1. Sammendrag
- 1.1 Kap. 903 Norsk Akkreditering
- 1.2 Kap. 904 Brønnøysundsregistra
- 1.4 Kap. 909 Tiltak for sysselsetting av sjøfolk
- 1.5 Kap. 922 Romverksemd
- 1.6 Kap. 950 Forvalting av statleg eigarskap
- 1.7 Kap. 953 Kings Bay AS
- 1.8 Kap. 960 Raufoss ASA
- 1.9 Kap. 2421 Innovasjon Norge
- 1.10 Kap. 2428 Eksportfinans ASA
- 1.11 Kap. 2460 Garanti-instituttet for eksportkreditt
- 1.12 Kap. 3903 Norsk Akkreditering
- 1.13 Kap. 3904 Brønnøysundregistra
- 1.14 Kap. 3907 Sjøfartsdirektoratet
- 1.15 Kap. 3950 Forvalting av statleg eigarskap
- 1.16 Kap. 5325 Innovasjon Norge
- 1.17 Kap. 5614 (nytt) Renter frå Garanti-instituttet for eksportkreditt
- 1.18 Kap. 5625 Renter og utbyte frå Innovasjon Norge
- 1.19 Kap. 5656 Aksjar i selskap under NHD si forvalting
I denne proposisjonen legg Nærings- og handelsdepartementet fram endringsforslag på statsbudsjettet 2009 i samsvar med pkt. 2 nedanfor.
Norsk Akkreditering sine utgifter i 2009 vil bli høgare enn det som blei lagt til grunn i saldert budsjett, noko som kjem av større auke i Norsk Akkreditering si verksemd enn venta. Akkrediteringsverksemda blir finansiert gjennom gebyr.
Nærings- og handelsdepartementet gjer derfor framlegg om auke av driftsutgiftene under kap. 903 post 1 på 5 mill. kroner, frå 25,32 til 30,32 mill. kroner, jf. tilsvarande framlegg under kap. 3903 post 1.
Brønnøysundregistra har fullmakt til å utføre eksterne oppdrag. Som følgje av større etterspørsel etter tenester, og generelt meir aktivitet, har utgiftene og inntektene blitt høgare enn det som blei lagt til grunn i saldert budsjett. På dette grunnlaget gjer Nærings- og handelsdepartementet framlegg om auke av driftsutgiftene under kap. 904 post 1 med 17,2 mill. kroner, frå 243,3 til 260,5 mill. kroner, jf. omtale under kap. 3904 post 2.
Utviklingskostnadene har blitt 22 mill. kroner høgare i 2009 enn det overslaget som låg til grunn ved inngåing av avtalane.
I samband med at det blei inngått nye kontrakter for Altinn II 1. november 2008, blei rutinane for tenesteeigarane si betaling for bruk av Altinn endra. I det nye avtaleregimet blir Brønnøysundregistra fakturert for alle kostnadene ved pålogging. Brønnøysundregistra får i ettertid refusjon frå kvar tenesteeigar som blir inntektsført under kap. 3904 post 3. Dei samla kostnadene for pålogging i Altinn som Brønnøysundregistra får refusjon for, er om lag 40 mill. kroner.
Nærings- og handelsdepartementet gjer framlegg om å auke løyvinga under kap. 904 post 22 med til saman 62 mill. kroner, frå 247,2 til 309,2 mill. kroner.
Det har blitt bestilt vesentleg færre nybygg og ombygging av skip ved norske verft i 2009 enn det som var lagt til grunn i saldert budsjett 2009. Dette inneber at Sjøfartsdirektoratet har fått redusert aktivitet med tilsyn og kontroll av nybygg/byggeprosjekt. På dette grunnlaget gjer Nærings- og handelsdepartementet framlegg om å redusere løyvinga under kap. 907 post 1 med 3,5 mill. kroner, frå 302,7 til 299,2 mill. kroner.
Ordinær løyving gjennom saldert budsjett 2009 var 1 750 mill. kroner. På grunnlag av utrekningar og prognose etter utbetalingane for 4. til 6. termin 2008 (frå juli til og med desember) blei løyvinga auka med 60 mill. kroner, til 1 810 mill. kroner.
