5. Økonomiske og administrative konsekvenser
Omdanning av Kommunalbanken til aksjeselskap med større handlingsrom under resultatansvar vil kunne gje auka konkurranse i marknaden for kommunelån.
Over statsbudsjettet for 1999 blir kapital som no er bunden i institusjonen inntektsført og ny kapital i form av aksjekapital vert tilført, jf. pkt. 2 og pkt. 4.3.
Etter omdanninga vil staten ikkje lenger garantere for nye innlån, slik at etter få år vil staten sitt totale garantiansvar bli vesentleg redusert. På den andre sida vil staten ikkje motta garantiprovisjon for nye innlån. Det vil bli stilt ordinære krav til avkastning på den innskotne aksjekapitalen i det nye selskapet. Selskapet vil framleis betale utbytte til staten av driftsoverskottet.
Kommunalbanken AS vil som finansinstitusjon komme under tilsyn av Kredittilsynet. Staten sine eigarinteresser i Kommunalbanken vil bli forvalta av Kommunal- og regionaldepartementet.
Komiteen har ingen merknader.