Grethe G Fossum (A):
Jeg vil få lov å
stille følgende spørsmål til barne- og familieministeren:
Barnevernet har som oppgave å gi
familier med barn støtte og hjelp i vanskelige situasjoner. I svært mange
tilfeller er barnehagene brukt som et tiltak for å gi barnet en trygg og
forutsigbar tilværelse.
Hvilke tiltak vil barne- og
familieministeren gjøre for at foreldres eventuelle valg av kontantstøtte
ikke skal føre til at disse barna går glipp av et helt nødvendig
barnehagetilbud?
Statsråd Valgerd Svarstad Haugland:
Representanten Grethe G Fossum er opptatt av kva slags konsekvensar
innføring av kontantstøtte kan få for familiar i vanskelege situasjonar som
treng barnehageplass som førebyggande barnevernstiltak.
Ei av barnevernets viktigaste oppgåver
er å gi hjelp og støtte til born og familiar som har behov for det. Det
blir lagt stor vekt på å samarbeida, stimulera og støtta foreldra for å
sikra borna gode levevilkår og utviklingsmoglegheiter i heimen. Frivillige
hjelpetiltak i barnevernet utgjer i dag langt dei fleste tiltaka barnevernet
set inn overfor familiar og born, og det har vore ein sterk vekst i denne
typen tiltak på heile 1990-talet.
Barnevernet kan nytta ulike typar
hjelpetiletak som støttekontakt, avlastning i heimen, tilsynsførar for
barnet, økonomisk støtte og barnehageplass. Ved utgangen av 1996 hadde om
lag 4.100 born med tiltak frå barnevernet plass i barnehage. Berre 580 born
var mellom 0 og 2 år. Det betyr at kontantstøtteordninga vil gjelda eit
fåtal born med barnehageplass i barnevernet. Ettersom den i første omgang
gjeld born frå 0 til 3 år, vil den altså gjelda eit fåtal av dei.
Representanten Fossum vil veta kva eg
vil gjera for å hindra at foreldre vel kontantstøtte framfor eit helt
nødvendig barnehagetilbod.
Eg trur ikkje at dette i praksis vil
bli eit stort problem. Foreldre som har kontakt med barnevernet, vil som
andre foreldre prøva å gjera det beste for borna sine. For dei fleste vil
barnehageplass vera eit akseptabelt og godt tilbod. I mange tilfelle vil
òg barnevernet syta for at dei får låge eller ingen kostnader ved å ta imot
tilbodet. Eg vil òg tru at foreldre som har kontakt med barnevernet fordi
dei er i ein vanskeleg situasjon, vil vera noko tilbakehaldne med å avslå
barnehageplass med den grunngjevinga at dei i staden vil ha kontantstøtte.
Eg har derfor tru på at barnevernet
framleis vil kunna bruka barnehageplassar til born som treng det, gjennom
samarbeid med og motivasjon av foreldra. Dersom dette ikkje fører fram og
bornet har tydeleg behov for eit slikt tiltak, finst det ein heimel i
barnevernlova som opnar for pålegg om barnehageplass, sjølv om foreldra er
usamde. Eit slikt pålegg krev i tilfelle at saka blir handsama i
Fylkesnemnda for sosiale saker.
Vi skal som tidlegare sagt evaluera
ordninga i samband med ei vurdering av innretninga og opptrappinga av
ordninga for nye årskull. I evalueringa vil konsekvensane for born som
treng hjelp frå barnevernet, og for andre som har særskilde behov for plass,
bli nøye vurderte.
I ei slik reform som er retta mot ei
heil befolkningsgruppe og vil koma det store fleirtalet av dei som nyttar
ordninga, til gode, må vi prøva å motverka eventuelle uheldige biverknader.
Det vil vera å snu det fullstendig på hovudet om ikkje ei allmenn reform kan
innførast fordi nokre få kan koma uheldig ut.
Grethe G Fossum (A):
Jeg takker først
statsråden for svaret. Jeg har en følelse av at statsråden tar veldig lett
på denne problemstillingen og til dels avviser at dette er et problem. En
sak i barnevernet er et barn som går til grunne, og det er én sak for mye.
Personlig er jeg meget opptatt av at
barnehagens funksjon skal være å være en støttespiller i forhold til de barn
som nettopp vokser opp i familier hvor foreldrene ikke klarer å ivareta
barnas behov. Mange av disse familiene vil trenge nettopp den støtte og
hjelp som barnehagene kan gi, og barna selv vil ha et trygt og godt
oppvekstmiljø i den tiden de oppholder seg i barnehagen.