Tilskotsordninga er regelstyrt. Særleg talet på sjøfolk som er omfatta av ordningane, er avgjerande for storleiken på refusjonsutbetalingane. Vidare er lønsnivået for dei aktuelle sjøfolka utslagsgivande. Reduksjonen i tilskotsutbetalingane i høve til anslaget i St.prp. nr. 67 (2008–2009) skuldast hovudsakeleg at taket på 198 000 kroner i refusjonsutbetaling per sysselsett har gitt større effekt enn tidlegare berekna. På dette grunnlaget gjer Nærings- og handelsdepartementet framlegg om å redusere løyvinga under kap. 909 post 73 med 80 mill. kroner, frå 1 810 til 1 730 mill. kroner.
Norsk Romsenter har hatt utbetalingar i euro til ESA til andre kursar enn den som vart lagt til grunn for saldert budsjett. Samstundes har det òg vore justering i kontigentoppkallinga frå ESA i budsjettåret. Som følgje av dette blei løyvinga auka med 11,1 mill. kroner ved Stortinget si handsaming av St.prp. nr. 67 og Innst. S. nr. 355 (2008–2009). Etter ytterlegare justering gjer Nærings- og handelsdepartementet framlegg om å auke løyvinga under kap. 922 post 70 med 1,1 mill. kroner, frå 137,5 til 138,6 mill. kroner.
Valutakursane på euro har endra seg i budsjettåret i høve til kursane som blei lagt til grunn for saldert budsjett. Samstundes har det vore ei endring i oppkallinga av programmidlar frå ESA i 2009. Løyvinga blei auka med 20,7 mill. kroner i St.prp. nr. 67 og Innst. S. nr. 355 (2008–2009). Som følgje av ein ytterlegare justering gjer Nærings- og handelsdepartementet framlegg om å auke løyvinga under kap. 922 post 71 med 4,9 mill. kroner, frå 278,3 til 283,2 mill. kroner.
Nærings- og handelsdepartementet gjer vidare framlegg om å auke løyvinga under kap. 922, post 73 Galileo med 0,4 mill kroner, frå 19 til 19,4 mill. kroner.
Dei samla utgiftene for 2009 vil venteleg bli om lag 43,5 mill. kroner. Når ein tek omsyn til 8,0 mill. kroner som er overført frå 2008, er det behov for ei tilleggsløyving på om lag 24,8 mill. kroner for 2009. Nærings- og handelsdepartementet gjer framlegg om å auke løyvinga under kap. 950 post 21 med 24,8 mill. kroner, frå kr 10,7 til kr 35,5 mill. kroner.
Ved Stortinget si handsaming av St.prp. nr. 67 og Innst. S. nr. 355 (2008–2009) blei det løyvd 1 mrd. kroner i ansvarleg lån til Entra Eiendom AS. I tillegg ga staten avkall på utbyte frå selskapet for rekneskapsåret 2008. Bakgrunnen for dette var den internasjonale finanskrisa som førte til store verdinedskrivingar for eigedom i 2008 og første halvår 2009. Den positive utviklinga har ført til at Entra Eiendom AS no vurderer situasjonen slik at det ikkje lenger er nødvendig for selskapet å gjere nytte av det ansvarlege lånet.
På dette grunnlaget gjer Nærings- og handelsdepartementet framlegg om å redusere løyvinga under kap. 950 post 90 med 1 mrd. kroner, frå 1 mrd. kroner til kr 0.
På statsbudsjettet for 2009 blei det sett av 25 mill. kroner til bygging av nytt kraftverk i Ny-Ålesund. Styret i Kings Bay AS informerte departementet i brev av 20. april 2009 om at bygginga av kraftverket mellombels var utsett. På dette grunnlaget gjer Nærings- og handelsdepartementet framlegg om å redusere løyvinga under kap. 953 post 70 med 24,3 mill. kroner, frå 40 til 15,7 mill. kroner.
Fram til oktober 2009 hadde departementet refundert om lag 8,3 mill. kroner for kostnader knytt til pålagte, utførte miljøtiltak i 2009. Etter planen vil det bli aktuelt med ytterlegare om lag 3,3 mill. kroner til utbetalingar i 2009. På dette grunnlaget gjer Nærings- og handelsdepartementet framlegg om å løyve 11,6 mill. kroner under kap. 960 post 71 til refusjonar for 2009.
