Til Stortinget

Samandrag

Kap. 800 Barne- og familiedepartementet

Departementet gjer framlegg om at kap. 800 Barne- og familiedepartementet post 21 Spesielle driftsutgifter aukast med 2,8 mill. kroner mot ei innsparing på kap. 800 post 01 Driftsutgifter med 0,406 mill. kroner, kap. 844 Kontantstøtte post 21 Evaluering, informasjon m.v. med 0,138 mill. kroner, kap. 854 Tiltak i barne- og ungdomsvernet post 71 Forsking, utvikling og opplysningsarbeid m.v. med 1,300 mill. kroner, kap. 856 Barnehagar post 64 Prøveprosjekt Oslo indre øst med 0,300 mill. kroner, kap. 857 Barne- og ungdomstiltak post 79 Tilskot til internasjonalt ungdomssamarbeid m.v. med 0,440 mill. kroner, kap. 865 Forbrukerpolitisk forsking, forbrukersikkerhet og internasjonalt samarbeid post 21 Spesielle driftsutgifter med 0,260 mill. kroner.

Kap. 845 Barnetrygd

Utgiftene i år vil i fylgje anslag frå Rikstrygdeverket bli om lag 20 mill. kroner lågare enn vedtatt løyving.

På grunn av dette blir det gjort framlegg om å redusera løyvinga under kap. 845 Barnetrygd post 70 Tilskot med 20 mill. kroner.

Kap. 854 Tiltak i barne- og ungdomsvernet

Det er eit meirbehov på 2 mill. kroner for 1999. Meirbehovet skuldast mellom anna at saksvolumet i 1999 har blitt større enn ein tidlegare har rekna med. Loven set fristar for når sakene må handsamast som òg påverkar utgiftene. Departementet gjer difor framlegg om ei tilleggsløyving på 2 mill. kroner for 1999.

Post 64 dekkjer det særskilde tilskotet til kommunar som buset einslege mindreårige flyktningar og asylsøkjarar, samt refusjon av fylkeskommunane sine barnevernutgifter. Meirbehovet skuldast at det for 1999 er eit avvik mellom føresetnadene i budsjettet og dei faktiske tilhøve. I løpet av året har det vore ei vesentleg auke i talet på einslege mindreårige flyktningar og asylsøkjarar som er komen til landet. Samstundes har utgiftene ved den fylkeskommunale refusjonsordninga auka frå 1998 til 1999. Departementet gjer difor framlegg om ei tilleggsløyving på 21,5 mill. kroner for 1999.

Kap. 856 Barnehagar

Det ser ut til at etableringa av nye barnehageplassar blir lågare enn det som vart lagt til grunn i RNB. Samstundes ser det ut til at omlegginga av driftstilskot til barnehagar (nye kategoriar for opphaldstid og auka satsar 1. august 1999) vil kosta mindre enn venta.

Løyvinga til barnehagar skal sjåast i samanheng med løyvinga til kontantstønad under kap. 844 post 70. Anslag frå Rikstrygdeverket viser at det vil vera eit meirbehov på om lag 212 mill. kroner på kap. 844 post 70. Dette kan såleis dekkjast over kap. 856 post 60. På bakgrunn av desse anslaga blir det gjort framlegg om å redusera løyvinga under kap. 856 Barnehagar post 60 Driftstilskot med 30 mill. kroer.

Kap 857 Tiltak i barne- og ungdomsvernet

I statsbudsjettet for 1998 blei departementet tilført 8 mill. kroner av overskotet frå Flaxlotteriet. Av desse midlane vart 4 mill. kroner øyremerka til Utviklingsprogrammet for styrking av oppvekstmiljøet og 4 mill. kroner vart øyremerka barne- og ungdomsorganisasjonane.

I budsjettet for 1999 vart løyvinga til organisasjonane og utviklingsprogrammet redusert m.a. i påvente av handsaminga av "frivillighetsmeldinga". I den vart det lagt til grunn at 8 mill. kroner av samordningsgevinsten ved samanslåinga av statlege spel skulle gå til dei nemnde tiltak. I ettertid har det vorte kjend at det ikkje vil bli nokon samordningsgevinst til fordeling i 1999. På grunnlag av dette har departementet sjølv sikra finansieringa av tiltaka for 2000 jf. St.prp. nr. 1 (1999-2000). For 1999 har ikkje dette vore mogleg.

Departementet gjer framlegg om ei tilleggsløyving på 8 mill. kroner for 1999.

Kap 3860 Forbrukarrådet

Forbrukarrapporten er ein integrert del av verksemda til Forbrukarrådet. På grunn av dei årlege prisomrekningane, har inntektskravet under kap. 3860 auka med 1,3 mill. kroner frå 1995 til 1999. Talet på abonnentar er i same tidsrom blitt redusert frå om lag 99 000 til 76 000. Økonomisk har Forbrukarrådet avgrensa evne til å investere i bladet. Nedgangen i talet på abonnentar fører til stadig større kostnader til vedlikehald og nyteikning for å oppfylle kravet til eigeninntening i statsbudsjettet.

I 1999 ser det ut til at mindreinntekta til Forbrukarrådet vil bli på om lag 2,2 mill. kroner. Tidlegare er mindreinntekter hos Forbrukarrådet blitt dekt opp av departementet gjennom interne omdisponeringar. Dette er det ikkje rom for i 1999. Departementet foreslår derfor at inntektskravet på kap. 3860 blir justert ned med 2,2 mill. kroner utan nokon tilsvarande utgiftsreduksjon.

I samband med rammefordelinga for 1999 blei det gjort ein feil i fordelinga av inntektskravet på post 01 Sal av Forbrukarrapporten og post 02 Sal av opplysningsmateriell. Denne er seinare ikkje blitt korrigert. For å rette opp feilen, foreslår departementet at tilleggsforslaget blir fordelt med 1,1 mill. kroner på kvar av dei to postane 01 og 02.

Tilråding frå komiteen

Komiteen har elles ingen merknader, syner til proposisjonen og rår Stortinget til å gjere slikt

vedtak:

På statsbudsjettet for 1999 vert det gjort følgjande endringar:

Oslo, i familie-, kultur- og administrasjonskomiteen, den 7. desember 1999