1. Samandrag

      Regjeringa gjev i stortingsmeldinga ei oversikt over norsk eksport av forsvarsmateriell for året 1996, basert på innrapportering frå eksportørane. Meldinga er ei oppfølging av St.meld. nr. 9 (1996-1997), som omfatta første halvår 1996, og som vart handsama av Stortinget 18. desember 1996, jf. Innst.S.nr.83 (1996-1997).

       Det går fram av tabellane i meldinga at NATO-landa og dei nordiske landa er dei største mottakarane av forsvarsmateriell av kategori A (våpen og ammunisjon) frå Noreg. I tillegg har OECD-landa Japan, Sveits og Austerrike, forutan Singapore, motteke slikt materiell. Det er levert kategori B-materiell (anna militært materiell) til Dei sameinte arabiske emirata, Egypt, Malaysia, Slovakia, Saudi-Arabia, Sør-Korea, Thailand og Den tsjekkiske republikken.

       Den samla verdien av eksporten av forsvarsmateriell og tilknytta tenester var i 1996 NOK 1.001.409.000.

       Meldinga gjev vidare ei oversikt over lovgrunnlaget, forskriftene og varelistene som ligg til grunn for Utanriksdepartementets utøving av eksportkontrollen, med utgangspunkt i Regjeringas erklæring og Stortingets vedtak av 11. mars 1959.

       Meldinga omtalar Utanriksdepartementets administrative og organisatoriske funksjon på eksportkontrollområdet, Tollvesenets kontrollverksemd og medverknaden frå politiet og Forsvarets forskingsinstitutt.

       Eksportkontrollen av forsvarsmateriell vert utøvd med utgongspunkt i ei nasjonal vareliste (Liste I). Dei såkalla fleirbruksvarene, dvs. produkt som er sivile, men som også kan nyttast militært, er omfatta av Liste II. Sistnemnde er basert på kontrollistene som vert utarbeidde i dei multilaterale eksportkontrollregima.

       Meldinga gjev vidare ei oversikt over det internasjonale samarbeidet om eksportkontroll og ikkje-spreiing, m.a. dei multilaterale kontrollregima som Noreg er medlem i.

       Meldinga omtalar også relevante FN-vedtak, FN-registeret for overføringar av konvensjonelle våpen, den internasjonale handelen med tyngre konvensjonelle våpen, og arbeidet med å få til eit verdsfemnande totalforbod mot anti-personellminer.

       Det vert opplyst at tabellane som er attgjevne i meldinga, vil bli omsette til engelsk og omdelt i FN og andre relevante internasjonale fora som eit norsk bidrag til større innsyn i internasjonal våpenhandel.

       Det vert vidare opplyst at i alt 33 føretak har rapportert om utførsel. Innrapporteringane er kontrollerte mot lisensar utferda av Utanriksdepartementet. Det har i oppstartingsfasen vore naudsynt å avklare enkelte sider ved rapporteringsformatet som no fungerer svært tilfredsstillande.

       Det statistiske materialet om norsk eksport av forsvarsmateriell er vist i fem tabellar (jf. kapittel 4 i meldinga).

       Desse tabellane omfattar:

       Tabell 4.1: Oversikt over mottakarland etter varegruppene i Liste I.

       Tabell 4.2: Eksport av forsvarsmateriell fordelt på varegruppene i Liste I (i tusen kroner)

       Tabell 4.3: Eksport av forsvarsmateriell fordelt på land (i tusen kroner).

       Tabell 4.4: Eksport av forsvarsmateriell fordelt på regionar (i tusen kroner).

       Tabell 4.5: Tenesteytingar for utanlandske oppdragsgjevarar (i tusen kroner).

2. Komiteen sine merknader

       Komiteen viser til at Stortinget hadde en gjennomgang av norsk eksport av militært materiell 8. februar 1996 på bakgrunn av Innst.S.nr.118 (1995-1996) og Dok.nr.8:90 (1994-1995), videre ved behandling av St.meld. nr. 9 (1996-1997) og Innst.S.nr.83 (1996-1997) om eksport av forsvarsmateriell fra Norge i første halvår 1996. Komiteen viser videre til at det forventes forslag vedrørende nærmere praktisering/endring av regelverket på angjeldende område fra Regjeringen, konferer brev fra utenriksministeren av 28. november 1997 (vedlagt innstillingen), og finner det naturlig at eventuelle kommentarer kommer når disse eventuelt foreligger.

3. Komiteen si tilråding

       Komiteen har elles ingen merknader, syner til meldinga og rår Stortinget til å gjere slikt

       St.meld. nr. 57 (1996-1997) - om eksport av forsvarsmateriell frå Noreg 1996. Eksportkontroll og ikkje-spreiing - vert å leggje ved protokollen.

Vedlegg

Brev fra utenrikskomiteen av 21. november 1997 og utenriksministerens svarbrev av 28. november 1997.

1. Utenrikskomiteens brev av 21. november 1997

       Bl.a. fra Dagsavisen Arbeiderbladet 16. november 1997 kan en få inntrykk av at Regjeringen vil fremme forslag om konkrete endringer i regelverket for eksport av våpenmateriell når St.meld. nr. 57 behandles av Stortinget. Regjeringen har imidlertid ikke varslet Stortinget om slike endringer.

       Stortingets utenrikskomité er nå i gang med behandlingen av meldingen. Vi ber derfor om en avklaring på spørsmålet om Regjeringen ønsker endringer i dagens regelverk.

2. Utenriksministerens svarbrev av 28. november 1997

       Med henvisning til brev av 21. november 1997 fra Utenrikskomiteens leder vil jeg få lov til å opplyse at Utenriksdepartementet er i ferd med å se nærmere på praktiseringen av de eksisterende retningslinjer. Eventuelle endringer i retningslinjene vil bli tatt opp med Stortinget senere. Regjeringen har derfor ikke til hensikt å fremme forslag om konkrete endringer i retningslinjene for våpeneksporten nå i forbindelse med Stortingets behandling av St.meld. nr. 57 (1996-1997).