Gjennom Regjeringa sine tiltakspakker og St.prp. nr. 67 (2008–2009) er rammene til Innovasjon Norge auka vesentleg.
Nærings- og handelsdepartementet vurderer det no slik at det vil vere meir føremålstenleg å endre forholdet mellom ramma for innovasjonslån og ramma for landsdekkande garantiar. På denne bakgrunnen gjer departementet framlegg om å auke ramma for innovasjonslån med 70 mill. kroner, mot ein tilsvarande reduksjon i ramma for landsdekkande garantiar. Det er allereie løyvt midlar til tapsavsettingar for garantiane over kap. 2421 post 50. Framlegget krev såleis inga ny løyving til tapsavsettingar. Tapsavsettingar til innovasjonslån og landsdekkande garantiar har same føremål, jf. Forslag til vedtak III og IV.
Nærings- og handelsdepartementet gjer framlegg om å gjere løyvinga overførbar slik at midla òg kan nyttast i seinare år, jf. Forslag til vedtak II.
Innlån og avdrag har blitt auka i 2009 fordi Innovasjon Norge sine lånerammer er auka og utbetaling av lån med tilhøyrande refinansiering har vore høgare enn det som låg til grunn ved revidering av budsjettet i vår. Dette inneber òg at avdraga blir auka. På dette grunnlaget gjer Nærings- og handelsdepartementet framlegg om å auke løyvinga under kap. 2421 post 90 med 6,4 mrd. kroner, frå 35,6 til 42,0 mrd. kroner.
Eksportfinans hadde hausten 2008 problem med å få tilgang til langsiktig finansiering. For å sikre norske verksemder tilbod om finansiering av eksportkontrakter, gjorde Regjeringa framlegg om at staten skulle tilby Eksportfinans lån på marknadsvilkår.
Løyvinga for 2009 er på 30 mrd. kroner. Eksportfinans har pr. 1. november 2009 ikkje nytta høvet til å ta opp lån. På dette grunnlaget gjer Nærings- og handelsdepartementet framlegg om at løyvinga under kap. 2428 post 90 på 30 mrd. kroner blir sett til 0.
Stortinget utvida i juni 2009 trekkfullmakta for garantiordninga for byggelån med 200 mill. kroner, frå 400 til 600 mill. kroner. Årsaka var at verftsnæringa møtte store utfordringar og uvisse knytt til fleire engasjement GIEK er involvert i. GIEK tok i mai 2009 opp eit lån i statskassa på 104 mill. kroner for å dekke erstatningsansvaret knytt til eit verft som gjekk konkurs i 2009. Lånet skal tilbakebetalast når fordringane som følgje av erstatning heilt eller delvis er dekt inn og eventuelt gjennom premieinntekter frå garantiordninga.
På dette grunnlaget gjer Nærings- og handelsdepartementet framlegg om ei løyving under kap. 2460 ny post 91 på 104 mill. kroner.
Det har vore større auke i Norsk Akkreditering si verksemd i 2009 enn venta.
På dette grunnlaget gjer Nærings- og handelsdepartementet framlegg om å auke løyvinga under kap. 3903 post 1 med 5 mill. kroner, frå 19,3 til 24,3 mill. kroner, mot tilsvarande auke under kap. 903 post 1.
Etter ein periode med nedgang fekk Brønnøysundregistra i 2. kvartal auka aktivitet i mellom anna Lausøyreregisteret. Gebyrinntektene i Brønnøysundregistra vil derfor bli høgare enn anslaga som låg til grunn for løyvinga. På dette grunnlaget gjer Nærings- og handelsdepartementet framlegg om å auke løyvinga under kap. 3904 post 1 med 35 mill. kroner, frå 326,3 til 361,3 mill. kroner.
Det er venta at oppdragsinntektene vil auke med 17,2 mill. kroner. Oppdragsinntektene er knytt mot driftsutgiftene under kap. 904 post 1. På dette grunnlaget gjer Nærings- og handelsdepartementet framlegg om å auke løyvinga under kap. 3904 post 2 med 17,2 mill. kroner, frå 17,8 til 35 mill. kroner, mot tilsvarande auke under kap. 904 post 1.
