Interpellasjon fra representanten Kjersti Toppe til helse- og omsorgsministeren:
«Legar i sjukehus er i eit stort omfang tilsette i mellombelse stillingar. Undersøkingar viser at 50 st. av alle sjukehuslegar er mellombelse tilsette, og av legar i spesialisering er heile 90–95 prosent midlertidig tilsette. I gjennomsnitt er sjukehuslegar midlertidig tilsette til dei er ca. 42 år. Ifølgje ei arbeidsmiljøundersøking frå Yngre legers forening – YLF – svarar 15 pst. av legane som har vore gravide, og som går i mellombelse stillingar, at graviditeten og/eller foreldrepermisjonen har fått negative konsekvensar for arbeidsforholdet. Nyleg vart eit sjukehus på Østlandet felt av Likestillings- og diskrimineringsombodet – LDO – for å ha diskriminert ein gravid lege. Mellombelse stillingar over så lang tid skapar også usikkerheit for legane og dermed også fare for at ein ikkje gir beskjed om uheldige forhold til leiinga.
Kva vil statsråden, som eigar av føretaka, gjera for å endra dette?»