Arve Kambe (H) [11:27:57]: Mitt spørsmål går til kommunal- og regionalministeren:

«Husbankens regelverk for investeringstilskudd til private sykehjem gjør det i praksis umulig for private eiere med interkommunalt tilbud å motta tilskuddet, fordi hverken vertskommune eller kjøperkommunene vil garantere for beløpet i henhold til regelverket.

Vil statsråden utarbeide et regelverk som tar hensyn til denne problemstillingen, slik at det blir mulig å motta tilskuddet for f.eks. Søster Ninas Sykehjem i Jevnaker når det er brukere fra flere kommuner slik signalene er i Samhandlingsreformen og interkommunalt samarbeid?»

Statsråd Liv Signe Navarsete [11:28:41]: Det er kommunane som har ansvaret for å tilby sjukeheimsplassar og omsorgsbustader til menneske som har behov for helse- og omsorgstenester heile døgnet. Investeringstilskotet er eit verkemiddel for kommunane i arbeidet med å fornye og byggje ut tilbodet av heildøgns omsorgsplassar. Derfor er det kommunane som kan søkje Husbanken om investeringstilskot, og som må vurdere om det er behov for auka utbygging og modernisering av sjukeheimar og omsorgsbustader. Det er kommunane sjølve som best veit kva behov dei har for heildøgns omsorgsplassar.

Investeringstilskotet vart i fjor endra, ved at høvet til å gi tilskot vidare til ideelle aktørar vart avvikla. Samtidig vart det opna for at kommunane òg kan få tilskot for omsorgsplassar som vert etablerte og drivne av andre aktørar, både ideelle og kommersielle. Kommunane står dermed fritt til å velje om dei vil byggje og drive omsorgsplassar sjølve, eller om dei heilt eller delvis vil kjøpe tenesta av frivillige og ideelle organisasjonar, private omsorgsfirma eller andre. Når kommunen kjøper tenester, skal dette skje på vanlege forretningsvilkår, og regelverka for offentlege framskaffingar og statsstønad skal verte følgde. Det sentrale for regjeringa er at kommunen skal disponere plassane i 30 år. Eg viser til Prop. 65 S for 2010–2011, Styrking av investeringstilskotet til omsorgsbustader og sjukeheimsplassar, som vart behandla i Stortinget i fjor vår.

Endringa i reglane for investeringstilskotet er ei tilpassing til dei overordna juridiske rammevilkåra i regelverka for offentlege framskaffingar og statsstønad. Desse regelverka ligg fast. Reglane for investeringstilskotet er no òg tilpassa kommunane sitt ansvar etter helse- og omsorgslovgivinga.

Når det gjeld Søster Ninas Sykehjem og andre som til byr interkommunale omsorgstilbod, vil det vere dei kommunane som kjøper omsorgsplassar, som må søkje Husbanken om tilskot. Investeringskostnaden og investeringsrisikoen vil i så fall inngå i den prisen partane avtaler for tenestetilbodet.

Regjeringa auka i fjor òg tilskotssatsane og avvikla prioriteringa til fylkesmennene av kva kommunar som skal få tilskot, og fordelinga av rammer på husbankregionar og fylke. Samla har endringane i ordninga gitt kommunane større spelerom i arbeidet med å få på plass eit framtidsretta omsorgstilbod. Endringane sikrar større lokalt sjølvstyre, og eg er sikker på at dei òg vil gi gode løysingar rundt om i kommunane.

Arve Kambe (H) [11:31:07]: Jeg hadde jo i sin tid et skriftlig spørsmål til statsråden, og jeg opplevde at svaret var så dårlig at jeg mente at statsråden gjerne ikke helt skjønte det. Dermed ønsker jeg å ha en diskusjon her i dag.

Dette svaret er jo egentlig en repetisjon av det forrige svaret, som jeg tror statsråden gjerne ikke helt ser konsekvensen av. Dette er et løsningsorientert spørsmål til statsråden hvor altså et interkommunalt sykehjem opplever at de ikke får det investeringstilskuddet som ingen har noe imot at de skal få. Men de får det ikke fordi Husbanken og Kommunaldepartementet rett og slett ikke har tenkt på det, fordi det finnes så få eksempler på denne type sykehjem. Når de da skal utvide fra 34 plasser til ca. 50 plasser, er det ingen som har tenkt på at interkommunale sykehjem er det ingen kommuner som er ansvarlig for i 30 år. Dermed trenger disse en særhjelp i Kommunaldepartementet og i Husbanken, noe som hittil ikke er løst. Konsekvensen er at sykehjemmet ikke får den utvidelsen som de trenger.

Statsråd Liv Signe Navarsete [11:32:11]: Slik eg ser det, er det ingen ting i vegen for at dei samarbeidande kommunane kan få midlar til å utvide tilbodet, men då må dei òg forplikte seg til å bruke plassane. Det burde jo for så vidt òg vere ei tryggheit for investeringane at ein er sikker på at plassane vert brukte, noko eg er heilt trygg på at dei kjem til å verte, med den veksten me ser i talet på eldre. Så tilskotet er jo eit forhold berre mellom Husbanken og kommunen. I dette tilfellet er det kommunane som i samarbeid kan kjøpe omsorgsplassar, og det er jo dei som må søkje Husbanken om tilskot.

Eg er oppteken av at me ikkje skal leggje hindringar i vegen for smidige løysingar, og eg er veldig for interkommunalt samarbeid. Så i den grad det er eit tilfelle her som me må sjå nærare på, er eg òg villig til å gjere det, dersom det er noko (presidenten klubber) …

Arve Kambe (H) [11:33:20]: Jeg opplever det også slik at det bør være en vilje til dette, særlig i departementet, som også lager reglene til Husbanken, for statsråden sier at det ikke skal være noe i veien for at dette sykehjemmet skal få investeringstilskudd. Det er jeg enig i. Problemet, som jeg ber statsråden om å ta på alvor, er at en kommune som Jevnaker som har full sykehjemsdekning, sier at de ikke trenger dette sykehjemmet, men det har eksistert siden 1950-tallet. Gjerdrum kommune, Ringerike kommune og Oslo kommune er store kjøpere av tjenester, men ingen av dem kan jo garantere i 30 år å være ansvarlig for investeringstilskuddet, for – som statsråden også sier – lov om offentlige anskaffelser gjelder også ved innkjøp av sykehjemsplasser i privat regi, i en periode på gjerne ett, to, tre, fire og fem år. Dermed er det ingen av de kommunene som kjøper tjenestene, som har mulighet til eller ønske om å gjøre det.

Da er mitt spørsmål til Navarsete: Vil statsråden sørge for at Husbanken og Kommunaldepartementet sammen finner en løsning, slik at dette sykehjemmet og andre kan løse dette problemet istedenfor å lage et problem?

Statsråd Liv Signe Navarsete [11:34:27]: Eg håpar at denne statsråden er kjend for å vere løysingsorientert og ønskjer å finne gode løysingar. Eg skal i dag ha eit møte med Husbanken om ei heilt anna sak, men eg skal ta med meg denne problemstillinga inn i det møtet og gi Husbanken i oppdrag å sjå på kva som eventuelt må gjerast for å løyse denne type saker. Så håpar eg me kan finne ei smidig løysing på det, for eg trur at alle er opptekne av at både denne sjukeheimen og tilsvarande sjukeheimar som har interkommunal karakter, skal ha moglegheita til å få utvida si verksemd.

Det er så langt eg kan gå, men det håpar eg viser ein positiv vilje iallfall til å prøve å finne ei løysing.