Nærings- og handelsdepartementet gjer framlegg om å auke løyvinga under kap. 3904 post 3 med 40 mill. kroner, frå 0,1 til 40,1 mill. kroner, mot tilsvarande auke under kap. 904 post 22.
På grunnlag av innbetalte gebyr hittil i år og prognose for innbetaling i resten av året reknar Sjøfartsdirektoratet med at det blir ein svikt i gebyrinntekta under posten på om lag 3,5 mill. kroner på årsbasis. På dette grunnlaget gjer Nærings- og handelsdepartementet framlegg om å redusere inntektsløyvinga under kap. 3907 post 1 med 3,5 mill. kroner, frå 134,3 til 130,8 mill. kroner.
På bakgrunn av føresegn i skipssikkerheitslova, jf. Ot.prp. nr. 87 (2005–2006), har Sjøfartsdirektoratet innført gebyr for brot på lova. Nærings- og handelsdepartementet legg til grunn eit gjennomsnittleg gebyr på kr 100 000 for føretakssaker og kr 25 000 for personlege sertifikat og at det samla vil bli innbetalt om lag 3 mill. kroner i gebyr i 2009. På dette grunnlaget gjer Nærings- og handelsdepartementet framlegg om ei inntektsløyving på 3 mill. kroner under kap. 3907 ny post 6.
Nærings- og handelsdepartementet gjer framlegg om å auke løyvinga under kap. 3950 post 70 med 7,75 mill kroner, frå 7,75 til 15,5 mill. kroner.
Posten omfattar avdrag på lån til Innovasjon Norge frå statskassa, jf. omtale av opplegget for innlån under kap. 2421 post 90. Som følgje av høgare lånerammer og høgare utbetalingstakt av lån enn lagt til grunn for budsjetteringa i samband med St.prp. nr. 67 (2008–2009), er det behov for å auke løyvinga vesentleg. På dette grunnlaget gjer Nærings- og handelsdepartementet framlegg om å auke løyvinga under kap. 5325 post 90 med 4,2 mrd. kroner, frå 35,1 til 39,3 mrd. kroner.
Nærings- og handelsdepartementet gjer framlegg om ei løyving under nytt kap. 5614 post 80 på 1,255 mill. kroner.
Som følgje av faktiske renteinnbetalingar og prognoser for resten av året er det grunnlag for å justere renteinntektsløyvinga ned på grunn av lågare rentesatsar enn lagt til grunn for løyvinga i St.prp. nr. 67 (2008–2009). På dette grunnlaget gjer Nærings- og handelsdepartementet framlegg om at løyvinga under kap. 5625 post 80 blir redusert med 45 mill. kroner, frå 360 til 315 mill. kroner.
Ved Stortinget si handsaming av St.prp. nr. 67 og Innst. S. nr. 355 (2008–2009) blei løyvinga under denne posten sett ned til 10 983,7 mill. kroner i samla aksjeutbyte frå selskap under Nærings- og handelsdepartementet si forvalting.
I høve til inneliggjande overslag for utbyte er innbetalt utbyte frå selskapa 3 mill. kroner lågare. Dette skuldast hovudsakeleg endringar i utbyte frå Aker Holding AS og Secora AS. På dette grunnlaget gjer Nærings- og handelsdepartementet framlegg om å redusere løyvinga under kap. 5656 post 85 med 3 mill. kroner, frå 10 983,7 til 10 980,7 mill. kroner.
Oppgjeret av buet har tatt lengre tid og saka kan først fremmast for Stortinget i revidert budsjett 2010.
ESA har konkludert med at Mesta AS blei overkompensert på overgangskontraktene for drift og vedlikehald av veg med 66,4 mill. kroner. I tillegg har ESA avgjort at enkelte restruktureringskostnader, og vedtaket om å frita Mesta AS for dokument- og tinglysingsavgift, er i strid med statsstønadsregelverket. Kravet om tilbakebetaling for desse fordelane må reknast ut av staten.
Regjeringa må innan 7. desember 2009 avgjere om staten skal akseptere vedtaket eller bringe saka inn for EFTA-domstolen.