Jeg vet også at barneloven gir
mulighet for å pålegge plasser i barnehagen. Det er utrolig sjelden den
muligheten blir brukt, fordi man satser på et samarbeid. Men når foreldrene
får valget mellom 30.000 kr i lomma og et barnehagetilbud som de må betale
for, hva vil de foreldrene som kanskje ikke ser barnas beste, velge? Og hva
vil statsråden legge inn for at de skal gjøre de rette valgene?
Statsråd Valgerd Svarstad Haugland:
Når representanten Fossum seier at eg tar veldig lett på behova til born med
spesielle vanskar, tar ho heilt feil. Det er faktisk ei av dei gruppene eg
har tenkt mest på i forhold til kontantstøtte, og den gruppa eg har vore
mest opptatt av at vi må ha tiltak for som hindrar uheldige verknader. Eg
ser òg klårt at barnehagar kan fanga opp ein del born som har spesielle
behov. Men eg veit òg at det er ein del born som aldri kjem til barnehagen
fordi dei ikkje er inne i systemet i det heile, og det er dei mest utsette
borna. Eit barn som går til grunne, er eitt for mykje - det er eg heilt
samd med representanten Fossum i.
Representanten sa òg at det var veldig
sjeldan ein påla foreldra å bruka barnehageplass, men at når summen på
30.000 kr vert sett opp mot barnehageplass, ville det bli freistande ikkje å
søkja om barnehageplass. Dersom ordninga med kontantstøtte skulle føra til
at ein oftare må pålegga foreldra å bruka barnehageplass, får vi vurdera
det. Etter at ordninga med kontantstøtte har vore i funksjon ei tid, skal
heile ordninga vurderast. Men eg har lyst til å streka under at det ikkje
går an å seia nei til eit godt tiltak som gjeld dei fleste familiane, som
vil ha stor glede av det, og skrinlegga det fordi ein ser nokre problem og
utfordringar. Vi hadde ikkje kome langt her i samfunnet dersom vi berre
skulle gjennomføra ting som vi visste det ikkje var nokon ulemper ved.
Grethe G Fossum (A):
Jeg takker
statsråden for svaret. Jeg føler en utrolig stor forvirring i forhold til
alle de svarene som har vært gitt i dag. Det har slått meg at ministerens
valgfrihet består i et valg mellom et kvalitetstilbud som det barnehagen er,
som er støttet og kontrollert av det offentlige, og det å gi 3.000 kr på
bordet som foreldrene kan bruke som en vil: til « svarte » dagmammaer, til
praktikanter eller til å være hjemme. Statsråden ønsker ikke på noen måte å
stille krav til at en av foreldrene faktisk skal gi mer tid til barna. Hun
synes at fedrekvote med tvang har vært et godt tilbud, men er ikke villig
til å gå inn for noen som helst kvalitetskontroll av det foreldrene tilbyr
sine barn. Jeg er redd for at vi har fått en familieminister istedenfor en
barneminister.
Statsråd Valgerd Svarstad Haugland:
Dersom det å vera familieminister ikkje skal kunna kombinerast med det å
vera barneminister, lurer eg på kva Arbeidarpartiet har gjort i mange år før
oss. Eg trudde faktisk ein god familiepolitikk kom borna til gode. Det
ligg sjølvsagt som eit grunnlag for alt vi føretek oss. Fossum seier òg i
sin merknad om valfridom at det berre er barnehageplass som er eit
kvalitetstilbod til borna. Eg trur faktisk det finst andre gode
kvalitetstilbod å gje born.
Fleire foreldre har valt alternative
løysingar som er gode kvalitetstilbod, til sine born utan å senda dei i
heildagsbarnehage frå kl. 8 til 17 om dagen. Eg kan koma med mange
eksempel, eg kan koma med eigne røynsler, men eg skal la det ligga. Men eg
føler at representanten Fossum i denne replikken viste at hun har veldig
liten tillit med omsyn til kva foreldra sjølv vel for sine born. Det er de
som stortingspolitikarar som skal bestemma kva som er best for det enkelte
barnet, den enkelte familien. Eg ynskjer å opna for valfridom, eg står på
det. Eg ynskjer å vera ein minister som tar omsyn til både barn og familie,
og når vi talar barna si sak kan vi ikkje gløyma familien oppi det heile.
Elles vil eg takka Arbeidarpartiet for
den store interessa for kontantstøttespørsmålet.