Birgit Oline Kjerstad (SV): Eg viser til mitt spørsmål Dok. nr 15:2625(2023-2024) og svar frå Justis og beredskapsministeren 3. september 2024 om retur av asylsøkjarar til Libanon, og spør om regjeringa framleis meiner det er i tråd med flyktningekonvensjonen og barnekonvensjonen å returnere barn og asylsøkjarar til Libanon no når krigen har eskalert, og vil statsråden ta initiativ overfor UDI om å vurdere endringar for retur til Midt Austen på bakgrunn av utviklinga av krigen i regionen?
Begrunnelse
I svar til meg 3. september skreiv Justis og beredskapsministeren at "ingen asylsøkjarar i Norge som har behov for beskyttelse, blir returnert til det stedet de risikerer forfølgelse" og videre: "Når det gjelder Libanon, mener verken UDI eller UNE at den generelle sikkerhetssituasjonen på nåværende tidspunkt er så alvorlig at en retur dit vil være i strid med norsk lov og våre internasjonale forpliktelser. UDI og UNE har spesialkompetanse i å foreta slike sikkerhetsvurderinger gjennom sin kjennskap til forholdene i de enkelte land, og jeg har tillit til at vurderingene som nå gjøres opp mot områder i Midtøsten er i overensstemmelse med gjeldende lover og konvensjoner."
No har Israel starta bombing også utanfor Hizbollkontrollerte områder i Beriut, og det er gått inn med bakkestyrker. Mange fryktar at krigen i Midt Austen skal eksalere ytterlegare, etter utviklinga av krigen siste dagane. Søndag 29 september melde NRK at om lag ein million menneske er på flukt internt i Libanon. Libanon er litt større enn Rogaland fylke, og det bor vel 6 millionar menneske i landet. Av desse er om lag 1,5 mill syriske- og 257 000 palestinske flyktningar. 1 oktober gjennomførte Iran rakettangrep mot Israel og situasjonen er svært spent i heile regionen.
Fleire land melder at dei henter heim sine borgarar frå landet.