Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Innhold
Klikk HER for vedlegg i pdf
Komiteen peikar på at oppfølging av regjeringa si handsaming av oppmodingsvedtaka er ein viktig del av Stortinget sin kontroll med regjeringa sitt arbeid. Komiteen syner til Meld. St. 4 (2021–2022) Anmodnings- og utredningsvedtak i stortingssesjonen 2020–2021, som kontroll- og konstitusjonskomiteen handsamar. Komiteen syner til regjeringa si rapportering på ulike oppmodingsvedtak i budsjettproposisjonen. Komiteen tar i denne innstillinga ikkje stilling til realitetane i dei enkelte forslaga eller regjeringa Solberg sin konklusjon om vidare rapportering eller ikkje. Det vil bli gjort ved handsaming av Meld. St. 4 (2021–2022). Komiteen har motteke brev frå kontroll- og konstitusjonskomiteen med spørsmål om komiteen har merknader til dei oppmodingsvedtaka som sorterer under transport- og kommunikasjonskomiteen sitt område. Dei oppmodingsvedtaka komiteen har merknader til, vil bli omtalt i svarbrev til kontroll- og konstitusjonskomiteen.