalueringa av metadontiltaket i Oslo peiker på at desse tiltaka må byggjast ut i eit forsvarleg tempo. Mellom anna må det sikrast at det blir oppretta individuelt tilpassa tiltak rundt den enkelte klient, og at metadon berre blir gjeve under streng kontroll. Den nytilsette senterlederen seier noko av det same i dag i Dagbladet:

Det er ikke om å gjøre å få delt ut metadon raskest mulig. Det er om å gjøre å utvikle et godt tilbud så raskt som mulig.

Det er det dei no er i ferd med i Oslo, men det tek av dei grunnane som eg nemnde, noko tid før det er fullt utbygt.

John I Alvheim (Frp): Jeg takker statsråden for svaret, som for meg er høyst utilfredsstillende.

Vi har nå kommet frem til 1. april 1998, og mer enn 30 personer har allerede så langt dødd av overdose. Og ungdom dør ukentlig. Stortinget har gitt en bevilgning til metadonbehandling i Oslo-regionen. Det er lang kø for kvalifisert opptak til behandlingen, men så langt synes intet å ha skjedd utover det som tidligere var på gang. I tillegg til Oslo kommune har etter mitt skjønn statsråden et udiskutabelt eget ansvar for denne situasjonen. Det er et ansvar som jeg nå krever at statsråden tar innover seg, og gjør noe i forhold til Oslo kommune.

En herværende Oslo-avis opplyste nylig at prosjektet i Oslo skal ha en bemanning på 70-80 personer. Det er for meg aldeles ubegripelig at et tilbud om metadonbehandling til et antall klienter på 100-200 skal kunne trenge 70-80 fagpersoner.

Mitt konkrete spørsmål til sosialministeren blir da som følger: Vil sosialministeren umiddelbart gripe inn i forhold til Oslo kommune og sørge for at metadonprosjektet blir etablert omgående - dette for å redde flest mulig liv?

Statsråd Magnhild Meltveit Kleppa: Eg deler fullt ut representanten Alvheim sin otte i forhold til overdosedødsfall i Oslo.

Eg trur likevel vi må innsjå at for å hindra ytterlegare overdosedødsfall trengst det òg andre tiltak enn metadonassistert behandling. Metadonassistert behandling er no under oppbygging. Denne regjeringa har sytt for atskilleg fleire midlar enn det som var føresetnaden i den førre regjeringa sitt budsjett. Og vi har omdisponert ytterlegare midlar. Oslo kommune brukte 8 mill. kr av sine 11 mill. kr i fjor. Dei har i tillegg straksmidlar til rustiltak som dei heller ikkje har brukt opp dei siste åra.

Eg skal syta for tett kontakt med Oslo kommune - det skal ikkje stå på departementet. Men det er Oslo kommune som her har det endelege ansvaret.

Presidenten: Spørsmål 38 er besvart tidligere.