Komiteen har ellers ikke merknader, viser til proposisjonen og rår Odelstinget til å gjøre slikt

vedtak til lov om trygg bruk av fritidsfartøy.

§ 1.

       Etter denne lova er fritidsfartøy segl-, motor- og robåt eller liknande, når dei ikkje vert nytta i næring, og segl-, motor- og robåt eller liknande som vert leigd eller lånt ut for bruk i fritida.

§ 2.

       Føremålet med lova er auka tryggleik for menneskeliv i samband med bruk av fritidsfartøy.

§ 3.

       Kongen kan gi nærare forskrifter til utfylling og gjennomføring av lova.

§ 4.

       Kongen får fullmakt til å peike ut ei eller fleire offentlege styremakter som skal kontrollere at forskriftene gitt i eller i medhald av denne lova vert haldne.

       Utpeikt styremakt kan sende tenestemenn ombord i fartøya for å gjere kontroll. Om naudsynt kan fartøy i fart stoggast og bordast for kontroll.

       Fartøyeigar og førar plikter å medverke til gjennomføring av kontrollen.

       Kongen kan gi nærare forskrifter om kontrollen.

§ 5.

       Fartøyeigar og førar er ansvarlege for at forskrifter gitt i eller i medhald av denna lova vert haldne, om ikkje anna følgjer av den einskilde føresegna eller samanhengen.

§ 6.

       Den som forsettleg eller aktlaust bryt føresegn gitt i eller i medhald av lova vert straffa med bøter.

§ 7.

       Lova tek til å gjelde straks.

Oslo, i næringskomiteen, den 15. mars 1995.

Svein Ludvigsen,	Ulf Guttormsen,	William Engseth,
leder.	ordfører.	sekretær.